Wednesday, 11 November 2015

مسلمان پنجابی دے سیاسی طور تے مظبوط ھون نال کی ھووے گا؟

پاکستان وچ 12٪ سندھی ' 8٪ پٹھان ' 4٪ بلوچ ' 8٪ اردو بولن والے ھندوستانی مھاجر  تے 8٪ دیگر دے مقابلے ' پاکستان دی سب توں وڈی لسانی آبادی 60٪ پنجابی دی اے۔ جد کہ پاکستان دی 80٪ آبادی پنجابی زبان بولنا جاندی اے۔

مسلم امہ وچ 20٪ عربی زبان بولن والیاں تے 9٪ بنگالی زبان بولن والیاں توں بعد تیسری وڈی لسانی آبادی 7٪ پنجابی زبان بولن والے مسلمان پنجابی دی اے۔

جنوبی ایشیا وچ ھندی زبان بولن والے ھندوستانیاں تے بنگالی زبان بولن والے بنگالیاں توں بعد تیسری وڈی آبادی پنجابی زبان بولن والے پنجابیاں دی اے۔

دنیا وچ پہلے نمبر تے 935 ملین چینی ' دوجے نمبر تے 387 ملین اسپینی ' تیجے نمبر تے 365 ملین انگریزی ' چوتھے نمبر تے 295 ملین ھندی ' پنچویں نمبر تے 280 ملین عربی ' چھیویں نمبر تے 204 ملین پرتگیزی ' ستویں نمبر تے 202 ملین بنگالی ' اٹھویں نمبر تے 160 ملین روسی ' زبان بولن والیاں توں بعد نویں نمبر تے وڈی لسانی آبادی 130 ملین پنجابی زبان بولن والیاں دی اے۔

پنجابی قوم وچ 4٪ عیسائی پنجابی ' 14٪ سکھ پنجابی ' 26٪ ھندو پنجابی دے مقابلے ' سب توں وڈی آبادی 56٪ مسلمان پنجابی دی اے۔

مسلمان پنجابیاں وچ قومپرستی بوھت تیزی نال ودھ رئی اے۔ ایس لئی پاکستان دے مسلمان پنجابی چاھندے نے کہ؛ ھر پنجابی ' پنجابی بولے۔ پنجاب دی تعلیمی زبان پنجابی ھووے۔ پنجاب دی سرکاری زبان پنجابی ھووے۔ پنجاب دے دفتراں تے پنجاب دی اسمبلی وچ پنجابی زبان وچ گل کیتی جاوے۔ ھر پنجابی سیاستدان ' پنجابیاں دے سماجی ' پنجاب دے معاشی ' پنجاب تے پنجابیاں دے سیاسی حق دی گل کرے۔ پر اے کم سیاست دا اے تے پاکستان دے مسلمان پنجابی نے ھجے تک سیاست دے شعبے وچ اپنے آپ نوں مضبوط نئیں کیتا۔

پاکستان دے مسلمان پنجابی نے ذراعت ' ھنرمندی ' تجارت ' صنعت ' سول بیوروکریسی تے ملٹری بیوروکریسی دے شعبے وچ مھارت حاصل کرکے اپنے آپ نوں مضبوط کیتا اے تے صحافت دے شعبے وچ مھارت حاصل کرکے اپنے آپ نوں مضبوط کر ریا اے۔ سیاست دے شعبے وچ ھجے تک پاکستان دے مسلمان پنجابی نے مھارت حاصل نئیں کیتی۔ ایس لئی ھجے تک سیاست دے شعبے وچ پاکستان دا مسلمان پنجابی مضبوط نئیں اے۔

ذراعت ' ھنرمندی ' تجارت ' صنعت ' سول بیوروکریسی تے ملٹری بیوروکریسی دے شعبے دا تجربہ رکھن والے پاکستان دے مسلمان پنجابی سیاسی ذھن ای نئیں رکھدے۔ ایس لئی جد سیاست کردے نے تے سیاست دے ناں تے کاروبار کردے نے یا فے نوکری ای کردے نے۔ ایس لئی نہ پنجاباں دے سماجی ' پنجاب دے معاشی ' پنجاب تے پنجابیاں دے سیاسی حق دی گل کرے نے۔ نہ پنجاب دی تعلیمی زبان پنجابی کرن دی گل کردے نے۔ نہ پنجاب دی سرکاری زبان پنجابی کرن دی گل کردے نے۔ نہ آپ وی پنجاب دے دفتراں تے پنجاب دی اسمبلی وچ پنجابی زبان وچ گل کردے نے۔

سیاسی ذھن نہ ھون دے کرکے ' سیاسی سوچ نہ ھون دے کرکے ' سیاسی حکمت عملی نہ ھون دے کرکے ' غیر سیاسی ذھن والے پاکستان دے مسلمان پنجابی ' سیاست کرن لئی ' سیاسی اثر و رسوخ حاصل کرن لئی 'مال خرچ کردے نے یا فے برادری تے علاقے دی بنیاد تے ووٹ لیندے نے تے پنجابی قوم نوں برادریاں تے علاقیاں وچ ونڈدے نے۔

قومپرست پنجابیاں دے مشن نوں جے منزل تائیں پہنچانا اے کہ؛ پاکستان دا ھر مسلمان پنجابی ' پنجابی بولے۔ پنجاب دی تعلیمی زبان پنجابی ھووے۔ پنجاب دی سرکاری زبان پنجابی ھووے۔ پنجاب دے دفتراں تے پنجاب دی اسمبلی وچ پنجابی زبان وچ گل کیتی جاوے۔ پاکستان دا ھر مسلمان پنجابی سیاستدان ' پنجابیاں دے سماجی ' پنجاب دے معاشی ' پنجاب تے پنجابیاں دے سیاسی حق دی گل کرے۔ تے فے جیس طراں پاکستان دے مسلمان پنجابی نے ذراعت ' ھنرمندی ' تجارت ' صنعت ' سول بیوروکریسی تے ملٹری بیوروکریسی دے شعبے وچ مھارت حاصل کرکے اپنے آپ نوں مضبوط کیتا اے تے صحافت دے شعبے وچ مھارت حاصل کرکے اپنے آپ نوں مضبوط کر ریا اے۔ اوسے طراں سیاست دے شعبے وچ وی مھارت حاصل کرکے سیاست دے شعبے وچ وی پاکستان دے مسلمان پنجابی نوں مضبوط ھونا پینا اے۔

پاکستان دی سب توں وڈی لسانی آبادی ' پاکستان دے 60٪ مسلمان پنجابی دے سیاسی طور تے مظبوط ھون دا مطلب؛

پاکستان دا مضبوط ھونا اے۔

مسلم امہ دا مضبوط ھونا اے۔

پنج دریاواں دی دھرتی تے رین والی پنجابی قوم دا مضبوط ھونا اے۔

انڈس ویلی سیویلیزیشن دی سب توں وڈی آبادی پنجابی قوم دا مضبوط ھونا اے۔

جنوبی ایشیا دی تیسری وڈی آبادی پنجابی قوم دا مضبوط ھونا اے۔

دنیا دی نویں وڈی آبادی پنجابی قوم دا مضبوط ھونا اے۔