پنجاب وچ عمران خان نوں سپورٹ کرن والے کون نے؟

پنجاب دی آبادی 11 کروڑ اے۔ ایس چوں 22 لکھ پٹھان نے تے 54 لکھ اردو بولنے والے ھندوستانی نے جنہاں چوں 90٪ فیصل آباد توں لے کے راولپنڈی دے وڈے وڈے شھراں وچ ریندے نے۔ جد کہ اسلام آباد وچ وی 20 لکھ دی آبادی چوں 4 لکھ پٹھان تے ڈھائی لکھ اردو بولنے والے ھندوستانی نے۔ اے ملاکے کل ساڈھے 82 لکھ بن جاندے نے۔

پنجاب دی سماجی تے سیاسی زندگی صدیاں توں برادریاں دی بنیاد تے متحرک رھندی آئی اے۔ پنجاب دی 10 برادریاں چوں ارائیں ‘ اعوان ‘ جٹ ‘ راجپوت ’ کشمیری ‘ گجر تے شیخ برادریاں پنجاب تے پنجابی قوم دی آں وڈیاں برادریاں نے جیہڑیاں کہ پنجاب دی آبادی دا 75 % نے۔ جد کہ پنجابی بولن والی افغان یا پٹھان ‘ بلوچ تے ھندوستانی مھاجر برادریاں وی پنجاب وچ ریندیاں نے جیہڑیاں مختلف ادوار وچ پنجاب تے حملہ آور ھوکے پنجاب تے قابض ھون والیاں یا پنجاب وچ نقل مکانی کرکے آن والیاں دی آں اولاداں نے تے اے پنجاب دی آبادی دا 15 % نے۔ اناں توں علاوہ پنجاب دی آبادی دا 10 % دوسری چھوٹی چھوٹی برادریاں نے جنہاں چوں افغانی ' ایرانی تے عراقی نزاد برادیاں وی شامل نے جیہڑیاں ھن پنجابی قوم دا حصہ بن چکیاں نے۔

پنجاب وچ پٹھاناں دا تے فے وی پتہ لگ جاندا اے کہ؛ اے پٹھان نے پر اردو بولنے والے ھندوستانیاں دا تے پتہ ای نئیں لگدا کہ؛ اے اردو بولنے والے ھندوستانی نے یا پنجابی نے۔ اناں پٹھاناں تے اردو بولنے والے ھندوستانیاں نے کجھ سیاسی شعور نہ رکھن والے یا ذاتی مفاد رکھن والے پنجابی وی اپنے نال رلائے ھوئے نے۔ جد کہ افغانی ‘ ایرانی’ عراقی نزاد پنجابیاں دی اکثریت تے آپ ای دامے ' درمے ' سخنے انہاں دے نال اے۔ ایس طراں اے 1 کروڑ 50 لکھ جنے بن جاندے نے۔ جیہڑے پچھلے 5 سال تو فیصل آباد توں لے کے اسلام آباد تائیں عمران خان تے پی ٹی آئی لئی ورک کردے رئے تے جلوس کڈھدے رئے نے۔

پی ٹی آئی دے پنجاب وچ ھون والے جلسے وی اے 1 کروڑ 50 لکھ جنے ای کردے رئے نے۔ ایس لئی ای پی ٹی آئی دے جلسیاں وچ عمران خان بھاویں پنجاب نوں ونڈن دی آں گلاں کردا رے آ ھووے یا پنجابی قوم دے تے پنجاب دے مفاد دے خلاف تقریراں کردا رے آ ھووے ' اے پٹھان ' اردو بولنے والے ھندوستانی ' سیاسی شعور نہ رکھن والے یا ذاتی مفاد رکھن والے پنجابی تے افغانی ‘ ایرانی’ عراقی نزاد پنجابی تالیاں وجاندے رئے تے تے عمران خان دی آں تقریراں دی حمایت کردے رئے نے۔

اردو بولنے والے ھندوستانیاں دا تے افغانی ‘ ایرانی’ عراقی نزاد پنجابیاں دا پنجاب دے ھر وڈے شھر وچ سیاست ' صحافت ' سرکاری دفتراں ' پرائیویٹ دفتراں ' اسکولاں ' کالجاں ' یونیورسٹاں ' مدرسے آں تے مذھبی تنظیماں وچ چنگا بھلا کنٹرول اے تے پنجابیاں دی ذھن سازی وچ اے اردو بولنے والے ھندوستانی تے ایرانی' افغانی' ازبک' عراقی نزاد پنجابی ای وڈا کردار ادا کردے نے تے اناں نے ای پچھلے 5 سالاں توں عمران خان تے پی ٹی آئی دی حمایت لئی پنجابیاں دا ذھن بنان لئی نالے نواز شریف تے ن لیگ دے خلاف پنجابیاں دا ذھن خراب کرن لئی پروپیگنڈہ کرکے اپنا کردار ادا کیتا اے۔