Thursday, 6 July 2017

کی تسی پنجابی قوم پرستی دا کم کرنا چاھندے او؟

پنجابی قوم پرستی دا کم کرن لئی 8 شعبے بنائے جا رئے نے؛

1 . جنوبی پنجاب وچ ھون والی سرائیکی شازش دا علمی طریقے تے سیاسی حکمت عملی نال مقابلہ کرن والا شعبہ۔

2 . بلوچستان دے بلوچ علاقے وچ پنجابیاں نال ھون والے ظلم تے زیادتی آں دا علمی طریقے تے سیاسی حکمت عملی نال مقابلہ کرن والا شعبہ۔

3 . بلوچستان دے پشتون علاقے وچ پنجابیاں نال ھون والے ظلم تے زیادتی آں دا علمی طریقے تے سیاسی حکمت عملی نال مقابلہ کرن والا شعبہ۔

4 . خیبر پختونخواہ دے پختون علاقے وچ پنجابیاں نال ھون والے ظلم تے زیادتی آں دا علمی طریقے تے سیاسی حکمت عملی نال مقابلہ کرن والا شعبہ۔

5 . سندھ وچ پنجابیاں نال ھون والے ظلم تے زیادتی آں دا علمی طریقے تے سیاسی حکمت عملی نال مقابلہ کرن والا شعبہ۔

6 . کراچی وچ پنجابیاں نال ھون والے ظلم تے زیادتی آں دا علمی طریقے تے سیاسی حکمت عملی نال مقابلہ کرن والا شعبہ۔

7۔ وسطی پنجاب وچ پنجابی زبان نوں اردو زبان دی بالادستی توں تے پنجابیاں نوں اردو بولن والے ھندوستانی آں دی بالادستی توں علمی طریقے تے سیاسی حکمت عملی نال نجات دلان والا شعبہ۔

8۔ شمالی پنجاب وچ پنجابی زبان نوں اردو زبان دی بالادستی توں تے پنجابیاں نوں پختوناں دی بالادستی توں علمی طریقے تے سیاسی حکمت عملی نال نجات دلان والا شعبہ۔

جیہڑے جیہڑے پنجابی ' جیس جیس شعبے وچ کم کرنا چان ' او اپنے اپنے شعبے دے بارے دس دین۔

ھر شعبہ دا اک اک انچارج ھووے گا۔ شعبے دے انچارج بنان توں بعد انچارج دا ناں دس دتا جاوے گا۔

ھر پنجابی صرف اک شعبہ وچ ای کم کرے تاکہ جیس شعبے دا کم کرے ' اوس شعبے تے ریسرچ کرے کہ؛
اوس دے علاقے دے پنجابیاں تے کی ظلم تے زیادتی آں ھو رئیاں نے؟
اناں ظلم تے زیادتی آں دی وجہ کی اے؟
او ظلم تے زیادتی آں کر کون رے آ اے؟
انا ظلم تے زیادتی آں دا حل کی اے؟
اناں ظلم تے زیادتی آں تے مضمون لکھے یا لکھے ھوئے مضموناں نوں اگے پنجابیاں تک اپڑائے۔

 ھر پنجابی اپنے شعبے نال دلچسپی رکھن والے آں نال رابطہ کرکے سانجھ ودھاوے۔

ھر شعبے والے پنجابی اپنے اپنے شعبے دا کم کرن البتہ دوسرے شعبے والے آں دے مضموناں تے کمنٹ کر سکدے نے پر شعبے دے انچارج دی شعبہ بارے پالیسی فالو کرنی پووے گی۔ کیونکہ اک شعبے والے پنجابی دوجے شعبے والے پنجابی دے شعبہ دی پالیسی نال اختلاف نئیں کرن گے۔

اک شعبے والے پنجابی دوجے شعبے والے پنجابی کولوں اپنے شعبے لئی مدد لے دے سکدے نے۔

جلد ای ھر شعبہ دا انچارج بنایا جاوے گا ایس لئی ھر شعبہ والا پنجابی دس دووے کہ او شعبہ دا انچارج بننا چاندا اے یا شعبہ وچ ممبر بن کے شعبہ دے انچارج دا ھتھ ونڈاوے گا؟

ھر شعبے دا انچارج اپنے اپنے میمبراں نال صلاح کرکے اپنے اپنے شعبے دی پالیسی تے سیاسی چالاں طے کرے گا۔

