Thursday, 22 June 2017

آپ میں کونسا کردار ادا کرنے کی صلاحیت ھے؟

آپ حکمراں کو چوھدری کہہ سکتے ھیں۔
آپ انتظامیہ کو منشی کہہ سکتے ھیں۔
آپ میڈیا کو مراثی کہہ سکتے ھیں۔
آپ سیاستدان کو معزز شخص کہہ سکتے ھیں۔

چوھدری کا کام پروگرام بنانا ھوتا ھے۔
منشی کا کام چوھدری کے بنائے گئے پروگرام پر عمل کرنا ھوتا ھے۔
میڈیا کا کام چوھدری کے بنائے گئے پروگرام کا پروپگنڈہ کرنا ھوتا ھے۔
معزز شخص کا کام چوھدری کے بنائے گئے پروگرام کے مطابق عوام کو رام کرنا ھوتا ھے۔

مقامی سطح پر آپنے اپنے علاقے میں چوھدریوں کو دیکھا ھوگا۔
چوھدریوں کے پاس منشی ھوتے ھیں۔ جنہیں آپ انتظامیہ کہہ سکتے ھیں۔
چوھدریوں کے پاس مراثی ھوتے ھیں۔ جنہیں آپ میڈیا کہہ سکتے ھیں۔
چوھدریوں کے پاس محلوں اور برادریوں کے معززین ھوتے ھیں۔ جنہیں آپ سیاستدان کہہ سکتے ھیں۔

آپنے اندازہ لگانا ھو کہ کون سا چوھدری کامیاب چوھدری ھے تو آپ اس چوھدری کے منشیوں ' مراثیوں ' محلوں اور برادریوں کے معززین کی صلاحیوں کو پرکھ لیں۔ آپکو اندازہ ھوجائے گا کہ کونسے چوھدری کے پروگرام پر عمل ھوگا اور کونسے چوھری کی چودھرھٹ نہیں چلنی۔

مقامی سطح کی طرح کچھ ایسے ھی صوبائی اور ملکی سطح پر بھی ھوتا ھے۔ بلکہ بین الاقوامی سطح پر بھی ھوتا ھے۔

بین الاقوامی سطح کے چوھریوں کے پاس ملکی سطح کے منشیوں ' مراثیوں اور معززین کی ٹیم ھوتی ھے۔ اس لیے بین الاقوامی سطح کے چوھریوں کو ملکی سطح کے چوھریوں پر برتری ھوتی ھے۔

ملکی سطح کے چوھریوں کے پاس صوبائی سطح کے منشیوں ' مراثیوں اور معززین کی ٹیم ھوتی ھے۔ اس لیے ملکی سطح کے چوھریوں کو صوبائی سطح کے چوھریوں پر برتری ھوتی ھے۔

صوبائی سطح کے چوھریوں کے پاس مقامی سطح کے منشیوں ' مراثیوں اور معززین کی ٹیم ھوتی ھے۔ اس لیے صوبائی سطح کے چوھریوں کو مقامی سطح کے چوھریوں پر برتری ھوتی ھے۔

مقامی سطح کے چوھریوں کے پاس محلوں اور برادریوں کی سطح کے منشیوں ' مراثیوں اور معززین کی ٹیم ھوتی ھے۔ اس لیے مقامی سطح کے چوھریوں کو عوام پر برتری ھوتی ھے۔

آپ بھی اگر منشیوں ' مراثیوں اور معززین پر مشتمل ٹیم بنا سکتے ھیں تو آپ بھی اس سطح کا چوھدری بننے کی کوشش کریں ' جس سطح کی آپ ٹیم بنا سکتے ھیں۔ لیکن یہ یاد رکھیں کہ؛
چوھدری کا کام پروگرام بنانا ھوتا ھے۔
منشی کا کام چوھدری کے بنائے گئے پروگرام کو سمجھ کر پروگرام پر عمل کرنا ھوتا ھے۔
مراثی کا کام چوھدری کے بنائے گئے پروگرام کو سمجھ کر پروگرام کا پروپگنڈہ کرنا ھوتا ھے۔
معزز کا کام چوھدری کے بنائے گئے پروگرام کو سمجھ کر پروگرام کی عوام سے حمایت کروانا ھوتا ھے۔

اگر آپ سمجھتے ھیں کہ آپ چوھدری تو نہیں بن سکتے لیکن آپ کا شمار منشیوں ' مراثیوں یا معززین میں ھوسکتا ھے تو پھر اس ھی سطح کے چوھدری کی ٹیم کا رکن بننے کی کوشش کریں ' جس سطح کے آپ منشی ' مراثی یا معزز بن سکتے ھیں۔


اگر آپ میں منشی ' مراثی یا معزز بننے کی بھی صلاحیت نہیں ھے یا آپ چوھدری کے بغیر ھی منشی ' مراثی یا معزز کا کردار ادا کر رھے ھیں۔ تو اس کا مطلب ھے کہ آپ بغیر کسی پروگرام کے اپنا وقت ضائع کرکے پریشان ھورھے ھیں۔ اس لیے وقت ضائع کرنے اور پریشان ھونے سے بہتر ھے کہ آپ اپنے گھر اور کاروبار پر دھیان دیں اور چوھدریوں ' منشیوں ' مراثیوں یا معززین کو اپنا کام کرنے دیں۔