Punjabi Qoom Parast Aur Social Media.

Punjabi Qoom Parast baray arsay say apnay vichaar apnay seenon mein liay phir rahay thay. Aam Muhajir, Sindhi, Pathan, Baloch, jo kuch aaj kul Social Media par keh rahay hain, yeh he Print aur Electronic Media mein bhe kehtay rehtay hain.

 Print aur Electronic Media mein Punjabion par ilzaam tu lagaay jatay hain laykun Muhajir, Sindhi, Pathan, Baloch in lagaay jaanay waalay ilzaamaat ka jawab sunna pasand nahi kartay. Durassal, Muhajir, Sindhi, Pathan, Baloch k nazdeek yeh baat "Take it Granted" hy k Punjabi Saamaaj hy, Punjabi Zalim hy, Punjabi Ghaasib hy, Punjabi Chauvinist hy, Punjabi Pakistan k bunnay say laykar, Muhajir, Sindhi, Pathan, Baloch ko Loot raha hy, Punjabi yeh hy, Punjabi wo hy.

 Punjabion ko Print aur Electronic Media mein wo facility nahi hy k Muhajir, Sindhi, Pathan, Baloch ko ous k lagaay janay walay ilzaamaat ka jawaab day sakay ya Muhajir, Sindhi, Pathan, Baloch k kartooton k matalq ous andaaz mein baat kar sakay, jis andaaz mein yeh Muhajir, Sindhi, Pathan, Baloch, Print aur Electronic Media mein Punjabion k khalaaf kehtay rehtay hain.

 Ab Social media as a tool Punjabion ko mil gayaa hy es liay Punjabi apnay seenon mein jo ghubaar Muhajir, Sindhi, Pathan, Baloch, k liay laykar phirtay thay wo nikalnay laga hy, balkay like mided Punjabi ab all over world aapas mein interlink bhe hotay ja rahay hain. Es practice mein ab tu rooz ba rooz boht tayzi say izaafa hota ja raha hy.

 Punjabi Qoom Paraston ki taraf say, Muhajir, Sindhi, Pathan, Baloch, par lagaay janay walay allegations ko aam Punjabi reject nahi kartay, agar aam Punjabi comments na bhe karain tu es ka matlab hy k aam Punjabi ki khamoshi Punjabi Qoom Paraston ki sooch ki taeed ki alaamat hy.

 Jis tayzi say Punjabi es waqt social media par active aur interlink ho rahay hain es ko daykh kar tu lugta hy k saal bhar mein Pakistan k under sub say bari political power in Social Media waalay Nationalist Punjabion nay bun jaana hy. Actually, mental affiliation, physical friendship say ziyaada strong hoti hy.