"پنجابی نیشنلسٹ فورم" دا مشن 2020

قوم پرستی دا مشن شعور نوں بیدار کیتے بغیر ' ٹیم ورک کیتے بغیر ' قوم پرستاں نوں حکومتی طاقت دوائے بغیر پورا نئیں ھو سکدا۔ ایس لئی؛

پنجابی قوم پرستی دا پہلا مرحلہ پنجابیاں دا پنجاب ' پنجابیاں ' پنجابی زبان ' پنجابی ثقافت ' پنجابی تہذیب بارے شعور ودھانا سی۔ ایس تے 7 سال توں کم ھو رے آ سی۔

پنجابی قوم پرستی دا دوسرا مرحلہ پنجابی قوم پرستی لئی کم کرن والے آں لئی فورم بنا کے پنجابی قوم پرستی دا کم کرنا سی۔ "پنجابی نیشنلسٹ فورم" بنا کے ایس تے کم شروع کر دتا گے آ اے  تے 2020 تک پورا ھو جاوے گا۔ انشاء اللہ

پنجابی قوم پرستی دا تیسرا مرحلہ پنجابی قوم پرستاں نوں سنیٹر ' قومی اسمبلی دے میمبر ' صوبائی اسمبلی دے میمبر ' وزیر ' مشیر بنوانا  تے سرکاری ادارے آں وچ ذمہ دار عہدے آں تک اپڑاناں اے۔ ایس تے 2020 توں کم شروع ھووے گا۔ انشاء اللہ

ھجے سارے پاکستان وچ پنجابی قوم پرست تیار کیتے جا رئے  نے۔ انشاء اللہ 2020 وچ اناں پنجابی قوم پرستاں چوں 1000 پنجابی قوم پرست لاھور وچ کٹھے ھون  گے۔

پاکستان وچ پنجابی 12 کروڑ نے جد کہ "پنجابی نیشنلسٹ فورم" دا مشن 2020 تک 1000 پنجابیاں نوں قوم پرست بنا کے سنیٹر ' قومی اسمبلی دے میمبر ' صوبائی اسمبلی دے میمبر ' وزیر ' مشیر بنوانا  تے سرکاری ادارے آں وچ ذمہ دار عہدے آں تک اپڑاناں اے۔

اللہ دے فضل نال ھن تک چوکھے جنے کٹھے ھوچکے نے۔ ھور وی آندے جا رئے نے۔ ھن ویکھدے آں کہ اناں چوں کیہڑے کیہڑے پنجابی قوم پرست بن کے سنیٹر ' قومی اسمبلی دے میمبر ' صوبائی اسمبلی دے میمبر ' وزیر ' مشیر بنن تے سرکاری ادارے آں وچ ذمہ دار عہدے آں تک اپڑن دے معیار تک اپڑدے نے۔ جیہڑے نہ اپڑ سکے او قوم پرستی دا شعور بیدار ھون تے ٹیم ورک کرن دے کرکے پنجابی قوم پرستی دے ورکر ' سپورٹر یا فالوور بن جان گے۔

کسے وی قوم وچ سارے لوکی باشعور نئیں ھوندے۔ ھر قوم وچ باشعور لوکی اونے کی ھوندے نے جناں دودھ وچ مکھن ھوندا اے۔ باقی تے لسی ای ھوندی اے۔ قوم دی کامیابی دا انحصار ایس چیز تے ھوندا اے کہ قوم دے باشعور لوکی آپس وچ کٹھے ھوجان تے کٹھے ھوکے قوم لئی پروگرام بنا کے قوم چوں قوم لئی بنائے گئے پروگرام تے عمل کروان والے لوکی تیار کر لین۔ نئیں تے قوم دا ھر بندہ اپنے اپنے تھاں اپنی اپنی سمجھ تے اپنی اپنی سوچ دے مطابق رولا پان وچ لگا ریندا اے۔ ایس لئی قوم کول نہ کوئی پروگرام ھوندا اے تے نہ کوئی پروگرام تے عمل کروان والا بندہ ھوندا اے۔

قوم پرست اپنی قوم دا سیاسی شعور ودھاندا اے تاکہ قوم دے حقاں دا دفاع کرن والی سوچ نوں جگائے۔ کیونکہ قوم پرست قوم دے لوکاں ' قوم دی زبان ' قوم دی آں رسماں ' قوم دے رواجاں ' قوم دی زمین دے نال محبت کردا اے۔

قوم پرست اپنی قوم دی زمین ' قوم دے رواجاں ' قوم دی آں رسماں ' قوم دی زبان ' قوم دے لوکاں دے مفادات دی حفاظت کردا اے۔ ایس لئی قوم پرست ' قوم دے لوکاں ' قوم دی زبان ' قوم دی آں رسماں ' قوم دے رواجاں ' قوم دی زمین دے مفاد دے لئی اپنے آپ نوں وقف کر دیندا اے۔

قوم پرست ' قوم دا اک وکیل ھوندا اے۔ ایس لئی قوم پرست اپنی قوم دی زمین ' قوم دے رواجاں ' قوم دی آں رسماں ' قوم دی زبان ' قوم دے لوکاں دے حقاں دا دفاع کردا اے۔ پنجابیاں نوں چائی دا اے کہ پنجابی قوم پرستاں دی عزت کریا کرن۔ پنجابی قوم پرستاں دا ھتھ ونڈایا کرن۔ پنجابی قوم پرستاں دا ساتھ دے آ کرن۔