پنجابی
قوم دی سماجی عزت ' انتظامی خدمت ' معاشی خوشحالی اودوں ھووے گی جد پنجابیاں کول
آگو ھون گے تے اناں آگوآں کول پنجابی قوم دی سماجی عزت ' انتظامی خدمت ' معاشی
خوشحالی لئی پروگرام ھووے گا۔ کیونکہ عوام دی اکثریت دے ھتھ وس کجھ نئیں ھوندا۔ جے
اکثریت دے ھتھ وس کجھ ھوندا ھوندا تے فے چھوٹے چھوٹے ٹولے کدے وی اکثریت نوں غلام
بناکے اناں تے حکمرانی نہ کردے۔
اکثریت
تے بھیڈاں ' بکریاں وانگ ھوندی اے۔ جیہڑی اپنے آگو پچھے چلدی اے۔ جے اجڑ وچ آگو نہ
ھووے تے اجڑ کھلر جاندا اے۔ جے آگو ھووے پر اوس کول پروگرام نہ ھووے تے فے اجڑ
کھلر دا تے نئیں پر منزل تے وی نئیں اوپڑدا۔ پنجابیاں دی مثال وی اوس اجڑ وانگوں
اے۔ جیس وچ آگو نئیں اے۔ جے کوئی آگو بندا وی اے تے اوس کول پنجابی قوم دی سماجی
عزت ' انتظامی خدمت ' معاشی خوشحالی لئی پروگرام نئیں ھوندا۔
پاکستان
دے بنن توں لے کے پنجاب چوں آگو بن کے پنجاب دے او لوکی اگے آندے رئے جیہڑے پنجاب
وچ رین والے تے سن پر پنجاب تے حملہ آور ھون یا قبضہ کرن والے آں دی اولاد چوں سن۔
ایس لئی عام پنجابی دے انہاں نوں پنجابی منن تے پنجابی سمجھن دے باوجود اناں وچ
پنجابیت نئیں سی۔ ایس لئی اناں دی نیت پنجابی قوم دی سماجی عزت ' انتظامی خدمت '
معاشی خوشحالی دے بجائے پنجابیاں تے حکمرانی کرن تے پنجاب نوں لٹن دی ای رئی۔
پاکستان دے بنن توں لے کے پنجاب توں باروں آکے پنجابیاں دے آگو بن جان والے آں دی گل نہ وی کیتی جاوے پر اے حساب تے لا لے آ جاوے کہ؛ پنجاب وچ رین والے آں چوں پنجابی قوم دے آگو بنن یا پنجاب دے حکمراں بنن والے آں چوں کنے پنجاب تے حملہ آور ھون یا قبضہ کرن والے
آں دی اولاد چوں سن تے کنے او پنجابی سن جیہڑے پنجاب تے حملہ آور ھون یا قبضہ کرن
والے آں دی اولاد چوں نئیں سن؟
No comments:
Post a Comment