Wednesday 5 July 2017

پاکستان وچ پنجاب توں بار رین والے پنجابی کی کرن؟

سیاسی تے معاشی مفادات دی وجہ نال پنجاب دا پنجابی وکھ اے۔ کراچی ' دیہی سندھ ' خیبر پختونخواہ ' بلوچستان دے پختون علاقے تے بلوچستان دے پختون علاقے دا پنجابی وی وکھ وکھ اے۔ پنجاب ' کراچی ' دیہی سندھ ' خیبر پختونخواہ ' بلوچستان دے پختون علاقے تے بلوچستان دے بلوچ علاقے دے پنجابیاں دے اپنے اپنے سیاسی تے معاشی مفادات نے پر پنجابی ھون دے کرکے اک دوجے دے دکھ سکھ ونڈنے چائی دے نے۔ ایس نال پنجابیاں نوں سیاسی تے معاشی فائدہ ھووے گا ' نئیں تے پنجابیاں نوں سیاسی تے معاشی نقصان ھووے گا تے پنجابی قوم وی کمزور ھووے گی۔

جیہڑے پنجابی کراچی ' دیہی سندھ ' خیبر پختونخواہ ' بلوچستان ریندے نے او اپنے زور تے ریندے نے کوئی پنجاب دے پنجابیاں دے موڈے تے چڑہ کے نئیں ریندے بلکہ پنجاب دے اناں پنجابیاں دیاں کراچی ' دیہی سندھ ' خیبر پختونخواہ ' بلوچستان وچ حرکتاں دے کرکے ذلیل ھوندے نے جیہڑے کراچی ' دیہی سندھ ' خیبر پختونخواہ ' بلوچستان وچ سرکاری نوکری ' ٹھیکیداری تے وپار کردیاں لٹ مار تے فراڈ کرکے واپس پنجاب نٹھ آندے نے۔


پنجاب دا پنجابی اک تے پہلوں ای سیاسی نئیں بلکہ کاروباری ذھن رکھدا اے ' دوجا پنجاب دے پنجابی نال نہ کراچی دے مھاجر دی بندی اے ' نہ دیہی سندھ دے سندھی دی بندی اے ' نہ خیبر پختونخواہ دے پٹھان دی بندی اے ' نہ بلوچستان دے پختون علاقے دے پٹھان دی بندی اے تے نہ بلوچستان دے بلوچ علاقے دے بلوچ دی بندی اے۔ ایس لئی جے پنجاب دا پنجابی ' کراچی ' دیہی سندھ ' خیبر پختونخواہ ' بلوچستان دے پختون علاقے تے بلوچستان دے بلوچ علاقے دے پنجابیاں نال سانجھ نہ کر سکیا تے فے پنجاب نال ھووے گا کی تے پنجابی قوم دا بنے گا کی؟

No comments:

Post a Comment