ھر شعبے دا انچارج دوجے شعبے دے انچارج نال رابطہ رکھے گا تے آپس وچ اک دوجے نال تعاون کیتا جا سکے۔

ھر شعبے دے صرف 100 ' 100 میمبر بنائے جان گے تے ٹوٹل 800 میمبر بنن گے۔ اے 8 شعبے منظم کرن توں بعد 2 شعبے پاکستان توں بار رین والے پنجابیاں لئی بنن گے تے اناں دے 200 ممبر رلا کے ٹوٹل 1000 ممبر بن جان گے۔

2020 تک صرف 1000 پنجابی قوم پرست تیار کرنے نے تاکہ او پنجابی قوم پرست اپنے اپنے علاقے وچ پنجابیاں دا ایس طراں پنجابی قوم پرست بن کے کیس لڑ سکن جداں وکیل اپنے موکل دا کیس لڑدا اے۔

اپنے اپنے علاقے دا کیس لڑن لئی ایس بلاگ چوں اپنے اپنے علاقے بارے لکھے ھوئے مضمون لبھ کے اناں مضموناں نوں اپنی وال تے پوسٹ کردے روو تے اناں مضموناں چوں مواد لے کے آپ وی ھور مضمون لکھو تاکہ پنجابیاں وچ قوم پرستی دا شعور ودھے۔ https://pthinker.blogspot.com.

قوم پرستی دا مشن شعور نوں بیدار کیتے بغیر ' ٹیم ورک کیتے بغیر ' قوم پرستاں نوں حکومتی طاقت دوائے بغیر پورا نئیں ھو سکدا۔ ایس لئی؛

پنجابی قوم پرستی دا پہلا مرحلہ پنجابیاں دا پنجاب ' پنجابیاں ' پنجابی زبان ' پنجابی تہذیب ' پنجابی ثقافت بارے شعور ودھانا سی۔ ایس تے پچھلے 5 سال توں کم ھو رے آ سی۔

پنجابی قوم پرستی دا دوسرا مرحلہ پنجابی قوم پرستی لئی کم کرن والے آں دی آں ٹیماں بنوا کے پنجابی قوم پرستی دا کم کرنا اے۔ ایس تے ھن کم شروع کیتا جا ریا اے تے 2020 تک پورا ھو جاوے گا۔ انشاء اللہ

پنجابی قوم پرستی دا تیسرا مرحلہ پنجابی قوم پرستاں نوں سنیٹر ' قومی اسمبلی دے میمبر ' صوبائی اسمبلی دے میمبر ' وزیر ' مشیر بنوانا تے سرکاری اداریاں وچ ذمہ دار عہدیاں تک اپڑاناں اے۔ ایس تے 2020 توں کم شروع ھووے گا۔ انشاء اللہ

ھجے سارے پاکستان وچ پنجابی قوم پرست تیار کیتے جا رئے نے۔ انشاء اللہ 2020 وچ اناں پنجابی قوم پرستاں چوں صرف 1000 پنجابی قوم پرست لاھور وچ کٹھے ھون گے۔

قوم پرست اپنی قوم دا سیاسی شعور ودھاندا اے تاکہ قوم دے حقاں دا دفاع کرن والی سوچ نوں جگائے۔ کیونکہ قوم پرست قوم دے لوکاں ' قوم دی زبان ' قوم دی تہذیب ' قوم دی ثقافت ' قوم دی زمین دے نال محبت کردا اے۔

قوم پرست اپنی قوم دی زمین ' قوم دی ثقافت ' قوم دی تہذیب ' قوم دی زبان ' قوم دے لوکاں دے مفادات دی حفاظت کردا اے۔ ایس لئی قوم پرست ' قوم دے لوکاں ' قوم دی زبان ' قوم دی تہذیب ' قوم دی ثقافت ' قوم دی زمین دے مفاد دے لئے اپنے آپ نوں وقف کر دیندا اے۔

قوم پرست ' قوم دا اک وکیل ھوندا اے۔ ایس لئی قوم پرست اپنی قوم دی زمین ' قوم دی ثقافت ' قوم دی تہذیب ' قوم دی زبان ' قوم دے لوکاں دے حقاں دا دفاع کردا اے۔

پنجابیاں نوں چائی دا اے کہ پنجابی قوم پرستاں دی عزت کریا کرن۔ پنجابی قوم پرستاں دا ھتھ ونڈایا کرن۔ پنجابی قوم پرستاں دا ساتھ دے آ کرن۔