Monday 19 September 2016

پاکستان وچ پنجابی زبان تے کلچر نوں پروموٹ کیوں نئیں ھون‌ دتا جاندا؟

پاکستان دی 60 % آبادی پنجابی اے ' پر پاکستان وچ اردو زبان تے مذھبی انتہا پسندی نوں پروموٹ کرن لئی پنجابی زبان تے پنجابی کلچر نوں پروموٹ نئیں ھون‌ دتا جاندا۔ کیونکہ؛

پاکستانی پنجاب وچ اردو زبان تے مذھبی انتہا پسندی دے بجائے جے پنجابی زبان تے پنجابی کلچر پروموٹ ھو گیا تے فے کی پاکستان دی 60 % آبادی پنجابی ھون دے کرکے پاکستان دی زبان تے پاکستان دا کلچر ' پنجابی نئیں ھو جانا؟

پاکستانی پنجاب وچ اردو زبان تے مذھبی انتہا پسندی دے بجائے جے پنجابی زبان تے پنجابی کلچر پروموٹ ھو گیا تے فے کی پنجابی نے پنجابی قوم پرست نئیں بن جانا؟

جے پاکستان دی سب توں وڈی تے مسلم امہ دی تیجی وڈی لسانی آبادی ' مسلمان پنجابی ' پنجابی قوم پرست بن گئے تے فے جنوبی ایشیاء دی تیجی وڈی تے دنیا دی نویں وڈی قوم ، پنجابی قوم نے اک نئیں ھو جانا؟

جے پنجابی قوم اک ھو گئی تے فے 1947 وچ ونڈے جان‌ والے پنجاب نے اک نئیں ھو جانا؟ کی انڈیا دے قبضے والے پنجاب دے پاکستانی پنجاب دے نال رل جان نوں انڈیا برداشت کر لے گا؟

1947 وچ ونڈے جان‌ والے پنجاب دے اک ھو جان نال انڈیا دے قبضے والا کشمیر وی انڈیا وچ نئیں رینا ' پاکستان وچ ای آ جانا اے۔ کی انڈیا دے قبضے والے کشمیر دے پاکستان وچ شامل ھو جان نوں وی انڈیا برداشت کر لے گا؟

کیوںکہ ' 1947 وچ ونڈے جان‌ والے پنجاب تے انڈیا دے قبضے والے کشمیر دے پاکستان وچ شامل ھو جان نال مراٹھی قوم ' تیلگو قوم ' تامل قوم ' گجراتی قوم ' کنڑا قوم ' ملایالم قوم ' اڑیہ قوم ' راجستھانی قوم ' آسامی قوم نے وی ھندوستانی قوم (اتر پردیش دے گنگا جمنا کلچر دے ھندی بولن والے) کولوں آزاد ھو جانا اے۔

پاکستان ھن ای 60 % پنجابی آبادی دا ملک اے۔ جے 1947 وچ ونڈیا جان‌ والا پنجاب تے انڈیا دے قبضے والا کشمیر وی پاکستان وچ شامل ھو جاندے نے تے فے پاکستان وچ پنجابی آبادی 85 % نئیں ھو جانی اے؟

1947 وچ ونڈے جان‌ والے پنجاب تے انڈیا دے قبضے والے کشمیر دے اک ھو جان نال پاکستان وچ پنجابی آبادی دے 60 % توں ودھ کے 85 % ھو جان نال مسلمان سندھی ' مسلمان پٹھان ' مسلمان بلوچ تے مسلمان اردو بولن والے ھندوستانی دا کی بنے گا؟

پنجابی قوم دے اک ھو جان نال پنجابی فوج دے مقابلے دی فوج جنوبی ایشیاء ' وسطی ایشیاء ' مشرقِ وسطہ تے افریقہ وچ کسے کول نئیں ھونی۔ کی بین الاقوامی طاقتاں اے برداشت کر لین گی آں؟

کسے وی قوم نوں سماجی طور تے مظبوط تے سیاسی طور تے طاقتور کرن وچ اسٹیبلشمنٹ تے میڈیا دا کردار بڑا اھم ھوندا اے۔

