پنجاب وچ پنجابی قوم پرستی کیوں ودھ رئی اے؟

قوم دی زبان ' قوم دی تہذیب ' قوم دی ثقافت ' قوم دی زمین ' قوم دے لوکاں ' دے نال محبت کرن نوں تے اناں لئی قربانی دین نوں قوم پرستی آکھیا جاندا اے۔ اے اک عقیدہ اے کہ انہاں دی قوم دے لوکاں دی عزت ' قوم دی زمین دی حفاظت ' قوم دی تہذیب دا احترام ‘ قوم دی ثقافت دا وقار ' قوم دی زبان دی اھمیت ' دنیا دے دوجے کماں توں زیادہ ضروری اے۔ 

وسطی پنجاب تے شمالی پنجاب وچ پنجابیاں اتے اترپردیش دی زبان ' لکھنو دی تہذیب ' گنگا جمنا دی ثقافت دے غلبہ نالے وسطی پنجاب تے شمالی پنجاب وچ پٹھاناں دے جد کہ جنوبی پنجاب وچ بلوچاں تے عربی نزاداں دے پنجابیاں اتے سیاسی تے معاشی غلبہ نوں محسوس کیتا جان لگا اے۔ ایس کرکے پنجابیاں وچ پنجابی زبان ' پنجابی تہذیب ' پنجابی ثقافت نوں تے پنجابیاں دے سیاسی تے معاشی حقاں نوں بچان والی سوچ جاگن لگ پئی اے۔ ایس لئی اے آکھیا جاسکدا اے کہ پنجاب وچ پنجابی قوم پرستی ودھ رئی اے۔

قوم دی زمین تے دوجی قوم دی زبان ' دوجی قوم دی تہذیب ' دوجی قوم دی ثقافت دے غلبے نوں نالے اناں دی قوم دے لوکاں تے دوجی قوم دے لوکاں دے سیاسی تے معاشی غلبے نوں قوم دے وچ قوم پرستی دے کرکے ای محسوس کیتا جاندا اے۔ جیس دے کرکے قوم وچ قوم دے حقاں دا دفاع کرن دی کوشش کرن والی سوچ جاگن لگ پیندی اے۔ جنہاں قوماں وچ قوم پرستی نہ ھووے او قوماں نہ تے دوجیاں قوماں دی زبان ' تہذیب ' ثقافت دے غلبے نوں محسوس کردیاں نے تے نہ ای اناں وچ اپنی قوم دے سیاسی تے معاشی مفادات دا دفاع کرن دی سوچ جاگدی اے۔ ایس کرے او قوماں دوجی آں قوماں دی زبان ' تہذیب ' ثقافت دے تسلط دا جد کہ سیاسی تے معاشی تسلط دا غلام بن جاندی آں نے۔

قوم پرست اپنی زبان ' تہذیب ' ثقافت بارے قوم دے لوکاں دا سیاسی شعور ودھاندا اے جد کہ سیاسی تے معاشی حقاں دا دفاع کرن والی سوچ نوں جگاندا اے۔ کیونکہ قوم پرست قوم دی زبان ' قوم دی تہذیب ' قوم دی ثقافت ' قوم دی زمین تے قوم دے لوکاں نال محبت کردا اے۔ قوم پرست اپنی قوم دے لوکاں ' قوم دی زمین ' قوم دی ثقافت ' قوم دی تہذیب ' قوم دی زبان دے  مفادات دی حفاظت کردا اے۔ ایس لئی قوم پرست ' قوم دی زبان ' قوم دی تہذیب ' قوم دی ثقافت ' قوم دی زمین ' قوم دے لوکاں دے سیاسی تے معاشی  مفاد دے لئے اپنے آپ نوں وقف کر دیندا اے۔ قوم پرست ' قوم دا اک وکیل ھوندا اے۔ ایس لئی قوم پرست اپنی قوم دی زمین ' قوم دی ثقافت ' قوم دی تہذیب ' قوم دی زبان '  قوم دے لوکاں دے سیاسی تے معاشی حقاں دا دفاع کردا اے۔