Tuesday, 23 May 2017

الیکشن 2018 بارے آصف زرداری دا خیال یا خواب کی اے؟

سندھ تے کراچی دی 61 سیٹاں چوں؛
40 سیٹاں سندھ چوں سندھیاں دی پارٹی پی پی پی لووے۔
20 سیٹاں کراچی چوں مھاجراں دی پارٹی ایم کیو ایم لووے۔

پنجاب دی 150 سیٹاں چوں؛
20 سیٹاں پنجاب چوں سندھیاں دی پارٹی پی پی پی لووے۔
25 سیٹاں پنجاب چوں پٹھاناں دی پارٹی پی ٹی آئی لووے۔

کے پی کے تے فاٹا دی 47 سیٹاں چوں؛
25 سیٹاں کے پی کے تے فاٹا چوں پٹھاناں دی پارٹی پی ٹی آئی لووے۔
10 سیٹاں کے پی کے تے فاٹا چوں سندھیاں دی پارٹی پی پی پی لووے۔

ایس طراں 140 سیٹاں ھو جان گیاں۔

بلوچستان دیاں 14 سیٹاں نوں گھاٹے وادھے لئی چھڈ دتا جاوے۔

وفاقی حکومت بنان لئی 137 سیٹاں دی لوڑ ھونی اے۔ جد کہ سندھیاں دی پارٹی پی پی پی کول 70 سیٹاں ھون گیاں۔ مھاجراں دی پارٹی ایم کیو ایم دیاں 20 سیٹاں وی آصف زرداری دے ھتھ ای رین گیاں۔ ایس طراں آصف زرداری دے کول قومی اسمبلی دیاں 90 سیٹاں ھون گیاں۔

پٹھاناں دی پارٹی پی ٹی آئی کول 50 سیٹاں ھون گیاں۔ ایس لئی پٹھاناں دی پارٹی پی ٹی آئی وی آصف زرداری دے نال رل جاوے گی تے 2018 وچ آصف زرداری سندھیاں ' مھاجراں تے پٹھاناں نوں رلا کے پاکستان دی وفاقی حکومت بنا لووے گا۔

بس وفاق ھتھ آجاوے ' فے سندھی ' مھاجر تے پٹھان رل کے پنجاب تے پنجابیاں دے وٹ کڈھن گے۔ ایس واری پنجاب دے ٹوٹے کرن لئی جنوبی پنجاب وچ سرئیکی صوبہ ھر حال وچ بنوا دتا جاوے گا بلکہ شمالی پنجاب وچ ھندکو صوبہ وی بنایا جاووے گا۔ اے آصف زرداری دا پتہ نئیں خیال اے کہ خواب اے؟