نومبر دی 9
تاریخ تے پنجاب وچ علامہ اقبال ڈے دی چھٹی کرکے پنجاب دے سکول بند کرن دی کوئی لوڑ
نئیں۔ علامہ اقبال نے پنجابی قوم نوں اسلام دی تبلیغ کرن دے ناں تے اردو دی جیہڑی
زھر پلائی سی ' اوس دے کر کے پنجابیاں دے بچیاں نوں پڑھائی کرن دی بوھتی لوڑ اے۔
پنجابی مسلمان
' مسلم امہ دی تیسری وڈی آبادی سن۔ علامہ اقبال آپ وی پنجابی سی۔ فے علامہ اقبال
نوں کی لوڑ سی کہ ایس نے پنجابی قوم نوں پنجابیاں دی زبان پنجابی پچھے لان دے
بجائے اترپردیش دے تھوڑے جئے مسلماناں دی زبان اردو پچھے لا کے پنجابیاں نوں دولے
شاہ دے چوھے بنا چھڈیا؟
علامہ اقبال
نے پنجابی ھو کے پنجابی قوم نوں جیس طراں اوپری زبان پچھے لایا ' اوس دا نقصان
پنجابی قوم دیاں کئی نسلاں نے بھگتیا اے۔
اے تے بابا
فرید ' شاہ حسین ' سلطان باھو ' بلھے شاہ ' وارث شاہ ' غلام فرید ' میاں محمد بخش
ھونا دی محنت سی جیہڑی پنجابی قوم نوں علامہ اقبال دی اردو والی پلائی گئی زھر توں
بچائی بیٹھی اے۔
علامہ اقبال
جے پنجابی قوم دا سجن ھوندا تے فے ایس نے پنجابی قوم نوں اسلام دی تبلیغ اردو وچ
نئیں سی کرنی بلکہ بابا فرید ' شاہ حسین ' سلطان باھو ' بلھے شاہ ' وارث شاہ '
غلام فرید ' میاں محمد بخش ھونا جیس طراں پنجابیاں دی ماں بولی پنجابی وچ کیتی سی
' اوداں ای پنجابی وچ کرنی سی۔
No comments:
Post a Comment