پنجابیاں نے 2020 تائیں ' انٹرنیٹ دے ذریعے " پنجابی دھماکہ " کرنا اے۔

پاکستان وچ پنجابی ' وسطی پنجاب وچ وی ریندے نے ' شمالی پنجاب وچ وی ریندے نے ' جنوبی پنجاب وچ وی ریندے نے تے کراچی ' سندھ ' بلوچستان ' خیبر پختونخواہ وچ وی ریندے نے پر وسطی پنجاب دے پنجابی ' جنہاں نوں ماجھے دے پنجابی آکھیا جاندا اے ' اناں دی گل ای وکھری اے۔

وسطی پنجاب دے پنجابی ھون دے کرکے اے ماجھے دے پنجابی چاروں پاسے اوں پنجابیاں دے وچکال وچ نے ' ایس لئی اناں دا سارے پنجابیاں نال تے سارے پنجابیاں دا اناں نال رابطہ تے واسطہ ریندا اے۔ وڈے وڈے شھر وی ماجھے دے علاقے وچ نے تے سوکھے وی ماجھے دے پنجابی ای نے۔ پنجابی زبان دا کتابی لہجہ وی ماجھی ای اے۔ ایس کرکے پنجابی قوم وچ ماجھے دے پنجابی دا کردار وڈے بھرا والا اے۔ جیس دا فرض بن دا اے کہ چھوٹے تے دور رین والے بھراواں دا خیال کرے ' پر ماجھا اپنی ای مستی وچ مست اے۔

ماجھے دے پنجابی دی اردو بولن والے مھاجراں نال یاری دے کرکے ماجھے نوں؛ نہ سارے پنجاب دی فکر اے تے ناں پنجابی زبان دی فکر اے۔ نہ وڈا بھرا ھون دے کرکے چھوٹے بھرواں دی فکر اے تے نہ دور رین والے بھراواں دی فکر اے۔ بس اردو زبان تے پاکستان دی فکر اے۔ لگدا انج اے کہ مھاجراں نال یاری دے کرکے ' اے لاھور نوں لکھنو تے پاکستان نوں اتر پردیش بنان دے چکر وچ اے۔ ایس کرکے ' ایس نوں ایس دا پتہ ای نئیں کہ؛

پنجابیاں دے نال جیڑا سلوک کراچی وچ مھاجر ' سندھ وچ بلوچ ' بلوچستان دے بلوچ علاقے وچ بلوچ ' بلوچستان دے پشتون علاقے وچ پشتون ' خیبر پختونخواہ وچ پختون کر رئے سن تے شمالی پنجاب وچ پٹھاناں کرنا شروع کردتا سی ' ھن جنوبی پنجاب وچ آباد کردستانی بلوچاں ' عربستانی مخدوماں ' قریشیاں ' عباسیاں تے افغانستانی پٹھاناں نے جنوبی پنجاب وچ سرائیکی بن کے جنوبی پنجاب وچ سرائیکی دے ناں نال اک نواں شوشہ کھڑا کرکے ' اناں سرائکیاں وی کرنا شروع کر دتا اے۔ ایہدا 2020 تائیں ری ایکشن بڑا خطرناک ھووے گا۔

اج جیس پنجابی دی عمر 20 توں 40 سال دے اندر اے ' اوہ بڑے غور نال کراچی وچ مھاجر ' سندھ وچ بلوچ ' بلوچستان دے بلوچ علاقے وچ بلوچ ' بلوچستان دے پشتون علاقے وچ پشتون ' خیبر پختونخواہ وچ پختون تے جنوبی پنجاب وچ سرائیکی دے سلوک نوں ویخ وی رئے نے تے بھوگت وی رئے نے۔

ماجھے دے پنجابیاں دے پنجابی زبان دے بجائے صرف اردو تے دھیان دین دے کرکے تے شمالی پنجاب ' جنوبی پنجاب ' کراچی ' سندھ ' بلوچستان ' خیبر پختونخواہ وچ رین والے پنجابی نال سانجھ نہ ودھان دے کرکے ایہہ سب کجھ ھو ریا اے۔

