پنجابی برادریاں لئی کم کرن والے آں نوں صلاح

ایس صلاح تے برادری لئی کم کرن والے اپنی برادری وچ غور کرن۔ بلکہ برادری دی تنظیم دے سرپینچاں نوں وی غور کرن لئی آکھن۔

افراد مل کے گھر بناندے نے۔

گھر مل کے گھرانہ بناندے نے۔

گھرانے مل کے خاندان بناندے نے۔

خاندان مل کے برادری بناندے نے۔

برادریاں مل کے قوم بناں دی آں نے۔

مضبوط برادریاں ای مضبوط قوم بنایا کردی آں نے۔

گھر اپنا ھوندا اے۔ گھر والے آں نال بندہ ھر ویلے کٹھا ریندا اے۔ گھر دے افراد دے مضبوط ھون نال گھر مضبوط ھوندا اے۔

گھرانہ والد دا ھوندا اے۔ گھرانے دے ھر گھر دے وڈے آں نوں ھفتے وچ اک دن کٹھا ھونا چائی دا اے۔ جے گھرانے دے گھراں دے وڈے آں چوں کجھ بوھتا دور ھون تے فے گھرانے دے ھر گھر دے وڈے آں نوں ھفتے وچ اک دن آپس وچ فون تے گل کرنی چائی دی اے۔ گھرانے دے گھراں دے مضبوط ھون نال گھرانا مضبوط ھوندا اے۔

خاندان دادکے ' نانکے ' سوھرے ھوندے نے۔ خاندان دے ھر گھرانے دے وڈے آں نوں مھینے وچ اک دن کٹھا ھونا چائی دا اے۔ جے خاندان دے گھرانیاں دے وڈے آں چوں کجھ بوھتا دور ھون تے فے خاندان دے ھر گھرانے دے وڈے آں نوں مہینے وچ اک دن آپس وچ فون تے گل کرنی چائی دی اے۔ خاندان دے گھرانیاں دے مضبوط ھون نال خاندان مضبوط ھوندا اے۔

خاندان مل کے برادری بنادے نے۔ برادری دے ھر خاندان دے وڈے نوں 3 مھینے وچ اک دن کٹھا ھونا چائی دا اے۔ جے برادری دے خانداناں دے وڈے آں چوں کجھ بوھتا دور ھون تے فے برادری دے ھر خاندان دے وڈے آں نوں مہینے وچ اک دن آپس وچ فون تے گل کرنی چائی دی اے۔ برادری دے خانداناں دے مضبوط ھون نال برادری مضبوط ھوندی اے۔

یونین کونسل دی تنظیم دا میمبر برادری دے ھر جنے نوں بناؤ۔ تاکہ ھر میمبر پنڈ وچ جیہڑا وڈے گھر دا ڈیرہ ھوے اوتھے روز اک ویلے کٹھے ھویا کرن۔

تحصیل دی تنظیم دا میمبر گھر دے سربراہ نوں بناؤ۔ تاکہ گھر دے نمائندے ھفتے وچ اک دن تحصیل دے شھر یا پنڈ وچ کٹھے ھویا کرن۔

ضلع دی تنظیم دا میمبر گھرانے دے نمائدے نوں بناؤ۔ تاکہ گھرانے دے نمائندے مھینے وچ اک دن ضلع دے شھر وچ کٹھے ھویا کرن۔

پاکستان دے ھر ضلع چوں صرف خانداں دے نمائندے نوں برادی دی مرکزی تنظیم دا میمبر بناؤ۔ تاکہ خانداں دے نمائندے 3 مھینے وچ اک دن پاکستان دے کسے وڈے شھر وچ کٹھے ھویا کرن۔

اے گل یاد رکھو کہ؛ ایس توں بغیر برادی دی تنظیم نئیں بنیا کردی۔ تنظیم توں بغیر بندے ھجوم ھوندے نے تے ھجوم کولوں فائدہ نئیں ھوندا بلکہ وقت خراب ھوندا اے۔