جنوبی پنجاب وچ پنجابی زبان ' تہذیب ' ثقافت دے 100 ماڈل پنڈ بنائے جان

جنوبی پنجاب وچ بلوچاں ' پٹھاناں ' عربی نژاد گیلانیاں ' قریشیاں ' عباسیاں نوں پہلے مغلاں نے تے بعد وچ انگریزاں نے جے جاگیراں نہ الاٹ کیتیاں ھوندیاں تے اناں کولوں جنوبی پنجاب وچ ڈیرہ والی پنجابی ' ملتانی پنجابی ' ریاستی پنجابی تے ظلم تے زیادتیاں نئیں کر ھونیاں سی۔

جنوبی پنجاب چ ڈیرہ والی پنجابی ' ملتانی پنجابی ' ریاستی پنجابی دا حال رامؔش قادری نے بیان کیتا اے کہ؛

اساں کئی نسلیں توں نوکر ھاں

ساڈے گل پٹہ سرداری دا

اساں پالتو کتے کھوسے دے

ساڈے دل وچ خوف لغاری دا

اساں پٹھو خان دریشک دے

ساڈا ذھن غلام مزاری دا

اساں رامؔش ایویں رُل مرنے

کوئی حل نئیں ایں بیماری دا

اے اک حقیقت اے۔ لوھے نوں لوھا وڈھدا اے۔ زھر نوں زھر ماردا اے۔ ایس لئی جنوبی پنجاب وچ بلوچاں ' پٹھاناں ' عربی نژاد گیلانیاں ' قریشیاں ' عباسیاں ولوں؛

1۔ سرائیکی سازش

2۔ ڈیرہ والی پنجابی ' ملتانی پنجابی ' ریاستی پنجابی تے ظلم تے زیادتیاں

3۔ جنوبی پنجاب صوبہ بناکے پنجاب دے ونڈ دی کوشش

دا وی علاج اے ای وے کہ؛

1۔ جنوبی پنجاب چوں 100 پنجابی قوم پرست تیار کیتے جان۔

2۔ کالاباغ ڈیم بنا کے جنوبی پنجاب وچ اک اک ھزار ایکڑ دے 100 زرعی فارم جنوبی پنجاب دے پنجابی قوم پرستاں نوں الاٹ کیتے جان۔ تاکہ؛

(الف)۔ پنجابی قوم پرست زمینداری وی کرن۔

(ب)۔ اپنے اپنے زرعی رقبے تے پنجابی تہذیب تے ثقافت دے رنگ وی کھلارن۔

تاکہ جنوبی پنجاب ' پنجابی زبان ' پنجابی تہذیب ' پنجابی ثقافت دا ماڈل بن جاوے تے سارے پنجاب چوں پنجابی ' جنوبی پنجاب وچ آکے اصل پنجابی زبان ' پنجابی تہذیب ' پنجابی ثقافت ویکھن تے سکھن۔