پنجاب نوں خوشحال خطہ ھون دے کرکے پچھلے اک ھزار سال توں لٹیا گیا۔

صنعتی انقلاب آن توں پہلوں دنیا وچ معیشت دا ذریعہ ذراعت ھوندی سی۔ پنج دریاواں دی دھرتی ھون دے کرکے دنیا وچ پنجاب ذرعی معیشت دے کرکے اک خوشحال خطہ سی۔ ایس کرکے ای یونان دے سکندرِ اعظم توں لے کے کئی بار دے حملہ آوراں نے پنجاب تے قبضہ کرن دی کوشش کیتی۔

اسلام دے عروج توں پہلوں یونان تے ایران دنیا دی آں وڈیاں طاقتاں سن۔ پر پنجاب دے ذرعی معیشت دے کرکے اک خوشحال خطہ ھون دے نال نال پنجابی اک بہادر ' جنگجو تے طاقتور قوم وی سن۔ ایس لئی ای ایرانی قوم نے دنیا دی وڈی طاقت تے پنجاب دا گنواڈی ھون دے باوجود کدے وی پنجاب تے حملہ کرکے پنجاب تے قبضہ کرن دی کوشش نئیں کیتی تے یونان دا سکندرِ اعظم وی پنجاب تے حملہ کرن دے باوجود پنجاب تے قبضہ نہ کرسکیا۔

اسلام دے عروج توں بعد ایران تے یونان تے مسلماناں دی حکومت بن جان تے ترکی دے دنیا دی وڈی طاقت بن جان توں بعد غزنی دے ترک نسل محمود غزنوی نے 991 توں لے کے پنجاب دے حکمراں جے پال تے حملے کرنا شروع کیتے۔ ھر حملے وچ اجاڑا کرن توں بعد زمین تے قبضہ کرن دے بجائے جے پال کولوں تاوان منگدا رے آ۔ جے پال نے محمود غزنوی دے بار بار پنجاب دے اجاڑے نوں روک نہ سکن دے کرکے خودکشی کرلئی پر تاوان نہ دتا۔ محمود غزنوی نے پنجاب تے حملے تے اجاڑا کرنا جاری رکھیا تے 1009-1010 وچ  جد جے پال دا پتر آند پال معاشی تے جنگی طور تے کمزور ھوگیا سی ' اوس ویلے آند پال کولوں پشاور تے آلے دوالے دا علاقہ کھولیا فے 1022 تک آند پال دے پتر ترلوچن پال کولوں لاھور تے آلے دوالے دا علاقہ وی کھولیا۔ 

ایس طراں اسلام نوں سیاسی مقصد لئی استعمال کرکے اسلام نوں ودھان دا نعرہ لاکے سومناتھ دے مندر نوں توڑن دا بہانہ بنا کے اسلامی لشکر لئی مسلماناں دا ساتھ لے کے پنجاب دے حکمراناں تے 991 توں لے کے 1022 تک 31 سالاں وچ 17 واری حملے کر کر کے پنجاب دی ذرعی معیشت نوں تباہ کرن تے پنجاب وچ اپنے بندے بنا کے اپنیاں جڑاں مظبوط کرن توں بعد 1022 تک سارے پنجاب تے قبضہ کرلیا۔ جیس دے کرکے ذرعی معیشت دے لحاظ نال دنیا دے سب توں زیادہ خوشحال خطہ ' پنج دریاواں دی دھرتی پنجاب تے ترک نسل مسلماناں دی حکومت قائم ھوگئی۔ محمود غزنوی نے اپنے خاص غلام ایاز نوں پنجاب دا گورنر بنا چھڈیا۔ جد کہ گجرات جاکے سومناتھ دے مندر نوں توڑن لئی محمود غزنوی کدے وی  گجرات اپڑیا ای نئیں۔

ذرعی معیشت دے لحاظ نال دنیا دے سب توں زیادہ خوشحال خطہ ' پنج دریاواں دی دھرتی پنجاب تے 1022 توں لے کے 1947 تک سوائے 1799 توں لے کے 1849 تک پنجابیاں دی حکمرانی رئی ای نئیں۔ 1947 وچ پاکستان دے بنن ویلے تے بنن توں مگروں وی پنجابی قوم تے پنجاب تے چاروں پاسے اوں یلغار اے۔

بھارت ' برطانیہ یا امریکہ تے اک پاسے۔ سندھ چوں بلوچ نزاد سندھیاں ' بلوچستان چوں بلوچاں ' خیبر پختونخواہ چوں پٹھاناں تے کراچی چوں ھنوستانی اردو بولنے والے مھاجراں نے وی پنجاب تے پنجابیاں نوں رگڑا لا کے رکھیا ھویا اے۔

جد کہ پنجاب وچ رین والے کجھ یوپی ' سی پی دے ھندوستانی ' افغانی نزاد ' ایرانی نزاد ' عراقی نزاد ' بلوچ نزاد وی پنجابی قوم تے پنجاب نوں رگڑا لان وچ لگے ھوئے نے۔ 1947 وچ پنجابی قوم تے پنجاب نوں مذھب دی بنیاد تے ونڈواں توں بعد 1947 توں مگروں پنجابی قوم نوں پنجابی زبان دے لہجیاں تے پنجاب نوں علاقیاں وچ ونڈن دی کوشش وچ لگے ھوئے نے۔

بہر حال پنج دریاواں دی دھرتی ھون دے کرکے ذرعی معیشت دے لحاظ نال دنیا دا سب توں زیادہ خوشحال خطہ ھون دے نال نال پنجاب ھن صنعتی لحاظ نال وی اک ترقی یافتہ خطہ اے۔ پنجابی فوج وی دنیا دی طاقتور فوجاں چوں اک فوج اے۔ بہادر تے پنجابی شروع توں ای سن پر پنجابیاں وچ ھن سیاسیی شعور وی آندا جاریا اے۔ ایس لئی پنجابی قوم نے پنجاب تے پنجابی قوم دے نال پچھلے اک ھزار سال دی داستان نوں بنیاد بناکے ' پنجابی قوم تے پنجاب دے دشمناں دا جائزہ لے کے ھن 2020 تک پنجابی قوم تے پنجابب نوں بحراناں چوں کڈھ لینا اے۔ انشا اللہ