ماجھے دے پنجابیاں کدے وی نئیں سوچیا کہ کراچی وچ مھاجر ' سندھ وچ بلوچ ' بلوچستان دے بلوچ علاقے وچ بلوچ ' بلوچستان دے پشتون علاقے وچ پشتون ' خیبر پختونخواہ وچ پختون ' شمالی پنجاب وچ پٹھان تے جنوبی پنجاب وچ سرائیکی ' اوتھے رین والے پنجابیاں نال کر کی رئے نے؟

ماجھے دا پنجابی بھاویں ھجے وی راہ تے نہ آوے تے کراچی ' سندھ ' بلوچستان ' خیبر پختونخواہ ' شمالی پنجاب تے جنوبی پنجاب دے پنجابیاں دا خیال نہ کرے  تے نہ اناں لئی واج چکے پر ھن کراچی ' سندھ ' بلوچستان ' خیبر پختونخواہ ' شمالی پنجاب تے جنوبی پنجاب دا پنجابی ' گالاں کھا کھا کے ' نا انصافیاں برداشت کر کر کے ' ظلم سہہ سہہ کے ' ھمت وی پھڑدا جا ریا اے  تے آپس وچ رابطے ودھا کے کٹھا وی ھوندا جا ریا اے  تے تگڑا وی ھوندا جا ریا اے۔

پاکستان بنن توں  لے  کے ای پرنٹ  تے الیکٹرونک میڈیا “اردو بولنے والی مھاجر مافیا” دے کنٹرول وچ رئے نے۔ ایس کر کے پرنٹ تے الیکٹرونک میڈیا تے پنجابی قوم پرستی تے پنجابیاں دے مسئلیاں دی گل کرن دی کدی وی اجازت نئیں دتی گئی۔ جیس دے کر کے کراچی ' سندھ ' بلوچستان ' خیبر پختونخواہ ' شمالی پنجاب تے جنوبی پنجاب دے پنجابیاں دے سینیاں وچ بھانبھڑ مچے ھوئے نے۔

کراچی ' سندھ ' بلوچستان ' خیبر پختونخواہ ' شمالی پنجاب تے جنوبی پنجاب دے پنجابی وی 72 سالاں توں پنجاب تے پنجابیاں دے نال ھون‌ والے ظلم تے زیادتیاں نوں سنانا چاندے نے۔ پنجاب تے پنجابیاں دے حقاں واسطے کجھ کرنا چاندے نے۔ ایس لئی 2020 تائیں ' انٹرنیٹ دے ذریعے ' جتھے مھاجر مافیا دا کنٹرول نئیں ' انہاں کراچی ' سندھ ' بلوچستان ' خیبر پختونخواہ ' شمالی پنجاب تے جنوبی پنجاب دے پنجابیاں نے ھم خیال ھو جانا اے تے پروگرام بنا کے اوہ " پنجابی دھماکہ " کرنا اے کہ مھاجر ' بلوچ ' پشتون ' پختون ' پٹھان تے سرائیکی ' نسلاں تک یاد رکھن گے۔

ھجے وی ویلا اے کہ؛ کراچی ' سندھ ' بلوچستان ' خیبر پختونخواہ ' شمالی پنجاب تے جنوبی پنجاب وچ پنجابیاں نوں کندھ نال نہ لایا جائے۔ دوجے درجے دا شھری نہ بنایا جائے۔ نالے ماجھے دا پنجابی وی ھن تے کجھ عقل نوں ھتھ مار لے۔ نئیں تے ' رگڑیا اوھناں وی جانا اے۔ کیوں کہ کراچی ' سندھ ' بلوچستان ' خیبر پختونخواہ ' شمالی پنجاب تے جنوبی پنجاب دے پنجابی نوں ھن آپس وچ رابطہ کرکے ' اپنے مستقبل دا پروگرام بنان توں کوئی روک نئیں سکدا تے ماجھے دے پنجابی دا آسرا ھن انہاں کرنا نئیں۔ کیوں کہ؛ ماجھے دے پنجابی تے اردو بولن والے مھاجر دی یاری ' کراچی ' سندھ ' بلوچستان ' خیبر پختونخواہ ' شمالی پنجاب تے جنوبی پنجاب دے پنجابی نوں " بڑی مہنگی پئی " تے ھن وی پے رئی اے۔