پنجاب دی اک دھی دی پنجاب اسمبلی وچ ماں بولی دی عزت لئی واج۔

پنجاب اسمبلی دے ممبر پنجاب دے پتراں نوں تے ماں بولی دی عزت دا خیال نئیں آیا پر پنجاب دی اک دھی حنا بٹ نے پنجاب اسمبلی وچ ماں بولی دی عزت دے لئی واج مار کے ماں بولی دی لاج رکھ لئی اے۔ بابا فرید ' بابا نانک ' شاہ حسین ' سلطان باہو ' بلھے شاہ ' وارث شاہ ' خواجہ غلام فرید ' میاں محمد بخش دی لاج رکھ لئی اے۔ پنجابی قوم دی لاج رکھ لئی اے۔ پنجابیاں دے سر اچے کردتے نے۔ جیوندی رو پنجاب دی دھی اے۔ جیوندی رو ماں بولی دی راکھی اے۔

پنجابی قوم پرست پنجاب دی دھی حنا بٹ نوں پنجاب اسمبلی وچ ماں بولی دی عزت دے لئی واج مارن تے سلام پیش کردے نے۔ رب حنا بٹ نوں سلامت رکھے۔ رب حنا بٹ نوں پنجاب ' پنجابی قوم تے پنجابی زبان دی راکھی بنا کے رکھے۔

پنجاب اسمبلی دے ممبر پنجاب دے پتراں نوں تے ماں بولی دی عزت دا خیال نئیں سی آیا پر ھن پنجاب دی اک دھی دے پنجاب اسمبلی وچ ماں بولی دی لاج واسطے واج مارن توں بعد شاید پنجاب اسمبلی دے ممبر پنجاب دے پتراں دی وی غیرت شاید جاگ ای جاوے کہ بیکن ھاؤس نے پنجابی قوم تے پنجاب دے صوفی بزرگاں دی توھین کیتی اے۔

پنجابی زبان دی پرورش صوفی بزرگاں بابا فرید ' بابا نانک ' شاہ حسین ' سلطان باہو ' بلھے شاہ ' وارث شاہ ' خواجہ غلام فرید ' میاں محمد بخش کیتی۔ ایس لئی پنجابی زبان دا پس منظر روحانی ھون دے کرکے پنجابی زبان وچ علم ' حکمت تے دانش دے خزانے نے جیہڑے اخلاقی کردار نوں بہتر کرن تے روحانی نشو نما دی صلاحیت رکھدے نے۔

بیکن ھاؤس ساھیوال نے پنجابی زبان نوں بیہودہ زبان قرار دے کے پنجابی زبان دی توھین کیتی اے۔ اوس زبان دی توھین کیتی اے ' جیس زبان دی پرورش پنجاب دے صوفی بزرگاں کیتی۔ ایس لئی بیکن ھاؤس نے پنجابی قوم دی ای نئیں پنجاب دے صوفی بزرگاں دی وی توھین کیتی اے۔

پنجابی قوم دنیا دی نوویں سب توں وڈی قوم اے۔

پنجابی قوم جنوبی ایشیا دی تیجی سب توں وڈی قوم اے۔

پنجابی مسلمان مسلم امہ دی تیجی سب توں وڈی برادری اے۔

پنجابیاں دی پاکستان وچ آبادی 60 فیصد اے۔

پنجابی زبان پاکستان دی 80 فیصد آبادی بولنا جاندی اے۔

پنجابی زبان پاکستان دی 90 فیصد آبادی سمجھ لیندی اے۔

کی بیکن ھاؤس دا کہنا اے کہ؛ پنجابی بیہودہ زبان بولدے نے؟

کی بیکن ھاؤس دا کہنا اے کہ؛ بابا فرید ' بابا نانک ' شاہ حسین ' سلطان باہو ' بلھے شاہ ' وارث شاہ ' خواجہ غلام فرید ' میاں محمد بخش بیہودہ زبان بولدے سن؟

کی بیکن ھاؤس دا کہنا اے کہ؛ بابا فرید ' بابا نانک ' شاہ حسین ' سلطان باہو ' بلھے شاہ ' وارث شاہ ' خواجہ غلام فرید ' میاں محمد بخش نے جیس زبان دی پرورش کیتی اوہ بیہودہ زبان اے؟