Wednesday, 8 March 2017

پنجابی قوم پرستاں دی "کامیابی" دا سال 2020 ھووے گا۔ انشا اللہ۔

2016 تک پنجابی قوم پرستی دا "بی" تیار ھو چکیا اے۔
(پنجابی قوم پرستی نوں "فالو" کرن والے تیار ھو چکے نے)

مطلب اے وے کہ؛
پنجابی قوم پرستی نوں "فالو" کرن والے
2016 تک لکھاں دی تعداد وچ تیار  ھو چکے نے۔
اے پنجابی قوم پرستی دا "فرسٹ فیس" سی۔

"پنجابی قوم پرستی نوں فالو" کرن والے اپنے گھر تے کاروبار تے دھیان دین دے نال نال پنجاب تے پنجابی قوم دے سماجی ‘ سیاسی ‘ معاشی مسئلیاں تے سوچ ' وچار کرکے ' رو پٹ سکدے نے ' رولا پا سکدے نے ' پنجاب تے پنجابی قوم لئی کجھ کرن لئی اک دوجے نوں آکھ سکدے نے۔ اے کم ھن لکھاں دی تعداد وچ پنجابی کرن لگ پئے نے۔ اے پنجابی قوم پرستی دا "بی" اے۔

2017 وچ پنجابی قوم پرستی دی "پنیری" لگنا شروع ھو گئی اے۔
(پنجابی قوم پرستی نوں "سپورٹ" کرن والے تیار ھونا شروع ھو گئے نے)

مطلب اے وے کہ؛
لکھاں دی تعداد وچ پنجابی قوم پرستی نوں "فالو" کرن والے آں چوں 2017 وچ پنجابی قوم پرستی نوں "سپورٹ" کرن والے
ھزاراں دی تعداد وچ تیار ھونا شروع ھو گئے نے۔
باقی نے پنجابی قوم پرستی نوں "فالو" کرن والے ای رینا اے۔
اے پنجابی قوم پرستی دا "سیکنڈ فیس" اے جیہڑا شروع ھوگیا اے۔

"پنجابی قوم پرستی نوں سپورٹ" کرن والے اپنے گھر تے کاروبار تے دھیان دین دے نال نال پنجاب تے پنجابی قوم دے سماجی ‘ سیاسی ‘ معاشی مسئلیاں تے سوچ ' وچار کرکے رونا ' پٹنا نئیں کردے ' نہ رولا پاندے نے ' نہ پنجاب تے پنجابی قوم لئی کجھ کرن لئی اک دوجے نوں آکھدے ریندے نے۔

او پنجاب تے پنجابی قوم دے سماجی یا سیاسی یا معاشی مسئلیاں واسطے کم کرن والے کسے بندے دا ھتھ ونڈان لگ پیندے نے۔

اے کم ھن شروع ھوگیا اے تے 2017 وچ ای لکھاں دی تعداد وچ تیار "بی" چوں ' ھزاراں دی تعداد وچ تیار ھون والی پنجابی قوم پرستی دی "پنیری" نے کرن لگ پینا اے۔

2018  وچ پنجابی قوم پرستی دے "بُوٹے" تیار ھون گے ۔
(پنجابی قوم پرستی لئی "ورک" کرن والے تیار ھون گے)

مطلب اے وے کہ؛
ھزاراں دی تعداد وچ پنجابی قوم پرستی نوں "سپورٹ" کرن والے آں چوں 2018 وچ پنجابی قوم پرستی لئی ورک" کرن والے
سینکڑاں دی تعداد وچ تیار ھون گے۔
باقی نے پنجابی قوم پرستی نوں "سپورٹ" کرن والے ای رینا اے۔
اے پنجابی قوم پرستی دا "تھرڈ فیس" ھووے گا۔

پنجابی قوم پرستی لئی "ورک" کرن والے اپنے گھر تے کاروبار تے دھیان دین دے نال نال پنجاب تے پنجابی قوم دے سماجی یا سیاسی یا معاشی مسئلیاں تے سوچ ' وچار کرکے رونا ' پٹنا وی نئیں کرن گے ' رولا وی نئیں پان گے ' پنجاب تے پنجابی قوم لئی کجھ کرن لئی اک دوجے نوں آکھن گے وی نئیں۔

او پنجاب تے پنجابی قوم دی سماجی یا سیاسی یا معاشی ترقی دا "پروگرام" بنان والے کسے بندے دے  "پروگرام" نوں پنجابی قوم پرستی نوں "سپورٹ" کرن والے پنجابی قوم پرستاں کولوں "سپورٹ" کروان گے۔

