Punjabi Ab Punjabi Qoom Parast Bun Raha Hy.

Punjabi Qoom k Religious ground par divide honay aur Punjab ko divide karnay ki wajaah say, jis mein 20 Lakh Punjabi maaray gaay aur 2 Crore Punjabi displace ho gaay, Punjabi, Punjabi nahi raha tha balkay sirf Muslman aur Pakistani bun gayaa tha;

Apni zabaan Punjabi ko chor char k Gunga Jumna ki zabaan Urdu ko Pakistan ki Qoomi zabaan bunaanay k chakar mein para raha.

Pakistan ko Qoomon ka mulk honay k bajaay Muslmano ka mulk bunaanay k chukar mein para raha.

Yeh he wajah thi k, Punjabiyon say bari Qoom Bengali ka Punjabi Qoom k sath confrontation apni jagaah laykun West Pakistan ki chooti chooti Qoomon, Sindhi, Baloch, Pathan aur Urdu Speaking Hindustaniyon tak nay Punjabi Qoom k Punjabi k bajaay sirf Muslman aur Pakistani bun jaanay ki wajaah say Punjabi, Punjabi keh keh kar khoob gaaliyaan dyn.

Punjabi in Sindhiyon, Balochon, Pathano aur Urdu Speaking Hindustaniyon ko Muslman aur Pakistani ka durs bhe dayta raha aur galiyaan bhe khaata raha.

Laykun, waqt sub say bara ustaad hy.

Dhookay khaanay say he aqaal aati hy.

Saath rehnay k baad he asliyat ka pata chulta hy.

Pakistan k bunnay k 68 saal k baad ab waqt nay aur sath rehnay nay boht kuch sikha bhe diya aur samjha bhe diya.

Ab Punjabi sooch aik baar phir say tabdeel ho rahi hy.

Ab Sindhiyon, Balochon, Pathano aur Urdu Speaking Hindustaniyon k liay Punjabi wo nahi raha jo guzishta 68 saal raha.

Kyon k, ab Punjabi k nazdeek yeh Sindhi, Baloch, Pathan aur Urdu Speaking Hindustani maazi ki tarha Muslman aur Pakistani nahi balkay Sindhi, Baloch, Pathan aur Urdu Speaking Hindustani he hain aur Punjabi ab phir say Punjabi bunta ja raha hy.

Future mein zahir hy ab wo nahi hoona jo past mein ho chuka.

Punjabi k liay ab Sindhi, Baloch, Pathan aur Urdu Speaking Hindustani say gaaliyaan kha kha kar aur blackmail ho ho kar rehna boht mushkal nazar aa raha hy.

Punjabi ki sooch mein Sindhi, Baloch, Pathan aur Urdu Speaking Hindustani k liay guzishta 68 saal ki interaction k baad ab boht baari change aati jaa rahi hy jis say abhi aam Sindhi, Baloch, Pathan aur Urdu Speaking Hindustani waaqif nahi k, Punjabi ab Punjabi Qoom Parast bunta ja raha hy.