اج مارچ دی 29 :اوہ دن جداں انگریزاں پنجاب تے مل ماری۔ Aamir Riaz TuTu

ایہہ دن اساں کیوں یاد نہیں کردے؟

ساڈا میڈیا کیوں ایس بارے لمیری چپ وچ غرق ہے؟

لہور دربار دے ناں نوں وی کیوں انگریز  تے اوس دے حواری

ساڈے چیتے توں ہی کڈہنا چاہندے نیں؟

لہور دربار دی حکومت نوں کیوں سکھ سرکار آکھیا گیا؟

افغانستان دے حاکم دوست محمدخان دا بھرا

کیوں ساری حیاتی رنجیت سنگھ نال رہیا؟

1809 وچ جدوں دلی دا ریذیڈنٹ تے لارڈ منٹو دا بلارا

لہور دربار نال معاہدہ کرن پنجاب اپڑیا تے اوس نپولین نال ڈراون دے نال نال

افغانستان جاون لئی مہاراجہ نوں رستہ دین دا کیوں آکھیا

تے مہاراجہ اوس توں انکاری کیوں ہویا؟

تھامس ہنری تھارٹن’ سید لطیف تے کنھیا لال ورگیاں دی کتاباں وچ

سکھ مسلم تے پنجابی پٹھان جھیڑیاں نوں ودھان دے جتن انگریزاں کیوں کیتے؟

انگریز مخالف لٹریچر کیوں ایس دیہاڑ بارے چپ ہے؟

انگریز فوجیاں ایہہ گل کیوں لکھی کہ

اساں ایہہ جنگ لڑ کے نہیں سگوں سازشاں نال جتی ہے؟

کنگھم آپ لہور دربار خلاف کمپنی دی فوج وچ سی

فیر اوس دی کتاب نوں ترے وار بین کیوں کیتا انگریزاں نے؟

ساڈے بچے اج چیلیانوالہ دی جنگ بارے کجھ نہیں جاندے’ پر کیوں؟

سیکولر انگریزاں لہور دربار دی حکومت نوں ڈیگن لئی

کیوں اک جہاد نوں ہلا شیریاں دتیاں؟

دھرمی سکھ رنجیت سنگھ دے کیوں خلاف سن؟

ایہہ کجھ سوال نیں جیہڑے ایس جھوٹ توں پردہ چکن لئی چکے نیں

جس نوں انگریزاں بنایا تے کاٹھے انگریزاں راکھی کیتی۔

اج دے دیہاڑ ایس بارے سوچو۔