پنجابی قوم توں لہجے دی بنیاد تے وکھ ھون والیاں دا حال کی ھووے گا؟

پنجابی زبان دے معیاری لہجے ماجھی توں علاوہ پنجابی زبان دے 6 ضمنی لہجے مالوی ’ دوآبی ’ ڈوگری ’ پوٹھو ھاری ’ شاھپوری ’ جھنگوچی لہجے نے جد کہ 28 ذیلی لہجے وی نے؛

01۔ آوانکاری 02۔ بار دی بولی 03۔ بانوالی 04۔ بھٹیانی 05۔ بھیروچی 06۔ چھاچھی 07۔ چکوالی 08۔ چمبیالی 09۔ چناوری 10۔ دھنی 11۔ گھیبی 12۔ گوجری 13۔ ھندکو 14۔ جٹکی 15۔ ملتانی 16۔ کانگڑی 17۔ کاچی 18۔ لبانکی 19۔ پہاڑی 20۔ پواڑھی 21۔ پونچھی 22۔ پشوری/پشاوری 23۔ راٹھی 24۔ سوائیں 25۔ تھلوچی 26۔ ڈیرہ والی 27۔ وزیرآبادی 28۔ ریاستی۔

پنجابی قوم دی اکثریت پنجابی زبان دا مرکزی لہجہ ماجھی بولن والیاں دی اے۔ اوس توں بعد پنجابی زبان دے ضمنی لہجے مالوی ’ دوآبی ’ ڈوگری ’ پوٹھو ھاری ’ شاھپوری ’ جھنگوچی بولن والیاں دی اے۔ جد کہ 28 ذیلی لہجے بولن والیاں دی تعداد سب سے گھٹ اے۔

ماجھے نے مالوی ’ دوآبی ’ ڈوگری ’ پوٹھو ھاری ’ شاھپوری ’ جھنگوچی لہجہ بولن والیاں نوں آپس وچ جوڑیا ھویا اے۔ پنجابی زبان دے دوجے 28 لہجے ذیلی لہجے نے جیہڑے مالوی ’ دوآبی ’ ڈوگری ’ پوٹھو ھاری ’ شاھپوری ’ جھنگوچی دے کرکے ماجھے نال جڑدے نے۔

پنجابی زبان دے ذیلی لہجے پنجابی زبان دے ضمنی لہجیاں مالوی ’ دوآبی ’ ڈوگری ’ پوٹھو ھاری ’ شاھپوری ’ جھنگوچی چوں ای کسے نہ کسے لہجے دے ذیلی لہجے نے یا دو ضمنی لہجیاں دا مکسچر نے۔ ایس لئی پنجابی زبان دے ضمنی لہجیاں دے ذریعے پنجابی زبان دے مرکزی لہجے ماجھی نال جڑے ھوئے نے۔

پنجابی زبان دے ذیلی لہجے بولن والیاں چوں کجھ لہجے بولن والے ایس ویلے پنجاب تے پنجابی قوم دے ویریاں دے ھتھ چڑہ کے پنجابی زبان دے مرکزی لہجے ماجھی توں اپنے آپ نوں وکھ کرن وچ لگے ھوئے نے۔ اوہ پنجابی زبان دے کچھ ذیلی لہجیاں نوں رلا کے اک نویں زبان بنا کے اک نویں قوم بننا چاھندے نے۔

مسئلہ اے وے کہ؛ اک تے پنجابی زبان دے ذیلی لہجیاں دی تعداد بہت زیادہ اے تے دوجا پنجابی زبان دے ذیلی لہجے بولن والیاں دی آبادی بہت تھوڑی تھوڑی اے۔ جد کہ پنجابی زبان دے ذیلی لہجے پنجابی زبان دے ضمنی لہجیاں مالوی ’ دوآبی ’ ڈوگری ’ پوٹھو ھاری ’ شاھپوری ’ جھنگوچی چوں ای کسے نہ کسے لہجے دے ذیلی لہجے نے یا دو ضمنی لہجیاں دا مکسچر نے۔

پنجابی زبان دے ضمنی لہجے مالوی ’ دوآبی ’ ڈوگری ’ پوٹھو ھاری ’ شاھپوری ’ جھنگوچی؛ پنجابی زبان دے مرکزی لہجے ماجھی نال بہت زیادہ رلدے ملدے نے ' ایس لئی پنجابی زبان دے ضمنی لہجے اپنے آپ نوں ماجھی توں وکھ کداں کرن گے؟

