Saturday, 8 July 2017

تے پنجابی کٹھے ھون Punjabi Nationalist Forum فیس بک تے

قوم پرستی دا مشن شعور نوں بیدار کیتے بغیر ' ٹیم ورک کیتے بغیر ' قوم پرستاں نوں حکومتی طاقت دوائے بغیر پورا نئیں ھو سکدا۔ ایس لئی؛

پنجابی قوم پرستی دا پہلا مرحلہ پنجابیاں دا پنجاب ' پنجابیاں ' پنجابی زبان ' پنجابی تہذیب ' پنجابی ثقافت بارے شعور ودھانا سی۔ ایس تے پچھلے 5 سال توں کم ھو رے آ سی۔

پنجابی قوم پرستی دا دوسرا مرحلہ اناں پنجابیاں نوں Punjabi Nationalist Forum تے کٹھا کرکے ' جنہاں پنجابیاں دا پنجاب ' پنجابیاں ' پنجابی زبان ' پنجابی تہذیب ' پنجابی ثقافت بارے شعور ودھ چکیا اے ' پنجابی قوم پرستی دا کم کرن لئی Zone بنا کے پنجابی قوم پرستی دا کم کرنا اے۔ ایس تے ھن کم شروع کیتا جا رے آ اے تے 2020 تک کم پورا ھو جاوے گا۔ انشاء اللہ

پنجابی قوم پرستی دا تیسرا مرحلہ پنجابی قوم پرستاں نوں سنیٹر ' قومی اسمبلی دے میمبر ' صوبائی اسمبلی دے میمبر ' وزیر ' مشیر بنوانا تے سرکاری اداریاں وچ ذمہ دار عہدیاں تک اپڑاناں اے۔ ایس تے 2020 توں کم شروع ھووے گا۔ انشاء اللہ

قوم پرست اپنی قوم دا سیاسی شعور ودھاندا اے تاکہ قوم دے حقاں دا دفاع کرن والی سوچ نوں جگائے۔ کیونکہ قوم پرست قوم دے لوکاں ' قوم دی زبان ' قوم دی تہذیب ' قوم دی ثقافت ' قوم دی زمین دے نال محبت کردا اے۔

قوم پرست اپنی قوم دی زمین ' قوم دی ثقافت ' قوم دی تہذیب ' قوم دی زبان ' قوم دے لوکاں دے مفادات دی حفاظت کردا اے۔ ایس لئی قوم پرست ' قوم دے لوکاں ' قوم دی زبان ' قوم دی تہذیب ' قوم دی ثقافت ' قوم دی زمین دے مفاد دے لئے اپنے آپ نوں وقف کر دیندا اے۔

قوم پرست ' قوم دا اک وکیل ھوندا اے۔ ایس لئی قوم پرست اپنی قوم دی زمین ' قوم دی ثقافت ' قوم دی تہذیب ' قوم دی زبان ' قوم دے لوکاں دے حقاں دا دفاع کردا اے۔

پنجابیاں نوں چائی دا اے کہ پنجابی قوم پرستاں دی عزت کریا کرن۔ پنجابی قوم پرستاں دا ھتھ ونڈایا کرن۔ پنجابی قوم پرستاں دا ساتھ دے آ کرن۔

پنجابی قوم پرستی دا کم کرن لئی فیس بک تے 
Punjabi Nationalist Forum بنا کے پاکستان دے 8 Zone بنا کے 5 Zone دے Zonal Orgnizer بنا دتے گئے نے تے 3 Zone دے Zonal Orgnizer ھجے بنانے نے۔

1 . جنوبی پنجاب وچ ھون والی سرائیکی شازش دا علمی طریقے تے سیاسی حکمت عملی نال مقابلہ کرن لئی 
Zonal Orgnizer نے Zia Aslam۔

