وسطی پنجاب تے شمالی پنجاب دے پنجابی نوں وی پنجابی قوم پرست بننا ای پے نا اے۔

کراچی ' سندھ ' خیبر پختونخواہ ' بلوچستان دے پشتون علاقے تے بلوچستان دے بلوچ علاقے دی دوسری وڈی آبادی پنجابی ای اے۔ پر پنجابیاں دے نال جیڑا سلوک کراچی وچ مھاجر ' سندھ وچ بلوچ تے عربی نزاد ' بلوچستان دے بلوچ علاقے وچ بلوچ ' بلوچستان دے پشتون علاقے وچ پشتون ' خیبر پختونخواہ وچ پختون کر رئے سن تے ھن جنوبی پنجاب وچ آباد بلوچ ' پٹھان تے عربی نزاد نے سرائیکی دے ناں نال اک نواں شوشہ کھڑا کرکے ' اناں سرائیکی آں وی کرنا شروع کر دتا اے۔ ایہدا ری ایکشن بڑا خطرناک ھووے گا۔

ھجے وی ویلا اے کہ؛ کراچی ' سندھ ' بلوچستان دے بلوچ علاقے ' خیبر پختونخواہ تے بلوچستان دے پشتون علاقے ' جنوبی پنجاب وچ پنجابیاں نوں کندھ نال نہ لایا جائے۔ دوجے درجے دا شھری نہ بنایا جائے۔ نالے وسطی پنجاب تے شمالی پنجاب دا پنجابی وی ھن تے کجھ عقل نوں ھتھ مار لے تے پنجابی قوم پرست بننا شروع کردے۔ نئیں تے رگڑیا اوھناں وی جانا اے۔ کیوں کہ 2040 وچ پاکستان دی آبادی 40 کروڑ ھو جانی اے تے پنجاب دی آبادی 24 کروڑ ھو جانی اے۔ جد کہ آبادی وچ سب توں بوھتا وادھا وسطی پنجاب تے شمالی پنجاب وچ ھونا اے۔ ایس لئی وسطی پنجاب تے شمالی پنجاب وچ آبادی بوھتی تے زمین گھٹ ھون دے کرکے وسطی پنجاب تے شمالی پنجاب چوں پنجابیاں نوں بار جانا پے نا اے۔ ایس لئی 2040 تک پنجابی نے صرف پنجاب دی ای اکثریت نئیں رھنا ' کراچی ' سندھ ' خیبر پختونخواہ ' بلوچستان دے پشتون علاقے تے بلوچستان دے بلوچ علاقے دی وی سب توں وڈی آبادی پنجابی ای ھو جانی اے۔

ایس ویلے جنی پنجابی قوم پرستی کراچی ' سندھ ' بلوچستان ' خیبر پختونخواہ تے جنوبی پنجاب دے پنجابی وچ اے ' وسطی پنجاب تے شمالی پنجاب دے پنجابی وچ اوس دا دسواں حصہ وی نئیں ھونی۔ وسطی پنجاب تے شمالی پنجاب دا پنجابی تے پنجابی بول لینے نوں ای پنجابی قوم پرستی سمجھ لیندا اے۔ ایس توں اگے ایس دی عقل کم ای نئیں کردی۔ جد وسطی پنجاب تے شمالی پنجاب چوں پنجابی ' سندھ ' کراچی ' خیبر پختونخواہ ' بلوچستان دے پٹھان علاقے تے بلوچستان دے بلوچ علاقے وچ جان گے تے فے وسطی پنجاب تے شمالی پنجاب دے پنجابی نوں لگ پتہ جاوے گا تے سمجھ اے وی آجاوے گا کہ؛ قوم پرستی کی ھوندی اے؟ تے پنجابی قوم پرست بنے بغیر نہ عزت محفوظ رہ سکدی اے۔ نہ جان محفوظ رہ سکدی اے۔ نہ مال محفوظ رہ سکدا اے۔ نہ گھر آباد ھو سکدا اے۔ نہ کاروبار کیتا جا سکدا اے۔