پاکستان تے ھندوستان وچ جنگ تے ھونی ای اے۔

پاکستان تے ھندوستان دا  1947 توں لے کے ھن تک جیہڑا حال اے۔ ایس دے نتیجے وچ صلاح مشورے نال امن ھون دی امید نئیں اے۔ ایس کرکے جنگ تے ھونی ای اے۔ ایس توں بغیر گل کسے پاسے نئیں لگنی۔ ھندوستان دا بوھتا دھیان پاکستان وچ "پراکسی وار" تے ریہیا اے۔ پاکستان دے بن دے آں ای ھندوستان نے پاکستان دے صوبہ سرحد وچ  "پشتونستان" دی سازش شروع کر دتی سی۔ اوس توں بعد بلوچستان وچ "آزاد بلوچستان" دی سازش وی شروع کردتی۔ 1965 دی ھندوستان تے پاکستان دی جنگ توں بعد سندھ وچ "سندھودیش" دی سازش وی شروع کردتی۔ 1986 توں  پاکستان دے سب توں وڈے تے بندرگاہ والے شھر کراچی وچ "جناح پور" دی سازش وی شروع کردتی۔ ھن جنوبی پنجاب وچ "سرائیکی" سازش وی کر ریا اے۔

پاکستان نوں وی ھندوستان دی پاکستان وچ "پراکسی وار" دے جواب وچ ھندوستان وچ "پراکسی وار" کرنی چائی دی سی پر؛ پاکستان دے بنن توں لے کے 1977 وچ جنرل ضیاء الحق دے پاکستان دی فوج دا پہلا پنجابی سپاہ سالار تے پاکستان دا پہلا پنجابی فوجی حکمران بنن توں پہلے تے 1990 وچ نواز شریف دے پاکستان دا پہلا پنجابی سیاسی رھنما تے پاکستان دا وزیرِ اعظم بنن تک پاکستان تے جیہڑے ھندوستانی مھاجر ' پٹھان تے سندھی حکمراں رئے سن۔ اناں نے ھندوستان دی پاکستان وچ "پراکسی وار" دے جواب وچ ھندوستان وچ "پراکسی وار" نئیں کیتی۔ بلکہ ھندوستان دی پاکستان وچ "پراکسی وار" نوں پاکستان دی سب توں وڈی آبادی پنجابی نوں بلیک میل کرن لئی استعمال کردے رئے تے پاکستان تے حکمرانی کرکے اپنے مفاد حاصل کردے رئے۔

پاکستان دے ھندوستانی مھاجر ' پٹھان تے سندھی حکمراناں نے ایس لئی ھندوستان وچ "پراکسی وار" نئیں کیتی کہ؛ پہلے ای پاکستان دی 60٪ آبادی پنجابی سی۔ ایس لئی پاکستان دی ھندوستان وچ "پراکسی وار" دے کرکے ھندوستان دی 25٪ ھندی آبادی کولوں جے 75٪ آبادی تیلگو ' تامل ' ملایالم ' مراٹھی ' گجراتی ' راجستھانی ' کنڑا ' اڑیہ ' آسامی ' بھوجپوری قوماں نوں جد کہ بنگالی تے پنجابی نوں ھندوستان وچ "پراکسی وار" کرکے آزاد کروایا جاندا تے فے ھندوستان دے قبضے توں آزاد ھوکے پنجابیاں نے پاکستان دی 60٪ آبادی نال مل جانا سی۔ جیس نال پاکستان دی پنجابی آبادی 80٪ ھو جان دے کرکے پاکستان نے عملی طور تے پنجابستان بن جانا سی۔ جتھے ھندوستانی مھاجر ' پٹھان ' بلوچ ' سندھی نے اقلیت بن جانا سی تے اناں کولوں پاکستان تے حکمرانی نئیں کر ھونی سی۔

پاکستان وچ مسئلہ اے ریہیا کہ؛ 1947 وچ پنجاب دی ونڈ دے کرکے 20 لکھ پنجابی مارے گئے سن تے 2 کروڑ پنجابی اجڑ گئے سن۔ پنجابیاں دے دربدر ھون دے کرکے ھندوستانی مھاجر ' پٹھان ' بلوچ ' سندھی نہ صرف پاکستان تے راج کردے رئے بلکہ پنجاب نوں بلیک میل وی کردے رئے تے پنجابیاں نوں گالاں وی کڈھدے رئے۔ پنجابی 1947 وچ اجڑن تے دربدر ھون توں بعد ھن فے اپنے پیراں تے کھڑے ھو گئے نے۔ پاکستان تے وی تے پاکستان دی حکمرانی تے وی ھن پنجابی نے کنٹرول کرلیا اے پر ھندوستان وچ "پراکسی وار" کرن لئی پنجابی کول ھن وقت نئیں اے۔ کونکہ "پراکسی وار" دا رزلٹ 10 - 15 سال بعد آن لگدا اے۔ جد کہ "پراکسی وار" نال ھندوستان ولوں ھندوستانی مھاجر ' پٹھان ' سندھی تے بلوچ دی نظریاتی برین واشنگ کرن دے کرکے اناں دی عادت پنجاب تے پنجابی نال پنگا لین والی بن چکی اے۔ ایس لئی پاکستان کول ھندوستان دا مقابلہ کرن لئی ھن چارہ ایٹمی ھتھیار ای نے۔

