Monday 26 February 2018

پنجابی قوم 2020 وچ اپنا اک "قائد" بنائے گی۔

ھن تک پنجابی قوم پرستی نوں "فالو" کرن والے لکھاں دی تعداد وچ تیار ھو چکے نے۔

ھن تک پنجابی قوم پرستی نوں "سپورٹ" کرن والے ھزاراں دی تعداد وچ تیار ھو چکے نے۔

ھن تک پنجابی قوم پرستی لئی "ورک" کرن والے سینکڑاں دی تعداد وچ تیار ھو چکے نے۔

ھن 2019 وچ پنجابی قوم پرستاں دی "قیادت" کرن والے درجناں دی تعداد وچ تیار ھون گے۔

2020 وچ درجناں دی تعاد وچ پنجابی قوم پرستاں دی "قیادت" کرن والے آں چوں بہت سارے پنجابی قوم پرستاں دی "قیادت" کرن والے وکھ وکھ پنجابی قوم دی سماجی یا سیاسی یا معاشی ترقی دا "پروگرام" بنان دے بجائے اپنا اک "قائد" بنا کے پنجابی قوم دے لئی سماجی ‘ سیاسی ‘ معاشی ترقی دا قومی سطح تے "سانجھا پروگرام" بنان گے۔

اوس "سانجھے پروگرام" نوں سینکڑاں دی تعاد وچ پنجابی قوم پرستی لئی "ورک" کرن والے پنجابی قوم پرستاں دے ذریعے ھزاراں دی تعداد وچ پنجابی قوم پرستی نوں "سپورٹ" کرن والے پنجابی قوم پرستاں کولوں "سپورٹ" کروان گے۔ جد کہ لکھاں دی تعداد وچ پنجابی قوم پرستی نوں "فالو" کرن والے اوس "پروگرام" نوں "فالو" کرن گے۔ ایس دا اثر کروڑاں پنجابیاں تے ھووے گا تے کروڑاں پنجابی اوس "پروگرام" تے "عمل" کرن گے۔ ایس لئی کروڑاں پنجابیاں دے اک ای "عمل" کرن نال پنجابی قوم دے لئی قومی سطح تے بنایا جان والا سماجی ‘ سیاسی ‘ معاشی ' ترقی دا "پروگرام" قومی سطح تے کامیابی حاصل کرے گا۔

2020 پنجابی قوم پرستاں دی "کامیابی" دا سال ھووے گا۔
2020 وچ پنجابی قوم اپنا اک "قائد" بنائے گی۔
2020 وچ پنجابی قوم دے لئی سماجی ‘ سیاسی ‘ معاشی ترقی دا قومی سطح تے "سانجھا پروگرام" بنے گا۔  انشا اللہ۔