اے کم 2018 وچ ھزاراں دی تعداد وچ تیار "پنیری" چوں سینکڑاں دی تعداد وچ تیار ھون والے پنجابی قوم پرستی دے "بُوٹے" کرن لگ پین گے۔

2019  وچ پنجابی قوم پرستی دے "پُھل" اُگن گے ۔
(پنجابی قوم پرستاں دی "قیادت" کرن والے تیار ھون گے)

مطلب اے وے کہ؛
سینکڑاں دی تعداد وچ پنجابی قوم پرستی دا ورک" کرن والے آں چوں 2019 وچ پنجابی قوم پرستاں دی "قیادت" کرن والے
درجناں دی تعداد وچ تیار ھون گے۔
باقی نے پنجابی قوم پرستی دا ورک"  کرن والے ای رینا اے۔
اے پنجابی قوم پرستی دا "فورتھ فیس" ھووے گا۔

پنجابی قوم پرستاں دی "قیادت" کرن والے اپنے گھر تے کاروبار تے دھیان دین دے نال نال پنجاب تے پنجابی قوم دے سماجی ‘ سیاسی ‘ معاشی مسئلیاں تے سوچ ' وچار کرکے رونا ' پٹنا وی نئیں کرن گے ' رولا وی نئیں پان گے ' پنجاب تے پنجابی قوم لئی کجھ کرن لئی وی اک دوجے نوں نئیں آکھن گے۔

او آپ ای پنجابی قوم دی سماجی یا سیاسی یا معاشی ترقی دا "پروگرام" بنان دے بجائے پنجابی دانشوراں نال صلاح مشورہ کرکے پنجابی قوم دی سماجی یا سیاسی یا معاشی ترقی دا "پروگرام" بنان گے تے "پروگرام" نوں پنجابی قوم پرستی لئی "ورک"  کرن والے پنجابی قوم پرستاں نوں دین گے۔ پنجابی قوم پرستی لئی "ورک" کرن والے اوس  "پروگرام" نوں پنجابی قوم پرستی نوں "سپورٹ" کرن والے پنجابی قوم پرستاں کولوں "سپورٹ" کروان گے۔ قوم پرستی نوں "فالو" کرن والے پنجابی قوم پرست اوس  "پروگرام" نوں "فالو" کرن گے۔

اے کم 2019 وچ سینکڑاں دی تعداد وچ تیار "بُوٹیاں" تے لگن والے درجناں دی تعداد وچ تیار  ھون والے پنجابی قوم پرستی دے"پُھل" کرن لگ پین گے۔

2020 پنجابی قوم پرستاں دی "کامیابی" دا سال ھووے گا۔ انشا اللہ۔
(پنجابی قوم دی سماجی ‘ سیاسی ‘ معاشی ترقی دا قومی سطح تے "پروگرام" بنے گا)

مطلب اے وے کہ؛
2020 وچ درجناں دی تعاد وچ
پنجابی قوم پرستاں دی "قیادت" کرن والے آں چوں
بہت سارے پنجابی قوم پرستاں دی "قیادت" کرن والے
وکھ وکھ پنجابی قوم دی سماجی یا سیاسی یا معاشی
ترقی دا "پروگرام" بنان دے بجائے
اپنا ایک "قائد" بنا کے
پنجابی قوم دے لئی سماجی ‘ سیاسی ‘ معاشی ترقی دا
قومی سطح تے "سانجھا پروگرام" بنان گے۔
اوس "سانجھے پروگرام" نوں
سینکڑاں دی تعاد وچ پنجابی قوم پرستی لئی "ورک" کرن والے
پنجابی قوم پرستاں دے ذریعے
ھزاراں دی تعداد وچ پنجابی قوم پرستی نوں "سپورٹ" کرن والے
پنجابی قوم پرستاں کولوں "سپورٹ" کروان گے۔
جد کہ لکھاں دی تعداد وچ
پنجابی قوم پرستی نوں "فالو" کرن والے
اوس "پروگرام" نوں "فالو" کرن گے۔
ایس دا اثر کروڑاں پنجابیاں تے ھووے گا
تے کروڑاں پنجابی اوس "پروگرام" تے "عمل" کرن گے۔
ایس لئی کروڑاں پنجابیاں دے اک
ای "عمل" کرن نال
پنجابی قوم دے لئی
قومی سطح تے بنایا جان والا
سماجی ‘ سیاسی ‘ معاشی ' ترقی دا  "پروگرام"
قومی سطح تے کامیابی حاصل کرے گا۔
اے پنجابی قوم پرستی دا "فائنل فیس" ھووے گا۔ انشا اللہ