اسٹیبلشمنٹ تے میڈیا وچ 2 قسم دے کم کرن والے بندے ھوندے نے۔ اک پالیسی بنان والے والے تے دوجے پالیسی نوں نافذ کرن والے۔

پاکستان دی اسٹیبلشمنٹ تے میڈیا وچ پالیسی نوں نافذ کرن والے تے پنجابی ای بوھتے نے پر پالیسی بنان نوں تے پاکستان دے بن دے آں ای یوپی ' سی پی دے اردو بولن والے ھندوستانیاں نے اپنے قبضے وچ کر لایا سی تے ھجے وی پاکستان دی اسٹیبلشمنٹ تے میڈیا وچ یوپی ' سی پی دے اردو بولن والے ھندوستانی دی ای بالادستی اے تے یاں فے اردو بولن والے یوپی ' سی پی والے آں دا رنگ پھڑ لین والے پنجابی بالادستی وچ نے ' جیہڑے یوپی ' سی پی والے آں دا رنگ پھڑ لین دے کرکے گنگا جمنا کلچر تے اردو زبان دے ذھنی غلام بنے ہوئے نے۔

پاکستان دی اسٹیبلشمنٹ تے میڈیا دی پالیسی بنان والے یوپی ' سی پی دے اردو بولن والے ھندوستانی تے اردو بولن والے یوپی ' سی پی والے آں دا رنگ پھڑ لین والے پنجابی ' انگریز دے پنجاب تے قبضے دے ویلے دی اوس فائل نوں پھڑی بیٹھے نے کہ؛ جے پنجاب وچ اردو دے بجائے پنجابی نوں پروموٹ کیتا تے پنجابی قوم پرستی نے فیر جاگ جانا اے ' جیس دے کر کے مذھبی طور تے وکھرے وکھرے ھون‌ دے باوجود وی مسلمان پنجابیاں ' سکھ پنجابیاں ' ھندو پنجابیاں تے کرسچن پنجابیاں نے اکو جئی زبان ' اکو جئے کلچر تے اکو جئی ٹریڈیشن ھون‌ دے کر کے آپس وچ فیر کٹھے ھوجانا اے۔

جد کہ مسلمان سندھی ' مسلمان پٹھان ' مسلمان بلوچ ' مسلمان اردو بولن والے ھندوستانی ' انڈیا تے انٹرنیشنل پاور پلیئرز وی ڈردے نے کہ مسلمان پنجابیاں ' سکھ پنجابیاں ' ھندو پنجابیاں تے کرسچن پنجابیاں دے اکو جئی زبان ' اکو جئے کلچر تے اکو جئی ٹریڈیشن ھون‌ دے کر کے آپس وچ کٹھے ھون‌ نال پنجابی قوم نے مذھب وچ ونڈے جان دے بجائے سیکولر پنجابی قوم بن جانا اے۔ جیس دی وجہ نال پنجابی قوم نے پاکستان دی سب توں وڈی ' جنوبی ایشیاء دی تیجی وڈی تے دنیا دی نویں وڈی قوم ھون‌ دے کر کے جنوبی ایشیاء دی سب توں زیادہ طاقتور قوم بن جانا اے۔ پنجابی قوم دے مارشل قوم ھون‌ دے نال نال طاقتور قوم بن جان دے کر کے پنجابی قوم نوں فے کسے وی اپنے کنٹرول وچ نئیں رکھ سکنا۔

ایس لئی مسلمان اردو بولن والے ھندوستانیاں ' انڈیا تے کجھ انٹرنیشنل پاور پلیئرز دی کوشش اے کہ؛ پنجاب وچ پنجابی زبان تے کلچر نوں پروموٹ ھون‌ توں روکن لئی تے پنجابی قوم نوں مذھب دی بنیاد تے ونڈ کے رکھن لئی " پراکسی پولیٹکس " کر کے پنجاب وچ اردو زبان نوں تے مذھبی انتہا پسندی نوں پروموٹ کیتا جاوے۔ جد کہ مسلمان سندھی ' مسلمان پٹھان تے مسلمان بلوچ دی کوشش اے کہ پنجابی قوم نوں پنجابی زبان دے لہجیاں تے پنجاب نوں علاقیاں وچ ونڈیا جاوے۔

No comments:

Post a Comment