پنجابی
قوم دنیا دی نوویں سب توں وڈی قوم اے۔
پنجابی
قوم جنوبی ایشیا دی تیجی سب توں وڈی قوم اے۔
پنجابی
مسلمان مسلم امہ دی تیجی سب توں وڈی برادری اے۔
پنجابیاں
دی پاکستان وچ آبادی 60 فیصد اے۔
پنجابی
زبان پاکستان دی 80 فیصد آبادی بولنا جاندی اے۔
پنجابی
زبان پاکستان دی 90 فیصد آبادی سمجھ لیندی اے۔
پنجابی
زبان نوں چھڈ کے جے کوئی پنجابی اپنے آپ نوں پنجابی قوم توں وکھ کردا اے تے نقصان
پنجابی قوم دا نئیں ھوندا۔ نقصان پنجابی قوم توں وکھ ھون والے دا اپنا ای ھوندا اے
کہ اک وڈی قوم چوں ٹٹ کے کسے دوجی قوم دا تے بن نئیں سکدا۔ ایس لئی نہ اپنی قوم دا
ریندا اے تے نہ کسی دوجی قوم دا بن پاندا اے۔
انج
وی جیہڑا اپنی پنجابی قوم تے او وی؛ پاکستان دی سب توں وڈی قوم۔ جنوبی ایشیا دی تیجی
وڈی قوم۔ دنیا دی نویں وڈی قوم دا بن کے نہ رہ سکیا تے فے اوس نے کسے ھور قوم دا
بن کداں جانا اے؟ تے دوجی قوم نے اوس نوں اپنی قوم دا مننا کداں اے؟
اوداں وی اے اصول اے کہ کسے قوم دا بندا تے کی جے کسے قوم دی کوئی برادری یا کسے
قوم دی زبان دے کسے لہجے والے اپنی قوم نوں چھڈ دین تے فے او کسے ھور قوم دا تے
حصہ بن نئیں سکدے پر وکھ اک نواں ٹولہ بن جاندے نے۔
اپنی
قوم نوں چھڈ کے اک نواں ٹولہ بن جان والے فے نہ اپنی قوم دے ریندے نے تے نہ کوئی
دوجی قوم اناں نوں مندی اے۔ ھاں ! دوجیاں قوماں دے ھتھوں اپنی اصل قوم دے خلاف
استعمال ضرور ھوندے ریندے نے۔
ایس
لئی جیہڑے پنجابی اپنی قوم پنجابی نوں چھڈ کے اک نواں ٹولہ بنے نے او اپنی پنجابی
قوم توں تے وکھ ھو ای گئے نے پر اناں نوں فے وی دوجیاں قوماں آکھدیاں پنجابی ای
نے۔ جے کوئی نویں ٹولے نوں نویں قوم مندے وی نے تے فے اوس دے پچھے مقصد اے ھوندا
اے کہ اوس ٹولے نوں نویں قوم آکھ آکھ کے اناں نوں اپنی اصل قوم دے خلاف استعمال
کیتا جاوے۔
No comments:
Post a Comment