پاکستان وچ پنجابی قوم پرست سیاسی پارٹی کدوں بنے گی؟

سیاست دا کھیل تن طراں دے بندے کھیل سکدے نے تے باقی تماشبین یا رولا پان والے ھوندے نے۔

سیاست دا کھیل؛

1۔ اک تے او کھیل سکدے نے جنہاں نوں سیاسی پروگرام بنانا آندا ھووے۔

2۔ دوجے او کھیل سکدے نے جنہاں نوں بنائے گئے سیاسی پروگرام تے عمل کروانا آندا ھووے۔

3۔ تیجے او کھیل سکدے نے جنہاں دا عوام نال رابطہ ھووے تے او بنائے گئے کسے سیاسی پروگرام دے اتے عوام نوں کٹھا کر سکن۔

سیاسی پروگرام بنان والے ' بنائے گئے سیاسی پروگرام تے عمل کروان والے ' عوام نال رابطے والے ' کٹھے ھو جان تے سیاسی پارٹی بن جاندے نے۔

جیس سیاسی پارٹی کول جنے چنگے سیاسی پروگرام بنان والے ' بنائے گئے سیاسی پروگرام تے عمل کروان والے ' عوام نال رابطے والے ھون ' او سیاسی پارٹی اونی ای کامیاب ھوندی اے۔

پنجابی قوم پرستی بڑی تیزی نال اگے ودھ رئی اے پر ھجے تک پنجابیاں وچ ایہو جئے قوم پرست بندے تیار نئیں ھوئے جنہاں نوں پنجاب تے پنجابی قوم دے لئی قوم پرستی والا سیاسی پروگرام بنانا آندا ھووے ' جنہاں نوں بنائے گئے سیاسی پروگرام تے عمل کروانا آندا ھووے۔

پنجابیاں وچ ھجے صرف ایہو جئے بندے نے جنہاں دا عوام نال رابطہ اے تے او بنائے گئے کسے سیاسی پروگرام دے اتے عوام نوں کٹھا کر سکدے نے۔

ایس لئی ھجے پنجابی قوم پرست سیاسی پارٹی دے بنن دی کوئی امید نئیں اے پر 2020 تک سیاسی پروگرام بنان والے ' بنائے گئے سیاسی پروگرام تے عمل کروان والے بندے تیار ھو جانے نے تے فے پنجابی قوم پرست سیاسی پارٹی وی بن جانی اے۔