Tuesday, 10 January 2017

پنجابیاں دا پنجاب دی راکھی تے پنجابی قوم دی ترقی تے دھیان کیوں نئیں اے؟

پنجاب وچ 10 وڈیاں برادریاں 1۔ جٹ 2۔ ارائیں 3۔ راجپوت 4۔ گجر 5۔ اعوان 6۔ شیخ 7۔ پٹھان 8۔ بلوچ 9۔ یوپی ' سی پی دے اردو بولنے والے ھندوستانی 10۔ عربی نزاد مخدوم ' جیلانی ' گیلانی ' قریشی ' عباسی وغیرہ نے۔

جٹ ' ارائیں ' راجپوت ' گجر ' اعوان تے شیخ پنجاب دے اصل وارث  تے پنجابی قوم دیاں وڈیاں برادریاں نے۔

پٹھان ' بلوچ ' یوپی ' سی پی دے اردو بولنے والے ھندوستانی تے عربی نزاد مخدوم ' جیلانی ' گیلانی ' قریشی ' عباسی وغیرہ باروں آکے پنجاب تے قابض ھو گئے۔

جٹ ' ارائیں ' راجپوت ' گجر ' اعوان تے شیخ پنجاب دے اصل وارث تے پنجابی قوم دیاں وڈیاں برادریاں ھوکے وی ' آپس وچ سانجھ کرکے ' پنجابی قوم بن کے ' پنجاب دی راکھی تے پنجابی قوم دی ترقی تے دھیان دین دے بجائے برادریآں وچ ونڈ کے آپس وچ ای لڑی جا رئے نے۔

جد کہ؛

شمالی پنجاب تے پٹھان قبضہ کری جارئے تے شمالی پنجاب نوں وی ھندکو پنجابیاں دے علاقے صوبہ سرحد وانگوں پشتون علاقہ بنان وچ لگے ھوئے  نے۔

جنوبی پنجاب تے بلوچ  تے عربی نزاد مخدوم ' جیلانی ' گیلانی ' قریشی ' عباسی وغیرہ نے قبضہ کیتا ھویا اے تے ھن جنوبی پنجاب وچ سرائیکی سازش کرکے جنوبی پنجاب نوں پنجاب توں وکھ کرکے اک نواں صوبہ بنان وچ لگے ھوئے  نے۔

سینٹرل پنجاب دے شھراں تے یوپی ' سی پی دے اردو بولنے والے ھندوستانیاں دا کنٹرول اے  تے اناں یوپی ' سی پی دے اردو بولنے والے ھندوستانیاں  نے سینٹرل پنجاب وچ پنجابی زبان ' پنجابی تہذیب  تے پنجابی ثقافت نوں ختم کرکے اردو زبان ' گنگا جمنا دی تہذیب  تے لکھنو دی ثقافت دا قبضہ کرواکے سینٹرل پنجاب نوں پنجاب دے بجائے اتر پردیش ورگا بنا چھڈیا اے۔

پنجابی قوم کی آپ برادریآں وچ ونڈ کے آپس وچ ای لڑنا تے سارے پنجاب  تے پٹھاناں ' بلوچاں ' عربی نزاد مخدوماں ' جیلانیاں ' گیلانیاں ' قریشیاں ' عباسیاں وغیرہ تے یوپی ' سی پی دے اردو بولنے والے ھندوستانیاں دا قبضہ کروانا چاندی اے؟