ھندوستان نے پاکستان وچ جے "پراکسی وار" نوں ھور ودھایا (جیہڑا کہ امریکہ دی سی پیک دا رستہ ڈکن لئی فرمائش دے کرکے ھندوستان نوں ودھانا ای پینا اے) تے فے پاکستان نے ھندوستان نال ڈانگو ڈانگی تے ھو ای جانا اے ۔ (پچھوں سی پیک دا رستہ ڈکن دے کرکے چین دی پٹھ وی تے پاکستان نوں ھونی اے)۔ ھندوستان نے پراکسی وار  ' زبان درازی ' بین الاقوامی فورم تے پروپیگنڈہ کرن تے بوھتا زور دینا اے۔ جد کہ پاکستان نے پراکسی وار  ' زبان درازی ' بین الاقوامی فورم تے پروپیگنڈہ کرن دے چکر وچ بوھتا پینا نئیں اے۔ ایس لئی ڈانگو ڈانگی ھون توں بعد پاکستان نے سدھا سدھا ھندوستان نوں ایٹمی ھتھیاراں نال ٹھوک دینا اے۔

پاکستان تے ھندوستان دی سرحد جڑی ھوئی اے۔ ایس لئی ایٹمی ھتھیاراں نوں روکن والا سسٹم ھندوستان دے کم نئیں آنا۔ جد کہ سندھ تے جنوبی پنجاب وچ ھندوستان تے پاکستان دا جیہڑا سرحدی علاقہ اے او غیر آباد اے۔ اوس علاقے وچ ھندوستان دی فون جے وڑی کہ او سندھ تے جنوبی پنجاب دے علاقہ نوں پنجاب نالوں کٹ دین تاکہ اناں علاقیاں وچ ھندوستان دی "پراکسی وار" نال تیار کیتے گئے کراچی وچ " جناح پور" ' سندھ وچ "سندھیودیش" ' جنوبی پنجاب وچ "سرائیکی" سازش والے کھلاڑی اپنے اپنے علاقیاں دا کنٹرول سمبھال سکن تے فے پاکستان نے ھندوستان دی فوج نال غیر آباد سرحدی علاقہ وچ زمینی جنگ نئیں لڑنی بلکہ علاقے دے غیر آباد ھون دے کرکے پاکستان ولوں بنائے گئے چھوٹے ایٹمی ھتھیار پاکستان نے سدھے سدھے ٹھوک دینے نے۔

پاکستان دے سدھا سدھا ھندوستان نوں ایٹمی ھتھیاراں نال ٹھوکن دے جواب وچ ھندوستان بھاویں جو وی کرلے پر اک مسئلہ نفسیات دا وی اے۔ پاکستان ولوں جنگ پنجابیاں نے لڑنی اے نہ کہ؛  ھندوستانی مھاجر ' پٹھان ' سندھی تے بلوچ نے لڑنی اے۔ پنجابی جنگ ویلے نہ مارن توں ڈردے نے تے نہ مرن توں ڈردے نے۔ مار دتا تے غازی۔ مر گئے تے شھید۔ جد کہ ھندوستانیاں دی نفسیات "زبانی پنگا" لین تے "سازشیاں" کرن والی اے۔ مارن تے مرن توں ڈردے نے ایس لئی ھندوستانیاں دی نفسیات مارن تے مرن والی نئیں اے۔

1947 کیہڑا دور اے۔ 1947 وچ سازش پنجاب تے پنجابی قوم دے دشمناں دی سی پر پنجابیاں نے آپس وچ ای لڑکے 20 لکھ پنجابی مار دتے تے 2 کروڑ پنجابی اجاڑ دتے۔ اوس توں مگروں ایویں بھل گئے کہ؛ جیویں 1947 وچ کجھ ھویا ای نئیں سی۔ جد کہ تھوڑے ٹائم وچ ھون والی اے دنیا دی تاریخ دی سب توں وڈی قتل و غارتگری سی تے سب توں وڈا اجاڑہ سی۔ جیس نے پنجاب وی ونڈ دتا تے پنجابی قوم نوں وی دربدر کر دتا۔

1947 وچ تے پنجابی آپس وچ لڑے سن پر ھن اک تے گل پنجابیاں دے آپس وچ لڑن دی نئیں اے تے دوجا ھندوستان دی پراکسی وار  ' زبان درازی ' بین الاقوامی فورم تے پروپیگنڈہ کردے رین توں نالے "کشمیر تے ھندوستان دے قبضے والے پنجاب دا مسئلہ" حل نہ کرن بلکہ چناب تے جہلم دریا تے ڈیم بنا کے پنجاب دا پانی روکن دے کرکے پنجابی اکے وی بیٹھے نے۔ جد کہ سی پیک دا رستہ روکن دی امریکہ والی فرمائش ایس ویلے ھندوستان دے گل پے چکی اے۔

جے ھندوستان نے امریکہ دی سی پیک دا رستہ روکن دی فرمائش پوری نہ کیتی تے فے ھندوستان کی کرے گا؟ جے ھندوستان نے امریکہ دی سی پیک دا رستہ روکن دی فرمائش پوری کیتی تے فے پاکستان کی کرے گا؟ اے حال ویکھ کے لگدا تے اے ای اے کہ؛ جنگ تے ھووے گی۔ جنگ روکن تے صلاح مشورے نال امن لئی ھندوستان کول اک ای رستہ اے کہ؛ ھندوستان ' امریکہ نوں چھڈ کے چین نال رل جاووے پر فے وی مسئلہ اے ھونا اے کہ؛ کشمیر نوں تے ھندوستان دے قبضے والے پنجاب نوں آزاد کرن دی پاکستان دی فرمائش ھندوستان نوں مننی پینی اے۔