2 . بلوچستان دے بلوچ علاقے وچ پنجابیاں نال ھون والے ظلم تے زیادتی آں دا علمی طریقے تے سیاسی حکمت عملی نال مقابلہ کرن لئی 
Zonal Orgnizer نے Mansoor Ahmad۔

3 . بلوچستان دے پشتون علاقے وچ پنجابیاں نال ھون والے ظلم تے زیادتی آں دا علمی طریقے تے سیاسی حکمت عملی نال مقابلہ کرن لئی 
Zonal Orgnizer نے Rajpoot Zulfiqar۔

4 . خیبر پختونخواہ دے پختون علاقے وچ پنجابیاں نال ھون والے ظلم تے زیادتی آں دا علمی طریقے تے سیاسی حکمت عملی نال مقابلہ کرن لئی 
Zonal Orgnizor ھجے بنانا اے۔ (کوئی بننا چاوے تے دس دے)

5 . سندھ وچ پنجابیاں نال ھون والے ظلم تے زیادتی آں دا علمی طریقے تے سیاسی حکمت عملی نال مقابلہ کرن لئی 
Zonal Orgnizer نے Iqbal Maher۔

6 . کراچی وچ پنجابیاں نال ھون والے ظلم تے زیادتی آں دا علمی طریقے تے سیاسی حکمت عملی نال مقابلہ کرن لئی 
Zonal Orgnizer نے Saleem Ilyas۔

7۔ وسطی پنجاب وچ پنجابی زبان نوں اردو زبان دی بالادستی توں تے پنجابیاں نوں اردو بولن والے ھندوستانی آں دی بالادستی توں علمی طریقے تے سیاسی حکمت عملی نال نجات دلان لئی تے پنجابی قوم دی آں وڈیاں برادریاں جٹ ' ارائیں ' راجپوت ' گجر ' اعوان ' شیخ تے دوجیاں چھوٹیاں پنجابی برادریاں نوں برادری تک محدود رہ کے آپس وچ محاذ آرائی کرن دے بجائے ' پنجابی قوم پرست بنا کے پنجابی برادریاں دا دھیان پنجاب دی زمین ' زبان ' تہذیب ' ثقافت تے دوا کے ' پنجابی قوم نوں سیاسی تے سماجی طور تے مضبوط قوم تے پنجاب نوں معاشی تے اقتصادی طور تے مستحکم دیش بنان تے لان لئی 
Zonal Orgnizer ھجے بنانا اے۔ (کوئی بننا چاوے تے دس دے)

8۔ شمالی پنجاب وچ پنجابی زبان نوں اردو زبان دی بالادستی توں تے پنجابیاں نوں پختوناں دی بالادستی توں علمی طریقے تے سیاسی حکمت عملی نال نجات دلان لئی تے پنجابی قوم دی آں وڈیاں برادریاں جٹ ' ارائیں ' راجپوت ' گجر ' اعوان ' شیخ تے دوجیاں چھوٹیاں پنجابی برادریاں نوں برادری تک محدود رہ کے آپس وچ محاذ آرائی کرن دے بجائے ' پنجابی قوم پرست بنا کے پنجابی برادریاں دا دھیان پنجاب دی زمین ' زبان ' تہذیب ' ثقافت تے دوا کے ' پنجابی قوم نوں سیاسی تے سماجی طور تے مضبوط قوم تے پنجاب نوں معاشی تے اقتصادی طور تے مستحکم دیش بنان تے لان لئی Zonal Orgnizer ھجے بنانا اے۔ (کوئی بننا چاوے تے دس دے)

جیہڑے جیہڑے پنجابی ' جیس جیس Zone وچ کم کرنا چان ' او اپنے اپنے Zone دے Zonal Orgnizer نال رابطہ کرن نالے اے گل یاد رکھن کہ کوئی وی کم کلے آں نئیں ھوندا پر کم بوھتے بندے کٹھے کرن نال وی نئیں ھوندا۔ کم صحیح پروگرام بنان توں بعد اوس پروگرام تے عمل کرن دی صلاحیت رکھن والے بندے آں دے خلوص نال محنت کرن نال ای ھوندا اے۔

