پنجابیاں نوں نیشنل لیول دا پنجابی لیڈر ملنا بہت اوکھی گل اے۔ کیوں کہ پنجابیاں دے مزاج دے مطابق پنجابی لئی لیڈر او ھوندا اے جیہڑا اناں دے ذاتی ' علاقے تے برادری دے کم کرے
پر گائیڈ اوس لیڈر نوں پنجابی کرن۔ ایس لئی او لیڈر پنجابیاں دی آں صلاحاں من کے
پنجابیاں دے پروگراماں اتے وی کم کردا رووے تے پنجابیاں لئی وی کم کردا رووے۔ ایس
طران دا لیڈر مقامی سطح دا لیڈر ھوندا اے۔ جد کہ اردو بولن والے ھندوستانیاں '
پٹھاناں ' بلوچاں تے سندھیاں لئی نیشنل لیڈر او ھوندا اے جیہڑا اناں نوں گائیڈ کرے
تے او اوس لیڈر دی صلاح من کے لیڈر دے پروگرام اتے وی کم کردے رین تے لیڈر لئی وی
کم کردے رین۔ ایس لئی پنجابیاں کول مقامی سطح دے لیڈر
ھوندے نے۔ کیونکہ پنجابیاں کولوں نیشنل تے کی پرویشنل
لیول دا وی لیڈر نئیں بندا۔
پنجابی لیڈر نوں چونکہ پنجابی لوکاں دے ذاتی '
علاقے تے برادری دے کم کرنے پیندے نے۔ جناں
پنجابیاں دا او لیڈر ھوندا اے ' اناں نوں گائیڈ کرن دے بجائے الٹا اناں پنجابیاں
دی صلاح من کے اناں پنجابیاں دے پروگرام اتے چلنا وی پیندا اے۔ ایس لئی اوس دا نہ اپنا کوئی پولیٹیکل وزڈم ھوندا اے تے نہ کوئی پولیٹیکل ویژن۔ایس کرکے لوکان دے ذاتی ' علاقے تے برادری دے کم کرن لئی کسے
پنجاب توں بار دے نیشنل لیول دے لیڈر دی دلالی کرنی پیندی آ تاکہ اوس نوں نیشنل لیول تے پاور وچ لے آ کے اوس دے نامزد لیڈر نوں
پنجاب دی پرویشنل پاور دوا کے اپنے تے اناں لوکان دے ذاتی
' علاقے تے برادری دے کم کر سکے جناں دا او لیڈر اے۔
ایس دی وجہ 1022 توں
پنجاب اتے شروع ھون والی محود غزنوی توں لے کے مہاراجہ رنجییت سنگھ کے دور تک دی ' 777 سال تائیں رین والی بار
دے حکمراناں دی حکمرانی اے۔ جیہڑی مہاراجہ رنجییت سنگھ دے دور
توں بعد انگریزاں دی حکمرانی دے کرکے فے شروع ھوگئی سی تے 1947 وچ پاکستان دے بن
جان دے بعد وی پنجابی ذھن دی اپنے ذاتی ' علاقے تے برادری دے کماں تک محدود رین تے
نیشنل لیول دے معاملے آں لئی بار دے حکمراناں دی حکمرانی تے غلامی دی عادت
دے ختم نہ ھون دے کرکے ھجے تک جاری اے۔ ایس کر کے ای مہاراجہ رنجییت سنگھ توں بعد وی پنجابی ھن تائیں نیشنل لیول دا کوئی پنجابی لیڈر نئیں بنا
سکے۔
No comments:
Post a Comment