ارائیں پنجابی نے۔ اے پروپیگنڈا اے کہ ارائیں شام دے شھر اریحا چوں آئے سن۔

اریحا تے کی شام دی وی اینی پاپولیشن نئیں اے جنے ارائیں پنجاب وچ نے۔

پاکستان وچ جٹ توں بعد دوجی وڈی برادری ارائیں نے۔

ارائیں پاکستان آرمی وچ وی نے تے سول سروسس وچ وی۔ ارائیں سروس سیکٹر وچ وی نے تے ٹریڈ بزنس وچ وی۔ پر سب توں زیادہ ارائیں ایگریکلچر سیکٹر وچ  نے۔

محمد بن قاسم سندھ وچ راجہ ڈاھر نال جنگ لڑن آیا سی یا کاشتکاری کرن؟

ارائیں جے 1300 سال پہلے محمد بن قاسم نال سندھ آئے سن تے راجہ ڈاھر نال جنگ لڑن آئے سن یا سندھ وچ کاشتکاری کرن؟

محمد بن قاسم جے سندھ وچ راجہ ڈاھر نال جنگ لڑن آیا سی تے فے او جنگ لئی صرف ارائیں لے کے آیا سی؟

محمد بن قاسم جے سندھ وچ راجہ ڈاھر نال جنگ لڑن لئی ارائیں لے کے آیا سی تے او کنے ارائیں سن جیہڑے 1300 سال وچ ودھ کے پاکستان دی دوجی وڈی برادری بن گئے؟

محمد بن قاسم جے سندھ وچ راجہ ڈاھر نال جنگ لڑن لئی ارائیں لے کے آیا سی تے فے ارائیں سب توں زیادہ سندھ وچ ہونے سی ، پنجاب وچ نئی سی ہونے۔

ارائیں جے 1300 سال پہلے محمد بن قاسم نال سندھ آئے سن تے راجہ ڈاھر نال جنگ لڑ کے راجہ ڈاھر نوں شکست دے کے سندھ تے قابض ہو گئے سن تے فے سندھ تے قبضہ وی ارائیں دا ہونا سی نہ کہ عربی بیک گڑاؤنڈ سید تے کردش بیک گڑاؤنڈ بلوچ دا؟

عربی بیک گڑاؤنڈ سید تے کردش بیک گڑاؤنڈ بلوچ وی عراق تے شام چون آکے سندھ تے قبضہ کری بیٹھے نے۔ ارائیں جے 1300 سال پہلے محمد بن قاسم نال سندھ آئے سن تے فے ارائیں دا سوشل تے کلچرل انٹر ایکشن وی عربی بیک گڑاؤنڈ سید تے کردش بیک گڑاؤنڈ بلوچ نال بوھتا ہونا سی نہ کہ پنجابی جٹ ، راجپوت ، گجر ، اعوان تے دوجیاں پنجابی برادریاں نال۔

کی اے ساریاں گلاں ثابت نئیں کردیاں کہ ارائیں ، عرب نئیں پنجابی ای نے؟