ھر پنجابی نوں Punjabi Nationalist Forum تے پنجابی قوم پرستی دا کم کردے ھوئیاں اناں "قوائد تے ضوابط" دا خیال رکھنا ھووے گا۔

1۔ ھر پنجابی صرف اک 
Zone وچ ای کم کرے گا تاکہ جیس Zone دا کم کرے ' اوس Zone تے ریسرچ کرے گا کہ؛
(الف) ۔ اوس دے Zone دے پنجابیاں تے کی ظلم تے زیادتی آں ھو رئیاں نے؟
(ب) ۔ اناں ظلم تے زیادتی آں دی وجہ کی اے؟
(پ) ۔ او ظلم تے زیادتی آں کر کون رے آ اے؟
(ت) ۔ انا ظلم تے زیادتی آں دا حل کی اے؟
(ٹ) ۔ اناں ظلم تے زیادتی آں تے مضمون لکھے یا لکھے ھوئے مضموناں نوں اگے پنجابیاں تک اپڑائے۔

2۔ ھر پنجابی اپنے 
Zone نال دلچسپی رکھن والے آں نال رابطہ کرکے سانجھ ودھاوے گا۔

3۔ ھر 
Zone والا پنجابی اپنے اپنے Zone دا کم کرے گا البتہ دوسرے Zone والے آں دے مضموناں تے کمنٹ کر سکے گا پر Zone دے Zonal Orgnizer دی Zone بارے پالیسی فالو کرنی پووے گی۔ کیونکہ اک Zone والا پنجابی دوجے Zone والے پنجابی دے Zone دی پالیسی نال اختلاف نئیں کرے گا۔

4۔ اک 
Zone والا پنجابی دوجے Zone والے پنجابی کولوں اپنے Zone لئی مدد لے دے سکے گا۔

5۔ ھر 
Zone دا Zonal Orgnizer اپنے میمبراں چوں 10 میمبراں دی Executive Committee بناکے اناں نال صلاح کرکے اپنے اپنے Zone دی پالیسی تے سیاسی چالاں طے کرے گا۔

6۔ ھر 
Zone دا Zonal Orgnizer دوجے Zone دے Zonal Orgnizer نال رابطہ رکھے گا تے آپس وچ اک دوجے نال تعاون کیتا جا سکے۔

7۔ ھر 
Zone دے صرف 100 ' 100 میمبر بنائے جان گے تے 2020 تک ٹوٹل 800 میمبر بنن گے۔ اے 8 Zone منظم کرن توں بعد Zone 2 پاکستان توں بار رین والے پنجابیاں لئی 2019 وچ بنن گے تے اناں دے 200 ممبر رلا کے ٹوٹل 1000 ممبر بن جان گے۔

8۔ 2020 تک کٹھے ھوکے Punjabi Nationalist Forum تے پنجابی قوم پرستی دا کم کرن والے صرف 1000 پنجابی قوم پرست تیار کرنے نے تاکہ او پنجابی قوم پرست اپنے اپنے Zone وچ پنجابیاں دا ایس طراں پنجابی قوم پرست بن کے کیس لڑ سکن جداں وکیل اپنے موکل دا کیس لڑدا اے۔

9۔ ھر Zone دے پنجابی اپنے اپنے علاقے دا کیس لڑن لئی ایس بلاگ چوں اپنے اپنے Zone بارے لکھے ھوئے مضمون لبھ کے اناں مضموناں نوں اپنی وال تے پوسٹ کردے رین گے تے اناں مضموناں چوں مواد لے کے آپ وی ھور مضمون لکھدے رین گے تاکہ پنجابیاں وچ قوم پرستی دا شعور ودھے۔ https://pthinker.blogspot.com.