پاکستان دی قومی سیاست دا ھن ھون والا کھیل ھے کی اے؟

مھاجر مشرف نے 1999 توں لے کے 2008 تک پاکستان تے حکومت وی کیتی ' کراچی تے دیہی سندھ دے مھاجر علاقے وچ یوپی ' سی پی دے اردو بولن والے ھندوستانی مھاجراں نوں سیاسی ' سماجی ' معاشی تے انتظامی طور تے مظبوط وی کیتا تے پنجاب وچ پنجابی قوم نوں برادریاں وچ ونڈن دا اپنا کھیل وی کھیلیا۔

بلوچ زرداری نے 2008 توں لے کے 2013 تک پاکستان تے حکومت وی کیتی ' سندھ دے سندھی علاقے وچ بلوچ سندھیاں نوں سیاسی ' سماجی ' معاشی تے انتظامی طور تے مظبوط وی کیتا تے پنجابی قوم نوں پنجابی تے سرائیکی وچ ونڈن دا اپنا کھیل وی کھیلیا۔

ھن پٹھان عمران خان دی واری اے۔ پٹھان عمران خان کول خیبر پختونخواہ دی صوبائی حکومت ھون دے کرکے پٹھان عمران خان خیبر پختونخواہ دے پختون علاقے وچ پٹھاناں نوں سیاسی ' سماجی ' معاشی تے انتظامی طور تے مظبوط وی کر رے آ اے تے پنجاب وچ رین والے پٹھاناں ' اردو بولن والے ھندوستانی مھاجراں تے سیاسی شعور نہ رکھن والے مفاد پرست پنجابیاں نوں پنجابی قوم دے خلاف کٹھا وی کر ریا اے۔ جد کہ پاکستان دے پنجابی حکمراں نواز شریف نوں وی گچی چوں پھڑیا ھویا اے۔ ایس دی آں لتاں کھچ کے رکھیاں ھویاں نے تے ھتھ وی بن کے رکھ چھڈے نے۔

نواز شریف نال جو ھو ریا اے۔ ایس دی وجہ اے وے کہ نواز شریف نے مھاجر مشرف ' بلوچ زرداری تے پٹھان عمران خان وانگوں سیاسی پروگرام بنا کے اپنے ووٹ بینک والے علاقے پنجاب وچ اپنے ووٹ بینک نوں جیہڑا کہ پنجابی سی نہ سیاسی ' سماجی ' معاشی تے انتظامی طور تے مظبوط کیتا۔ نہ اپنے مخالف مھاجر مشرف ' بلوچ زرداری تے پٹھان عمران خان دے ووٹ بینک والے علاقیاں وچ اناں دے ووٹ بینک نوں توڑ کے اپنا ووٹ بینک بنان دا سیاسی پروگرام بنایا تے نہ اپنے ووٹ بینک والے علاقے پنجاب وچ اپنے ووٹ بینک نوں مھاجر مشرف ' بلوچ زرداری تے پٹھان عمران خان دے ھتھوں ٹٹن توں بچان لئی کوئی سیاسی پروگرام بنایا۔

سیاست دا کھیل او جتدا اے جیس کول پروگرام ھووے تے پروگرام تے عمل کروان والی ٹیم وی ھووے۔ پٹھان عمران خان ' بلوچ زرداری تے مھاجر مشرف کول سیاسی پروگرام وی ھے تے پروگرام تے عمل کروان والی ٹیم وی ھے۔ پنجابی نواز شریف دا مسئلہ اے وے کہ ایس کول پروگرام ای نئیں اے۔ پروگرام تے عمل کرن والی ٹیم دی گل تے بعد دی اے۔

نواز شریف نوں نہ رھنما بننا آیا نہ حکمراں۔ صرف حکومت وچ رھنا نصیب ھویا۔ اوہ وی ایس لئی کہ پاکستان دا سیاسی ماحول لسانی ھون دے کرکے پنجابی ' سندھیاں دی پارٹی پی پی پی ' پٹھاناں دی پارٹی پی ٹی آئی ' اردو بولن والے ھندوستانیاں دی پارٹی ایم کیو ایم نوں تے مینڈیٹ دیندے نئیں سن۔ ایس لئی پنجابیاں دی پارٹی پی ایم ایل این نوں مینڈیٹ دے دیندے  سن۔ نواز شریف نوں رھنمائی کرنا نہ آن دے کرکے ایس دے اپنے ووٹ بینک والے علاقے پنجاب وچ ایس دے اپنے ووٹ بینک دی سیاسی تربیت نئیں ھو پائی۔ جیس دی وجہ توں پنجابیاں وچ سیاسی سوچ ' سمجھ تے شعور بوت گھٹ اے۔ جد کہ نواز شریف نوں حکمرانی کرنا نہ آن دی وجہ توں پاکستان دی وفاقی حکومت دے ادارے آں دی کارکردگی بہتر نئیں ھو پائی۔ جیس دی وجہ توں انتظامی نا اھلی ' انتظامی نا لائقی تے انتظامی بد عنوانی اپنے عروج تے وے۔