پنجابی زبان دے ضمنی لہجے مالوی ’ دوآبی ’ ڈوگری ’ پوٹھو ھاری ’ شاھپوری ’ جھنگوچی؛ ماجھے دے کرکے ای آپس وچ جڑے ھوئے نے ' ایس لئی کوئی وی ضمنی لہجہ بولن والے اپنے آپ نوں ماجھے توں وکھ کرکے اپنے آپ نوں کلا کرکے اپنا سماجی تے سیاسی نقصان کیوں کرن گے؟ بھارت دے جموں تے قبضے دے کرکے ڈوگری تے مشرقی پنجاب تے قبضے دے کرکے مالوی تے دوآبی ایس ویلے ماجھے توں وکھ ھون دے کرکے اپنا تے اپنے ذیلی لہجے بولن والے پنجابیاں دا سماجی تے سیاسی نقصان برداشت کر رئے نے۔

جد کہ؛ پنجابی زبان دے ذیلی لہجے بولن والے پنجابی زبان دے مرکزی لہجے ماجھی توں اودوں ای اپنے آپ نوں وکھ کر سکن گے جد پنجابی زبان دے اوس ضمنی لہجے توں اپنے آپ نوں وکھ کرن جیس دے کرکے او پنجابی زبان دے مرکزی لہجے ماجھی نال جڑے ھوئے نے یا پنجابی زبان دے جیس ضمنی لہجیاں دا اوہ مکسچر نے۔

ایس لئی؛ پنجابی زبان دے ذیلی لہجے بولن والے جے مالوی ’ دوآبی ’ ڈوگری ’ پوٹھو ھاری ’ شاھپوری یا جھنگوچی دے ذریعے پنجابی زبان دے مرکزی لہجے ماجھی دے نال اپنے آپ نوں نئیں جوڑن گے بلکہ وکھ ھوجان گے تے فے پنجابی قوم دا حصہ نئیں ریں گے۔ ایس لئی اپنے آپ نوں سماجی تے سیاسی نقصان پہنچان گے۔ کیونکہ؛

1۔ پنجابی زبان دے ذیلی لہجے بولن والے پنجابی زبان دے ضمنی لہجے مالوی ’ دوآبی ’ ڈوگری ’ پوٹھو ھاری ’ شاھپوری ’ جھنگوچی توں وکھ ھوکے ضمنی لہجیاں چوں ای کسے نہ کسے لہجے دا ذیلی لہجہ ھون دے کرکے یا دو ضمنی لہجیاں دا مکسچر ھون دے کرکے آپس وچ وی کٹھے نئیں ھو سکن گے۔

2۔ پنجابی قوم توں وکھ ھون دے کرکے نہ پنجابی قوم انہاں نوں پنجابی قوم دا حصہ منے گی تے نہ کوئی دوجی قوم پنجابی زبان دے ضمنی لہجے دا ذیلی لہجہ ھون دے کرکے یا دو ضمنی لہجیاں دا مکسچر ھون دے کرکے انہاں نوں اپنی قوم کا حصہ بناوے گی۔

3۔ پنجابی زبان دے ضمنی لہجے دا ذیلی لہجہ ھون دے کرکے یا دو ضمنی لہجیاں دا مکسچر ھون دے کرکے دوسریاں قوماں نے فے وی انہاں نوں پنجابی ای آکھدے رینا اے تے پنجابی قوم نے انہاں نوں پنجابی نئیں مننا۔

4۔ پنجاب دے اندر تے اوہ اپنے آپ نوں پنجابی قوم توں وکھ کر لین گے پر پنجاب توں بار تے دنیا وچ پنجابی زبان دے ضمنی لہجے دا ذیلی لہجہ ھون دے کرکے یا دو ضمنی لہجیاں دا مکسچر ھون دے کرکے اوہ صدیاں توں پنجابی ای سن۔ ایس لئی نویں شناخت کروانا وی اک مسئلا ھوتا اے۔

ایس لئی پنجابی قوم توں وکھ ھون والیاں کول فے 2 ای چارے رین گے کہ؛

1۔ اپنے آپ نوں پنجابی قوم توں وکھ کرن توں بعد؛ نہ دنیا اگے پنجابی رین تے نہ اپنی نویں شناخت منوا سکن۔

2۔ چھوٹی چھوٹی بولیاں نوں زبان تے چھوٹی چھوٹی برادریاں نوں قوم دی حیثیت دلوا کے دنیا دی نظر وچ اک نویں قوم بنن دی کوشش کرن۔