Saturday, 8 October 2016

پنجاب گریٹ پنجابی نیشن دی لینڈ اے۔

پنجابی اک قوم اے۔
پنجاب پنجابیاں دا دیش اے۔
پنجابی پنجابیاں دی زباں اے۔
پنجابی رسم رواج پنجابیاں دی شان اے۔
دھرم ھر کسے دا اپنا تے اوس دے رب دا معاملہ ا اے۔

پنجابیاں نے ناشکری کیتی۔
دیش پنجاب دی زمین وچ فساد کیتا۔
دیش تے دھرم وچ فرق نہ رکھ سکے۔
دھرم تے پتہ نئیں عمل کردے وی نے کہ نئیں۔
پر دیش ونڈوا بیٹھے ' وچھوڑے پا بیٹھے۔

پنجابی اج پاکستان وچ اردو تے انڈیا وچ ھندی والے آں دے ھتھوں۔
جناں دے ھتھ چڑھ کے اناں پنجابیاں نے پنجاب نوں ٹوٹے ٹوٹے کر چھڈیا؛
اناں دی زبان بولن تے مجبور ھو کے آپ “گونگے” بنے ھوئے نے۔
اج اناں دی غلامی وی کر رئے نے تے؛
اناں اردو تے ھندی بولن والے آں دے ھتھوں بے عزتی وی کراندے ریندے نے۔
اناں دے طعنے وی سندے ریندے نے تے ٹوکاں وی کھاندے ریندے نے۔

مینوں تے اے وی سمجھ نئیں آندہ کہ؛
اے پنجابی 69 وریاں توں ھجے تک؛
اناں اردو تے ھندی والے آں ولوں جنگ وی کیوں کردے نے؟
آپ مردے نے۔
دیش پنجاب دی پاک زمین تے؛
پنجابی خون دیاں ندیاں وگاندے نے۔
پر انا اردو تے ھندی والے آں نوں بچاندے نے۔

گریٹ پنجابی نیشن دی لینڈ پنجاب اے۔
دلی توں لے کے پشاور تے کشمیر توں لے کے کراچی تک دا علاقہ پنجاب اے۔
ایس علاقہ نوں انڈس ویلی سویلائزیشن دا علاقہ وی آکھیا جاندا ریا اے۔
انڈس ویلی سویلائزیشن دے علاقہ نوں ڈیولپ کرن لائی پنجابی اسٹیٹ بنانا ضروری اے۔

پاکستان وچ پنجاب دا جیہڑا علاقہ اے؛
اصل پنجاب اے ای اے۔
اے پنجاب دا جسم اے۔
راجہ پورس وی پنجاب دے ایس علاقے دا سی۔
راجہ جے پال وی پنجاب دے ایس علاقے دا سی۔
مھاراجہ رنجیت سنگھ وی پنجاب دے ایس علاقے دا سی۔
دلا بھٹی وی پنجاب دے ایس علاقے دا سی۔
بھگت سنگھ وی پنجاب دے ایس علاقے دا سی۔
رائے احمد کھرل وی پنجاب دے ایس علاقے دا سی۔
سر گنگا رام وی پنجاب دے ایس علاقے دا سی۔
بابا فرید وی پنجاب دے ایس علاقے دا سی۔
شاہ حسین وی پنجاب دے ایس علاقے دا سی۔
وارث شاہ وی پنجاب دے ایس علاقے دا سی۔
بابا نانک وی پنجاب دے ایس علاقے دا سی۔
بابا بلھا وی پنجاب دے ایس علاقے دا سی۔
سلطان باھو وی پنجاب دے ایس علاقے دا سی۔
میاں محمد بخش وی پنجاب دے ایس علاقے دا سی۔
خواجہ غلام فرید وی پنجاب دے ایس علاقے دا سی۔

پاکستان وی تے اصل وچ پنجابی ملک ای اے۔
پنجاب تے انج ای پنجابی علاقہ ای اے۔
خیبر پختونخواہ وی پنجابیاں تے افغانستانیاں دا ملیا جلیا علاقہ اے۔
سندھ دی وی دوجی وڈی آبادی پنجابی ای اے۔
کراچی دی دوجی وڈی آبادی وی پنجابی ای اے۔
بلوچستان دی آبادی انج ای بہت گھٹ اے۔ ایس لائی بلوچستان نوں وی آباد پنجابیاں ای کرنا اے۔