پنجابیاں نوں "قومی سطح دا پنجابی لیڈر" ملنا بہت اوکھی گل اے۔ کیوں کہ؛ پنجابیاں دے مزاج دے مطابق پنجابی لئی لیڈر او ھوندا اے جیہڑا اناں دے ذاتی ' علاقے تے برادری دے کم کرے پر صلاح اوس لیڈر نوں پنجابی دین۔
ایس لئی او لیڈر پنجابیاں دی آں صلاحاں من کے پنجابیاں دی آں خواھشاں اتے وی کم کردا رووے تے پنجابیاں لئی وی کم کردا رووے۔ ایس طران دا لیڈر "مقامی سطح دا لیڈر" ھوندا اے۔
جد کہ پٹھاناں ' بلوچاں ' ھندوستانی مھاجراں تے سندھیاں لئی "قومی سطح دا لیڈر" او ھوندا اے؛
1۔ جیہڑا اناں نوں انہاں دی سماجی عزت ' انتظامی بالادستی ' معاشی خوشحالی ' اقتصادی ترقی لئی پروگرام دووے۔
2۔ او اوس لیڈر دی صلاح من کے لیڈر دے پروگرام اتے وی کم کردے رین تے لیڈر لئی وی کم کردے رین۔
ایس لئی پنجابیاں کول "مقامی سطح دے لیڈر" تے ھوندے نے پر "قومی سطح" دا تے کی "صوبائی سطح" دا وی لیڈر نئیں ھوندا۔ پنجابی لیڈر نوں چونکہ؛
1۔ پنجابی لوکاں دے ذاتی ' علاقے تے برادری دے کم کرنے پیندے نے۔
2۔ جناں پنجابیاں دا او لیڈر ھوندا اے ' اناں نوں گائیڈ کرن دے بجائے الٹا اناں پنجابیاں دی صلاح من کے اناں پنجابیاں دی آں خواھشاں اتے چلنا وی پیندا اے۔
3۔ ایس لئی اوس دا نہ اپنا کوئی "سیاسی نظریہ" ھوندا اے تے نہ کوئی "سیاسی سوچ" ھوندی اے۔
4۔ ایس لئی اوس کول پنجابیاں دی سماجی عزت ' انتظامی بالادستی ' معاشی خوشحالی ' اقتصادی ترقی لئی پروگرام وی نئیں ھوندا۔
5۔ ایس کرکے لوکان دے ذاتی ' علاقے تے برادری دے کم کرن لئی کسے پنجاب توں بار دے "قومی سطح" دے لیڈر دی "دلالی" کرنی پیندی اے۔ تاکہ اوس نوں "قومی سطح" تے اقتدار وچ لے آ کے اوس دے نامزد لیڈر نوں پنجاب دا "صوبائی اقتدار" دوا کے اپنے تے اناں لوکان دے ذاتی ' علاقے تے برادری دے کم کر سکے جناں دا او لیڈر اے۔
ایس دی وجہ 1022 توں پنجاب اتے شروع ھون والی محود غزنوی توں لے کے مہاراجہ رنجییت سنگھ دے دور تک دی 777 سال تائیں رین والی "بار دے حکمراناں" دی حکمرانی اے۔
جیہڑی مہاراجہ رنجییت سنگھ دے دور توں بعد "انگریزاں دی حکمرانی" دے کرکے فے شروع ھوگئی سی تے 1947 وچ پاکستان دے بن جان دے بعد وی "پنجابی ذھن" دی اپنے ذاتی ' علاقے تے برادری دے کماں تک محدود رین تے "قومی سطح" دے معاملے آں لئی "بار دے حکمراناں" دی حکمرانی تے غلامی دی عادت دے ختم نہ ھون دے کرکے ھجے تک جاری اے۔
ایس کر کے ای مہاراجہ رنجییت سنگھ توں بعد وی پنجابی ھن تائیں کوئی "قومی سطح دا پنجابی" لیڈر نئیں بنا سکے۔
No comments:
Post a Comment