پنجاب تے غیرپنجابی لیڈر تے غیر پنجاببی سیاسی پارٹی دے قبضے دا مسئلہ۔

بلوچاں کول تے پہلے وی نہ کوئی ایہو جیا لیڈرسی جیہڑا پنجاب تے قبضہ کرسکدا تے نہ سیاسی پارٹی سی ' پر ھن تے بلوچاں کول اپنے صوبے دے لیول دا وی کوئی لیڈر تے سیاسی پارٹی نئیں اے۔ ایس کرکے آن والے دناں وچ وی کوئی بلوچ لیڈر تے سیاسی پارٹی پنجاب تے قبضہ نئیں کرسکدی۔

مھاجراں کول وی نہ کوئی ایہو جیا لیڈرسی جیہڑا پنجاب تے قبضہ کرسکدا تے نہ سیاسی پارٹی سی ' پر مھاجراں کول کراچی دے لیول دا لیڈر الطاف حسین تے سیاسی پارٹی ایم کیو ایم ھے۔ جد کہ پرویز مشرف دا کراچی وچ الطاف حسین تے ایم کیو ایم دے کرکے اثر نئیں اے پر ایس دے نال پنجاب چوں ایدے دور وچ ایس نال جڑے ھوئے علاقیاں تے برادریاں دے لیول دے سیاستدان ھجے تک ھین پر اناں نوں پنجاب وچوں پنجابیاں دی ایہوجئی سپورٹ نئیں مل پانی کہ پنجاب چوں بوھت ساریاں سیٹاں جت سکن۔الطاف حسین برطانیہ دی ایجنسی "ایم آئی 6" تے بھارت دی ایجنسی "را" دی سپورٹ نال پاکستان وچ اپنی مجرمانہ حرکتاں تے فوج نوں دھمکیاں دین دے کرکے فوج دے نال لڑائی چھیڑ بیٹھیا اے۔ پاکستان دی فوج نے ھن برطانیہ دی ایجنسی "ایم آئی 6" تے بھارت دی ایجنسی "را" دی الطاف حسین نوں مللن والی سپورٹ دا اثر وی ختم کردینا اے تے الطاف حسین نوں پاکستان دشمنی دا سبق وی سکھا دینا اے۔ ایس لئی الطاف حسین نے ھن پنجاب وچ کوئی سیاسی سازش نئیں کر سکنی تے ایم کیو ایم نے وی کمزور ھو جانا اے۔ جیس دے کرکے ھن مھاجراں کول کراچی لیول دا وی کوئی لیڈر تے سیاسی پارٹی نئیں رینی۔ ایس کرکے آن والے دناں وچ وی کوئی مھاجر لیڈر تے سیاسی پارٹی پنجاب تے قبضہ نئیں کرسکدی۔

سندھیاں کول وی نہ کوئی ایہو جیا لیڈرسی جیہڑا پنجاب تے قبضہ کرسکدا تے نہ سیاسی پارٹی سی ' پر سندھیاں کول دیہی سندھ دے لیول دا لیڈر آصف ذرداری تے سیاسی پارٹی پی پی پی ھے۔ جد کہ آصف ذرداری دے نال پنجاب چوں ایدے دور وچ ایس نال جڑے ھوئے علاقیاں تے برادریاں دے لیول دے سیاستدان ھجے تک ھین پر اناں نوں پنجاب وچوں پنجابیاں دی ایہوجئی سپورٹ نئیں مل پانی کہ پنجاب چوں بوھت ساریاں سیٹاں جت سکن۔ نالے ھن آصف ذرداری اپنی مجرمانہ حرکتاں تے فوج نوں دھمکیاں دین دے کرکے فوج دے نال لڑائی وی چھیڑ بیٹھیا اے۔ پاکستان دی فوج نے ھن آصف ذرداری نوں مللن والی پاکستان دشمناں دی سپورٹ دا اثر ختم کردینا اے۔ ایس لئی آصف ذرداری نے ھن پنجاب وچ کوئی سیاسی سازش نئیں کر سکنی تے پی پی پی نے وی کمزور ھو جانا اے۔ جیس دے کرکے ھن سندھیاں کول دیہی سندھ لیول دا وی کوئی لیڈر تے سیاسی پارٹی نئیں رینی۔ ایس کرکے آن والے دناں وچ وی کوئی سندھی لیڈر تے سیاسی پارٹی پنجاب تے قبضہ نئیں کرسکدی۔

پٹھاناں کول وی نہ کوئی ایہو جیا لیڈرسی جیہڑا پنجاب تے قبضہ کرسکدا تے نہ سیاسی پارٹی سی ' پر پٹھاناں کول خیبرپختونخواہ دے لیول دا لیڈر عمران خان تے سیاسی پارٹی پی ٹی آئی ھے۔ جد کہ عمران خان دے نال پنجاب چوں پنجاب وچ رین والے پٹھان ' اردو بولنے والے ھندوستانی تے نواز شریف نال اختلاف کرن والے پنجابی سیاستدان رلے ھوئے نے پر اناں نوں پنجاب وچوں پنجابیاں دی ایہوجئی سپورٹ نئیں مل پانی کہ پنجاب چوں بوھت ساریاں سیٹاں جت سکن۔ جیس دے کرکے پنجاب وچ  سیاسی سازشاں کرکے وی عمران خان نوں کجھ نئیں لبھنا۔ ایس کرکے آن والے دناں وچ وی کوئی پٹھان لیڈر تے سیاسی پارٹی پنجاب تے قبضہ نئیں کرسکدی۔

پنجاب نوں ھن غیرپنجابی لیڈر تے پنجاب توں باھر دی سیاسی پارٹی دے قبضے دا مسئلہ نئیں اے۔ ایس لئی ھن پنجاب وچ مسئلہ پنجاب دی اپنی پنجابی لیڈر شپ دا اے کہ او ھن پنجاب تے پنجابیاں لئی کی کردی اے۔ کیس طراں پنجابی قوم دا سیاسی شعور ودھاندی اے۔ کیس طراں پنجابی قوم نوں سماجی ترقی دیندی اے۔ کیس طراں پنجاب دی انتظامیہ نوں ٹھیک کردی اے۔ کیس طراں پنجاب دی معاشی ترقی کردی اے۔ کیس طرں پنجاب نوں اقتصادی طور تے مظبوط کردی اے۔