اگے جاکے مسلم امہ دی قیادت پنجابی نے کرنی اے۔

دنیا دی آں تن وڈیاں طاقتاں امریکہ ' چین تے روس نے پنجابی نال بنا کے رکھنی اے۔ پنجابی دا چین نال پہلے توں ای واسطہ اے تے ھن روس نال وی واسطہ ودھ رے آ اے۔ جے امریکہ نے پنجابی نال بنا کے نہ رکھنی تے فے پنجابی دا واسطہ چین تے روس نال ودھ جانا اے۔

مسلم امہ دی پہلی وڈی زبان عربی اے۔ دوجی وڈی زبان بنگالی اے۔ تیجی وڈی زبان پنجابی اے۔ چوتھی وڈی زبان جاوانی اے۔ پنجویں وڈی زبان ترکی اے۔ چھیویں وڈی زبان فارسی اے۔ ستویں وڈی زبان پشتو اے۔ اٹھویں وڈی زبان اردو اے۔ نویں وڈی زبان سندانی اے۔ دسویں وڈی زبان ازبک اے۔

اگے جاکے مسلم امہ دی قیادت پنجابی نے کرنی اے۔ پنجابی نال پہلوں مسلم امہ دی پنجویں وڈی زبان ترکی بولن والے آں نے ' چھیویں وڈی زبان فارسی بولن والے آں نے ' دسویں وڈی زبان ازبک بولن والے آں نے موڈھے نال موڈھا جوڑ کے کھلونا اے۔

اوس توں مگروں مسلم امہ دی پہلی وڈی زبان عربی بولن والے آں نے ' دوجی وڈی زبان بنگالی بولن والے آں نے ' چوتھی وڈی زبان جاوانی بولن والے آں نے ' نویں وڈی زبان سندانی بولن والے آں نے موڈھے نال موڈھا جوڑ کے کھلونا اے۔

اے ویلا اودوں آنا اے جد پنجابی اپنے آپ نوں پنجابی سمجھن لگ پئے گا۔ پنجابی زبان بولن تے پنجابی ثقافت اختیار کرن تے فخر کرن لگ پووے گا۔ پبجابی قوم نوں سماجی ' انتظامی ' معاشی تے اقتصادی ترقی دوان وچ لگ جاووے گا۔

ھجے تے پنجابی مسلم امہ دی ستویں وڈی زبان پشتو بولن والے آں تے اٹھویں وڈی زبان اردو بولن والے آں وچ پھسیا ھویا اے۔ پنجابی نوں سمجھ ای نئیں آئیدی کہ پشتو بولن والے آں تے اردو بولن والے آں نال پنجابی کی کرے؟