Pakistan Tornay Ki Dhumkiyaan Ab Forun Bund Karna Hongi.

Baloch, Pathan, Muhajir ki aadat bun chuki hy k her waqt Pakistan say baghawat karnay, Pakistan say alug honay, Pakistan ko tor daynay, Pakistan ko naakaam riyaasat qaraar daynay ki baatain kar kar k Pakistan ko international community mein budnaam kartay rehtay hain, Pakistan ki awaam ko parayshaan kartay rehtay hain, Karachi, KPK aur Baluchistan mein budammni ka mahool banatay rehtay hain, Punjab ko, Punjabiyon ko Gaaliyaan daytay rehtay hain, Pakistan Army ko, Pakistan ki Bureaucracy ko, Pakistan ki Establishment ko Scandalize kartay rehtay hain, Pakistan k Dushmun jo Proxy Game Pakistan mein khyltay hain ous ko facilitate kartay rehtay hain.

Pakistan say alug honay, Pakistan ko tornay, Pakistan ko naakaam riyaasat bunaanay ka shook rakhnay walay Baloch, Pathan, Muhajir ko yeh samajh nahein aata k Punjabi Pakistan ki majority hain, Punjabi Pakistan kyon tornay dain gay?

Pakistan say alug honay ka shook rakhnay walay Baloch, Pathan, Muhajir ko chaheay k woh samajh lain k Pakistan saaray ka saara he Punjab hy. Confusion ko khatam kernay k liay Pakistan ka naam change ker k Punjabistan he rakh dayna chaheay.

Haan! Kisi Baloch, Pathan, Muhajir ko Punjabistan say alug honay ka shook hy tu ho jaay alug, uggar himmat ho tu.

Lykun, jisi ko Punjabistan sa alug hona hy, woh samajh lay k, Punjabistan say ous waqt he jaan chotay gey jub Punjabiyon say alug honay ka shook rukhnay walay Bengaliyon ki tarha struggle karain gay, jis ki basic requirements yeh hain;

1. Punjabistan say alug honay ka shook rakhnay walon k pass Mubeeb-ur-Rehma ki tarha ka aik leader hona chaheay jis ko Bengaliyon ki tarha alug hanay walon ki himayat hasil honi chaheay aur woh Punjabiyon say alug honay ki khul kur baat karay.

2. Pakistn k hukmraan Yaheya Khan jaisay Pathan aur Zulfiqar Ali Bhutto jaisay Sindhi ki tarha Ghair-Punjabi honay chahein.

3. Pakistan ki Army ka Chief General Gul Hameed jaisa Pathan hona chaheay.

4. International power USA ka munsooba hona chaheay aur India ko hamla karna chaheay jub k Russia ko aitaraz na hona chaheay aur China ko neutral rehna caheay.

5. Jo Qoom aazaad hona chahti hy ous ko Bengaliyon ki tarha 30,40 lakh bunday Qurbaan karwanay par koe aitaraz na ho bulkay 30,40 lakh bunday Qurbaani k liay tiyar hon.

Baloch, Pathan, Muhajir kya samajhtay hain k Pakistan bunanay k liay Punjab ko divide karwa kar ab Punjab ko mukhkhun mein say ball ki tarha nikaal kar Baloch, Pathan, Muhajir mooj karain gay?

Kya Baloch, Pathan, Muhajir ko maloom nahi k Pakistan bunanay k liay Punjab ko divide karnay k chukkar mein  20 Lakh Punjabi maray gaay aur 2 crore Punjabi displace hoay?

Punjabi lanat bhejtay hain aisay Pakistan par jis mein Punjabiyon ko kha makhwa galian di jaein. Ous Pakistan ko jis mein Punjabi ki izzat na ki jaay, bawaood es k, k Punjabi 69 saal say Pakistan ko bunanay aur buchanay k liay international aur regional powers say halatay jung mein bhe hain. Es liay ab Punjabiyon ko;

Aisa Pakistn chaheay Jis par hakomat Punjabi ki ho.

Aisa Pakistn chaheay Jis ki national aur international policies Punjabi bunaein.

Aisa Pakistn chaheay Jis mein Punjabi ghair Punjabiyon ko apnay hath say un k mounasub haqook dy.

Aisa Pakistn chaheay Jis mein Punabi ki izzat ho.

Aisa Pakistn chaheay Jis ki Qoomi Zabaan Punjabi ho.

Aisa Pakistn chaheay Jis mein Culture aur Tradition Punjabi hoon.