دین دا مطلب آئین اے۔ الله دے آئین دا مطلب الله دا دین اے۔ الله دے دین دا ناں اسلام اے۔
شریعت دا مطلب قانون اے۔ شریعت محمدی دا مطلب حضرت محمدﷺ نوں الله نے جو قانون دتا او اے۔
الله دا دین تے شریعت محمدی قرآن پاک وچ لکھی ھوئی اے۔
الله دا دین وی ٹھیک اے تے شریعت محمدی وی ٹھیک اے۔ رولا اودوں پیندا اے جد مسلک نوں شریعت محمدی ای نئیں بلکہ الله دا دین تک سمجھ لیا جاندا اے۔
مسلک تے الله دے آئین تے شریعت محمدی تے عمل کرن دا طریقہ اے۔ عام زبان وچ ایس نوں رول آف بزنس آکھیا جاندا اے
الله دے دین مطلب الله دے آئین توں زیادہ چنگا آئین کون بنا سکدا اے؟ پر گل اے وے کہ ملک دا آئین سمجھن لئی پڑھنا پیندا اے۔ ملک دے ہر بندے نوں ملک دے آئین دی پوری سمجھ نئیں ھوندی تے نہ او آپ ای آئین دی کتاب نوں پڑھ کے آئین نوں سمجھ سکدا اے۔ ایس لئی ای لوڑ پین تے آئین دا ماھر وکیل کرنا پیندا اے۔ تے فے الله دے آئین نوں کسے الله دے آئین نوں سمجھن والے بندے کولوں پڑھے بغیر کداں سمجھیا جا سکدا اے؟
شریعت محمدی ' مطلب حضرت محمدﷺ نوں الله نے جو قانون دتا اوس قانون توں زیادہ چنگا قانوں کون بنا سکدا اے؟ پر گل اے وے کہ ملک دا قانون سمجھن لئی پڑھنا پیندا اے۔ ملک دے ہر بندے نوں ملک دے قانون دی پوری سمجھ نئیں ھوندی تے نہ او آپ ای قانون دی کتاب نوں پڑھ کے قانون نوں سمجھ سکدا اے۔ ایس لئی ای لوڑ پین تے قانون دا ماھر وکیل کرنا پیندا اے۔ تے فے شریعت محمدی نوں کسے شریعت محمدی نوں سمجھن والے بندے کولوں پڑھے بغیر کداں سمجھیا جا سکدا اے؟
الله دے آئین مطلب الله دے دین ' شریعت محمدی مطلب حضرت محمدﷺ نوں الله نے جو قانون دتا۔ اوس تے عمل ھووے تے نہ کدھرے ظلم ھووے تے نہ نا انصافی ھووے۔ نہ کوئی بھوکہ ھووے تے نہ کوئی بے سہارا ھووے۔ (گل الله دے آئین مطلب دین تے شریعت محمدی ' مطلب حضرت محمدﷺ نوں الله نے جو قانون دتا۔ اوس دی ھو رئی اے۔ مسلک دی نئیں۔ مسلک تے الله دے آئین تے شریعت محمدی تے عمل کرن دا طریقہ اے)۔
No comments:
Post a Comment