Tuesday, 18 April 2017

پنجابی قوم دا وڈا مسئلہ کی اے؟

پنجابی قوم دا وڈا مسئلہ
پنجابی قوم دی آں پنج وڈیاں برادریاں
جٹ ' ارائیں ' راجپوت ' گجر ' اعوان دا
آپس وچ ٹکرا کے
اپنی ساری طاقت نوں
آپس وچ ای ضائع کرنا اے۔
جد اناں پنج پنجابی برادریاں نے
آپس وچ ٹکرا کے اپنی طاقت نوں ضائع کرنا بند کر دتا
اودوں پنجابی قوم نے طاقت پھڑ لینی اے
فے پنجابی قوم دی آں دوجیاں برادریاں نے وی
آپس وچ ٹکرانا چھڈ دینا اے
تے پنجابی قوم دی آں ساریاں برادریاں نے
پنجابی قوم بن کے
پنجاب دی اقتصادی تے معاشی ترقی
جد کہ پنجابی قوم دی سماجی تے سیاسی ترقی
واسطے
موڈھے نال موڈھا جوڑ کے زور لان لگ پینا اے
فے پنجابی قوم دی سماجی تے سیاسی ترقی وی ھووے گی
پنجاب دی اقتصادی تے معاشی ترقی وی ھووے گی۔ انشا اللہ