2013 وچ پنجابی نواز شریف دے پاکستان دی وفاقی حکومت بنان توں بعد ھونا تے اے چائی دا سی کہ 1999 توں لے کے 2008 تک پاکستان دی حکومت چلان والے مھاجر مشرف تے ایس دی ٹیم والے آں دا تے 2008 توں لے کے 2013 تک پاکستان دی حکومت چلان والے بلوچ زرداری تے ایس دی ٹیم والے آں دا احتساب ھوندا۔ پر ھو اے رے آ وے کہ احتساب الٹا پنجابی نواز شریف دا ھو رے آ اے۔ جد کہ مھاجر مشرف ' بلوچ زرداری تے اناں دی آں ٹیماں والے آرام نال اپنا اپنا سیاسی کھیل کھیلن وچ لگے ھوئے نے۔

پاکستان دے موجودہ انتخابی سیاسی ماحول دی صورتحال اے وے کہ؛ کراچی تے دیہی سندھ دے مھاجر علاقے چوں 20 سیٹاں مھاجر مشرف کول پکیاں نے۔ سندھ دے سندھی علاقے چوں 40 سیٹاں بلوچ زرداری کول پکیاں نے۔ خیبر پختونخواہ تے فاٹا دے پٹھان علاقے چوں 30 سیٹاں پٹھان عمران خان کول پکیاں نے۔ وفاقی حکومت بنان لئی قومی اسمبلی دی آں 137 سیٹاں دی لوڑ ھوندی اے۔ جے پٹھان عمران خان ' بلوچ زرداری تے مھاجر مشرف 2018 دے الیکشن وچ پنجاب چوں 50 سیٹاں لین وچ کامیاب ھو جان تے فے اناں دا کم بن جانا اے۔

جے پنجاب چوں 50 سیٹاں مل جان تے فے پٹھان عمران خان ' بلوچ زرداری تے مھاجر مشرف رل کے پاکستان دی وفاقی حکومت بنان گے۔ خیبر پختونخواہ وچ پٹھان عمران خان دی صوبائی حکومت ھووے گی۔ بلوچستان وچ بلوچ زرداری تے پٹھان عمران خان دی رلی ملی صوبائی حکومت ھووے گی۔ سندھ وچ بلوچ زرداری تے مھاجر مشرف دی رلی ملی صوبائی حکومت ھووے گی۔ پنجاب وچ پٹھان عمران خان ' بلوچ زرداری تے مھاجر مشرف دی رلی ملی صوبائی حکومت ھووے گی۔

پاکستان دی اسٹیبلشمنٹ ' بیوروکریسی ' فارن افیئرس تے یوپی ' سی پی دے اردو بولن والے ھندوستانی مھاجراں ' بلوچاں ' پٹھاناں تے سیاسی شعور نہ رکھن والے مفاد پرست پنجابیاں دا کنترول ھووے گا۔  فے پنجاب دی ونڈ وی ھو جاوے گی۔ پنجاب وچ سرائیکی صوبہ تے پوٹھوھار صوبہ بن جاوے گا۔ سرائیکی صوبے  تے بلوچ زرداری دی صوبائی حکومت ھووے گی۔ پوٹھوھار صوبے تے پٹھان عمران خان دی صوبائی حکومت ھووے گی۔ شمالی پنجاب دے پنجابی نوں پٹھان کھچ کے رکھن  گے تے مفاد پرست پنجابی اناں پٹھاناں دی سیوا کرن گے۔ وسطی پنجاب دے پنجابی نوں اردو بولن والے بھیے تن کے رکھن  گے  تے مفاد پرست پنجابی اناں بھیاں دی سیوا کرن گے۔ جنوبی پنجاب دے پنجابی نوں سرائیکی اکھان والے بلوچ ' پٹھان ' قریشی ' گیلانی ' عباسی رگڑ کے رکھن  گے  تے مفاد پرست پنجابی اناں سرائیکی اکھان والے بلوچاں ' پٹھاناں ' قریشیاں ' گیلانیاں ' عباسیاں دی سیوا کرن گے۔ خیبر پختونخواہ ' بلوچستان ' سندھ تے کراچی دے پنجابی تے پہلوں توں ای کھچ کے وی رکھے ھوئے نے ' تن کے وی رکھے ھوئے نے تے رگڑ کے وی رکھے ھوئے نے۔

