Wednesday 28 October 2015

Punjabi Nationalists Sirf Punjab aur Punjabiyon ki Baat Kyon Kartay Hain?

Kuch loog kehtay hain k, Punjabi Nationalists, Punjab aur Punjabiyon ki baat kyon kartay hain, Pakistan ki baat kyon nahi kartay?

Punjabi Nationalists ki struggle Punjab aur Punjabiyon k social, economic, political rights aur stability k liay hy aur Punjabi Nationalists ka target wo loog hain jo Anti-Punjab aur Anti-Punjabi hain.

Pakistan k maamlaat Pakistan ki government aur Pakistan level ki political parties ka kaam bunta hy. Jo Punjabi, Sindhi, Pathan, Baloch, Urdu Speaking Hindustani Muhajir, Pakistan level ki political parties mein hain, wo jaanein aur Pakistan k maamlaat.

Punjabi Nationalists tu sirf Punjab aur Punjabiyon k social, economic, political rights aur stability k liay he time aur talent devote kar saktay hain. Zahir hy jis ki jitni ability aur capacity hogi wo utna he kaam karay ga.

Waisay, Punjabi nationalist nay tu abhi Punjabi Nationalism ka kaam shoro kiya hy laykun jo Sindhi, Pathan, Baloch, Urdu Speaking Hindustani Muhajir itnay arsay say Sindhi, Pathan, Baloch, Urdu Speaking Hindustani Muhajir Nationalism k naaray laga rahay thay, un ko kya kabhi kissi nay kaha k wo Sindhi, Pathan, Baloch, Urdu Speaking Hindustani Muhajir ki baat kyon kartay hain, Pakistan ki baat kyon nahi kartay?

No comments:

Post a Comment