پنجاب دے پنجابی وچ سیاسی شعور نئیں اے

قوم پرستی دا تعلق قوم دے سماجی ' سیاسی ' معاشی ' انتظامی معاملات نال ھوندا اے۔ پنجاب دے پنجابی دی عقل پنجابی زبان وچ وڑی ھوئی اے۔ سیاسی شعور نہ ھون دے کرکے پنجابی قوم پرستی دی پنجاب دے پنجابی نوں سمجھ ای نئیں اے۔ ایس لئی پنجاب دا پنجابی ' پنجابی قوم پرستی بارے سوچ وچار نئیں کرسکدا۔ پنجاب دا پنجابی صرف پنجابی زبان بولن نوں ای پنجابی قوم پرستی سمجھدا اے۔ جد کہ پنجاب نوں صرف پنجابی قوم پرستی بچا سکدی اے۔

پنجاب توں بار رین والے پنجابی وچ سیاسی شعور وی ھے تے پنجابی قوم پرستی وی ھے۔ جے پنجاب توں بار رین والا پنجابی ' پنجابی قوم پرستی چھڈ کے پنجاب دا دشمن بن جاووے تے فے پنجاب وچ رین والے تے پنجابی بولن والے پٹھان ' بلوچ ' ھندوستانی مھاجر نوں پنجاب والے بھاویں جنا مرضی پنجابی آکھدے رین اناں نے پنجابی نئیں رینا۔ پنجاب دا پنجابی اک پاسے پنجاب وچ رین والے تے پنجابی بولن والے پٹھان ' بلوچ ' ھندوستانی مھاجر کولوں چھتر کھاوے گا تے دوجے پاسے پنجاب توں بار رین والا پنجابی ' پنجاب دے پنجابی نوں گھا نئیں پاووے گا۔

پاکستان دے مستقبل دی سیاست دا فیصلہ پنجاب توں بار رین والا پنجابی کرے گا۔ جے پٹھان ' بلوچ ' ھندوستانی مھاجر اپنے اپنے علاقے وچ رین والے پنجابی نوں اپنے نال ملان وچ کامیاب ھوگئے تے فے پنجاب دے پنجابی نے رُل جانا اے۔ ھن وی پاکستان تے پنجاب تے راج پٹھان ' بلوچ ' ھندوستانی مھاجر کر رئے نے تے اگے وی پاکستان تے ای نئیں پنجاب تے وی راج پٹھان ' بلوچ ' ھندوستانی مھاجر کردے رین گے۔