وسطی پنجاب دا پنجابی "علاقہ پرستی" یا "قوم پرستی" چوں اک دا چناؤ کرلے

قوم پرستی اوتھے وادھا ماردی اے جتھے مقابلہ ھووے۔ پنجاب وچ جد تک پنجابی قوم دا دوجی قوم نال مقابلہ نئیں ھووے گا۔ اودوں تائیں پنجاب وچ پنجابی قوم پرستی وادھا نئیں مارے گی۔ پنجاب وچ پنجابی قوم دا مقابلہ جنوبی پنجاب وچ بلوچاں تے عربی نزاداں نال اے۔ جیہڑے اپنے آپ نوں سرائیکی اکھواندے نے۔ جد کہ پنجابی قوم دا شمالی پنجاب وچ مقابلہ پٹھاناں نال اے۔ جیہڑے ھزارہ وال پنجابی دی زمین تے قبضہ کری بیٹھے نے تے ھن پہاڑی پنجابی تے پوٹھاری پنجابی دی زمین تے قابض ھو رئے نے۔

پنجاب دی گل کرنا علاقہ پرستی ((Regionalism اے۔ پنجابیاں دی گل کرنا قوم پرستی ((Nationalism اے۔ علاقہ پرستی ((Regionalism دی بنیاد تے پنجاب وچ ریہن والے پٹھاناں ' بلوچاں ' ھندوستانی مھاجراں نوں پنجابی مننا پووے گا۔ جد کہ خیبر پختونخوا وچ ریہن والے پنجابیاں نوں پٹھان مننا پووے گا۔ بلوچستان وچ ریہن والے پنجابیاں نوں بلوچ مننا پووے گا۔ کراچی وچ ریہن والے پنجابیاں نوں مھاجر مننا پووے گا۔ سندھ وچ ریہن والے پنجابیاں نوں سندھی مننا پووے گا۔

وسطی پنجاب دے پنجابی جد تک قوم پرستی ((Nationalism دے بجائے علاقہ پرستی ((Regionalism دی گل کردے ریہن گے۔ اودوں تک برادریاں دی بنیاد تے آپس وچ مد مقابل ریہن گے۔ جدکہ پنجاب وچ ریہن والے پٹھاناں نے پٹھان ' بلوچاں نے بلوچ ' ھندوستانی مھاجراں نے مھاجر ای ریہنا اے۔ جنوبی پنجاب وچ ریہن والے بلوچاں تے عربی نزاداں نے سرائیکی ای اکھوانا اے۔ جد کہ خیبر پختونخوا وچ ریہن والے پنجابیاں نوں پٹھان بننا پووے گا۔ بلوچستان وچ ریہن والے پنجابیاں نوں بلوچ بننا پووے گا۔ کراچی وچ ریہن والے پنجابیاں نوں مھاجر بننا پووے گا۔ سندھ وچ ریہن والے پنجابیاں نوں سندھی بننا پووے گا۔

ایس دے نتیجے وچ وسطی پنجاب دا پنجابی ' وسطی پنجاب تک محدود ھو جائے گا۔ اوس توں بعد وسطی پنجاب دے پنجابی دی علاقہ پرستی ((Regionalism دے بجائے قوم پرستی ((Nationalism دی گل کرن دا وی فائدہ نئیں ھونا۔ کیونکہ جنوبی پنجاب وچ ریہن والے بلوچاں تے عربی نزاداں نے سرائیکی بن کے جنوبی پنجاب تے قبضہ کر لینا اے۔ شمالی پنجاب تے پٹھاناں قبضہ کر لینا اے۔ جد کہ خیبر پختونخوا وچ ریہن والے پنجابیاں نے پٹھان ' بلوچستان وچ ریہن والے پنجابیاں نے بلوچ ' کراچی وچ ریہن والے پنجابیاں نے مھاجر تے سندھ وچ ریہن والے پنجابیاں نے سندھی بن چکے ھونا اے۔

وسطی پنجاب دے پنجابی جد تک علاقہ پرستی ((Regionalism یا قوم پرستی ((Nationalism چوں اک گل دا فیصلہ نئیں کرلیندے۔ اوس ویلے تک سندھ ' کراچی ' بلوچستان ' خیبر پختونخوا وچ ریہن والے پنجابیاں نوں وسطی پنجاب دے انہاں پنجابیاں کولوں بچ کے ریہنا چائی دا اے جنہاں دا ((Nationalism دے بجائے ((Regionalism والے پاسے رحجان اے۔ اے ایس کرکے اے کہ؛ انہاں دے سندھ ' کراچی ' بلوچستان ' خیبر پختونخوا وچ نہ رشتے دار نے تے نہ انہاں دا کاروبار اے۔

سندھ ' کراچی ' بلوچستان ' خیبر پختونخوا دے ای نئیں بلکہ جنوبی پنجاب تے شمالی پنجاب وچ ریہن والے پنجابی وی وسطی پنجاب دے انہاں پنجابیاں کولوں وی بچیا کرن جیہڑے لٹ مار کرن لئی سندھ ' کراچی ' بلوچستان ' خیبر پختونخوا ' جنوبی پنجاب تے شمالی پنجاب وچ اپڑے ھوندے نے۔ جدکہ سندھ ' کراچی ' بلوچستان ' خیبر پختونخوا وچ ریہن والے پنجابی آپس وچ رابطے ودھان۔ نالے جنوبی پنجاب تے شمالی پنجاب دے پنجابی نال وی رابطہ رکھن۔