ایس مضمون وچ صرف او کھیل دسیا گیا اے جیہڑا پٹھان عمران خان ' بلوچ زرداری تے مھاجر مشرف کھیل رئے نے تے کھیل پنجابی نواز شریف نال اے جیہڑا اناں دا مقابلہ نئیں کر پاریا۔ جے کسے ھور پنجابی کھلاڑی نے پٹھان عمران خان ' بلوچ زرداری تے مھاجر مشرف دے پنجاب وچ کھیلے جان والے کھیل دا توڑ کڈھ لے آ تے نالے مھاجر مشرف دے اردو بولن والے ھندوستانی مھاجر ' بلوچ زرداری دے بلوچ تے پٹھان عمران خان دے پٹھان ووٹ بینک والے علاقیاں وچ اناں دے ووٹ بینک نوں توڑ لے آ تے فے مھاجر مشرف ' بلوچ زرداری تے پٹھان عمران خان نے ای نئیں اردو بولن والے ھندوستانی مھاجراں ' بلوچاں تے پٹھاناں نے وی رل جانا اے۔

مھاجر مشرف ' بلوچ زرداری تے پٹھان عمران خان  توں علاوہ خاص طور تے اردو بولن والے ھندوستانی مھاجراں ' بلوچاں تے پٹھاناں نوں ایس گل دا دھیان رکھنا چائی دا اے کہ پاکستان صرف پنجابی ' سندھی ' پٹھان ' بلوچ قوموں دا ای ملک نئیں اے۔ سماٹ ' ھندکو ' بروھی ' کشمیری ' گلگتی بلتستانی ' چترالی ' راجستھانی ' گجراتی قوماں دا وی ملک اے۔ پاکستان وچ پنجابی دی آبادی 60% اے۔ پنجابی صرف پنجاب دی ای سب توں وڈی آبادی نئیں نے۔ خیبر پختونخواہ دی دوجی وڈی آبادی ' بلوچستان دے پختون علاقے دی دوجی وڈی آبادی ' بلوچستان دے بلوچ علاقے دی دوجی وڈی آبادی ' سندھ دی دوجی وڈی آبادی ' کراچی دی دوجی وڈی آبادی وی پنجابی ای نے۔ پاکستان دی اسٹیبلشمنٹ ' بیوروکریسی ' فارن افیئرس ' شہری علاقیاں' صنعت ' تجارت ' ذراعت ' سیاست ' صحافت ' ھنرمندی تے سرکاری ملازمت دے شعبیاں وچ وی پنجابی ای چھائے ھوئے نے۔

اوداں پاکستان دی قومی سیاست دا اے کھیل ھے بوت وڈا۔ ایس کھیل وچ کجھ بین الاقوامی کھلاڑی وی شامل نے۔ جد کہ پاکستان دے دنیا دے وڈے ملکاں چون اک ملک تے او وی ایٹمی ملک تے عالمی سیاست دے جغرافیائی حساب نال اک بوت حساس علاقے والے ملک وچ عالمی طاقت امریکہ تے چین دی دلچسپی تے سب توں بوھتی ھونی اے۔  جیہڑے بین الاقوامی کھلاڑی پٹھان عمران خان ' بلوچ زرداری تے مھاجر مشرف دے پچھے نے اناں دے مخالف بین الاقوامی کھلاڑیاں نے پٹھان عمران خان ' بلوچ زرداری تے مھاجر مشرف دے مخالف کھلاڑی نال سانجھ کرنی اے۔

ایس لئی جیہڑے مقامی یا صوبائی سیاست دے کھلاڑی پاکستان دی قومی سیاست دے ایس کھیل نوں سمجھے بغیر تماشبین بن کے کھیل وچ لتاں مار رئے نے اناں نوں وی لگ پتہ جاناں اے کہ؛ پاکستان دی قومی سیاست دا ھن ھون والا کھیل ھے کی اے؟  تے فے عام بندے دے ایس کھیل بارے جانکاری توں بغیر کھیل وچ لت پان نال لت تے آپ ای وڈھی جانی اے۔ ایس سیاسی کھیل نے چولاں ھلا دینی آں نے۔ ایس سیاسی کھیل نے بوت بربادی لے آنی اے۔ ایس سیاسی کھیل وچ تماشبین بن کے چسکے لین والے آں نے سیاسی کھیل دے زور پھڑن توں بعد مسلمان بنو ' پاکستانی بنو۔ اسلام بچاؤ ' پاکستان بچاؤ دی دھائی دیندے نظر آنا اے۔