افراد
مل کے گھرانہ بناندے نے تے گھرانے وچ بھرا وی لڑ پیندے نے۔
گھرانے
مل کے خاندان بناندے نے تے خاندان وچ گھرانے وچ لڑ پیندے نے۔
خاندان
مل کے برادری بناندے نے تے برادری وچ خاندان وی لڑ پیندے نے۔ برادریاں مل کے قوم
بناندیاں نے تے قوم وچ برادیاں وی لڑ پینیاں نے۔
گھرانے
دا مسئلہ ذاتی مسئلہ ھوندا اے۔
ایس
لئی گھرانے وچ ھون والے مسئلہ نوں ذاتی سطح تے ای حل کیتا جاندا اے تے ذاتی سطح تے
حل وی کرنا چائی دا اے تاکہ گھر دی گل گھر تک ای رووے۔
خاندان
دا مسئلہ رشتے داری دا مسئلہ ھوندا اے۔
ایس
لئی خاندان وچ ھون والے مسئلہ نوں رشتے داری دی سطح تے ای حل کیتا جاندا اے تے
رشتے داری دی سطح تے حل وی کرنا چائی دا اے تاکہ خاندان دی گل خاندان تک ای رووے۔
برادری
دا مسئلہ خانداناں دا مسئلہ ھوندا اے۔
ایس
لئی برادری وچ ھون والے مسئلہ نوں خانداناں دی سطح تے ای حل کیتا جاندا اے تے
خانداناں دی سطح تے حل وی کرنا چائی دا اے تاکہ برادری دی گل برادری تک ای رووے۔
قوم
دا مسئلہ برادریاں دا مسئلہ ھوندا اے۔
ایس
لئی قوم وچ ھون والے مسئلہ نوں برادریاں دی سطح تے ای حل کیتا جاندا اے تے
برادریاں دی سطح تے حل وی کرنا چائی دا اے تاکہ قوم دی گل قوم تک ای رووے۔
گھر ' خاندان ' برادری تے قوم دے مسئلے سماجی مسئلے ھوندے نے پر ایک قوم دے دوجیاں
قوماں نال مسئلے سماجی نئیں بلکہ سیاسی ھوندے نے۔
گھر ' خاندان ' برادریاں اپنی قوم دے علاقے وچ وی ریندے نے تے دوجیاں قوماں دے
علاقے وچ وی ریندے نے۔
پنجاب وچ رین والیاں 10 وڈیاں برادریاں ارائیں ‘ اعوان ‘ جٹ ‘ راجپوت ’ کشمیری ‘
گجر ' شیخ ' پٹھان ‘ بلوچ تے عربی نزاد نے۔ اناں چوں پنجابی برادریاں کیہڑیاں
کیہڑیاں نے؟
سندھ وچ رین والیاں 10 وڈیاں برادریاں سماٹ ‘ بلوچ ‘ بروھی ‘ عربی نزاد ' یوپی سی
پی ’ راجستھانی ‘ گجراتی ' بہاری ' پٹھان تے پنجابی نے۔ اناں چوں سندھی برادریاں کیہڑیاں
کیہڑیاں نے؟
ایس دے بارے وچ علم ھونا ایس لئی ضروری اے تاکہ پتہ چل سکے کہ کیہڑیاں کیہڑیاں
برادریاں نوں اک ای قوم دیاں برادریاں ھون دے کرکے تے قوم دا مفاد سانجھا ھون دے
کرکے آپس وچ مسئلے سماجی طور تے حل کرنے چائی دے نے تے کیہڑیاں کیہڑیاں برادریاں
نوں وکھ وکھ قوم دیاں برادریاں ھون دے کرکے تے قوماں دے مفاد وکھ وکھ ھون دے کرکے
آپس وچ مسئلے سیاسی طور تے حل کرنے چائی دے نے۔
No comments:
Post a Comment