ھر قوم وچ بندے 5 قسم دے ھوندے نے۔

پنجابی نیشنلسٹ فورم دے زونل آرگنائزر اے خیال رکھن کہ؛

قوم پرست اپنی قوم دا سیاسی شعور ودھاندا اے تاکہ قوم دے حقاں دا دفاع کرن والی سوچ نوں جگائے۔ کیونکہ قوم پرست قوم دے لوکاں ' قوم دی زبان ' قوم دی تہذیب ' قوم دی ثقافت ' قوم دی زمین دے نال محبت کردا اے۔

قوم پرست اپنی قوم دی زمین ' قوم دی ثقافت ' قوم دی تہذیب ' قوم دی زبان ' قوم دے لوکاں دے مفادات دی حفاظت کردا اے۔ ایس لئی قوم پرست ' قوم دے لوکاں ' قوم دی زبان ' قوم دی تہذیب ' قوم دی ثقافت ' قوم دی زمین دے مفاد دے لئے اپنے آپ نوں وقف کر دیندا اے۔

قوم پرست ' قوم دا اک وکیل ھوندا اے۔ ایس لئی قوم پرست اپنی قوم دی زمین ' قوم دی ثقافت ' قوم دی تہذیب ' قوم دی زبان ' قوم دے لوکاں دے حقاں دا دفاع کردا اے۔

پنجابی نیشنلسٹ فورم دے زونل آرگنائزر پہلے اپنے اپنے زون دے پنجابیاں دا شعور بیدار کرن ۔ اناں نوں احساس دلان کہ؛ زون وچ اناں نوں مسئلے کی نے۔ مسئلیاں دی وجہ کی اے۔ مسئلے دا حل کی اے۔ مسئلے نوں حل کرن لئی زون دے پنجابیاں نوں کرنا کی چائے دا اے۔ فے جناں پنجابیاں دا شعور بیدار ھوچکیا ھووے اناں نوں کٹھے کرکے ٹیم ورک کرن ۔

شعور بیدار کیتے بغیر پنجابیاں نوں کٹھے کرکے کم کرنا ایداں ای اے جیویں "پانی وچ مدھانی" چلانا۔ اے وی خیال رکھنا ضروری اے کہ؛ ھر بندے دا شعور بیدار نئیں کیتا جاسکدا۔ وجہ اے وے کہ؛ جیویں دودھ وچ لسی بوھتی تے مکھن گھٹ ھوندا اے۔ انج ای قوم دے لوکاں وچ وی بے شعور بوھتے ھوندے نے تے شعور والے گھٹ ھوندے نے۔ شعور والے دا تے شعور بیدار کیتا جاسکدا۔ جس کول شعور ای نہ ھووے اوس دا شعور کنج بیدار کیتا جاسکدا اے؟

پنجابی نیشنلسٹ فورم دے زونل آرگنائزراں نوں چائی دا اے کہ؛ بے شعوراں کولوں اپنے آپ نوں بچایا کرن تے شعور والے پنجابی لبھیا کرن۔ شعور والے پنجابیاں تے محنت کریا کرن تے بے شعوراں نوں محبت نال ٹال دے آ کرن۔

انج وی ھر قوم وچ بندے 5 قسم دے ھوندے نے۔

اک او جنہاں نوں اے ای خبر نئیں ھوندی کہ؛

مسئلہ کی اے؟ اے جھلے ھوندے نے۔ (Blank)

دوجے او جنہاں نوں اے تے خبر ھوندی اے کہ؛

مسئلہ کی اے؟ پر اے سمجھ نئیں ھوندی کہ؛ مسئلہ کیوں اے؟ اے ھوشیار ھوندے نے۔ (News) والے

تیجے او جنہاں نوں اے تے سمجھ ھوندی اے کہ؛

مسئلہ کیوں اے؟ پر اے علم نئیں ھوندا کہ؛ مسئلہ دا حل کی اے؟ اے سمجھدار ھوندے نے۔ (Views) والے

چوتھے او جنہاں نوں اے تے علم ھوندا اے کہ؛

مسئلہ دا حل کی اے؟ پر اے اندازہ نئیں ھوندا کہ؛ مسئلہ حل ھووے گا کہ حل نئیں ھووے گا۔ اے سیانے ھوندے نے۔ (Vision) والے

پنجویں او جنہاں نوں اے اندازہ ھوندا اے کہ؛

مسئلہ حل ھووے گا کہ حل نئیں ھووے گا۔ اے اللہ والے ھوندے نے۔ (Wisdom) والے