Monday, 27 February 2017

Ab Punjabiyon Nay Bhe Qoom Parast Bun Jaana Hy.

Pakistan k qiyaam k baad, 69 saalon k arsay mein Sindhi, Muhajir, Baloch, Pathan, Pakistani nationalism k bajaay Sindhi, Muhajir, Baloch, Pathan nationalism ki tarf jis qadar raghib ho chukay hain ab wahaan say in ki waapsi mushkal he nahi balkay naa mumkun nazar aati hy.

Qoom Parasti koe kharab cheez nahi, yeh aik haqeeqat hy laykun aggar Qoom Parasti ko bunyaad bana kar apni Qoom ka shaoor ujaagar karnay k bajaay kisi dosri Qoom ko blackmail kiya jaay tu yeh Qoom Parasti say ziyaada kisi Qoom say Dushmani karaar paati hy.

Sindhiyon, Muhajiron, Balochon aur Pathano ki Qoom Parasti bhe apni apni Qoomon ka shaoor ujaagar karnay say ziyaada Punjabi Qoom ko blackmail karnay k liay Punjab aur Punjabiyon par baybinyaad, farzi aur jhootay ilzaamaat laganay tak rahi, yeh he wajah hy k Punjab aur Punjabiyon par Public aur Press mein baybinyaad, farzi aur jhootay ilzaamaat tu zoor shoor say lagaay jaatay hain laykun proper forums par yeh Sindhi, Muhajir, Baloch, Pathan ya tu gongay banay rehtay hain ya phir Pakistan aur Wafaaq k thaikaydaar bun jaatay hain.

Sindhiyon, Muhajiron, Balochon aur Pathano ko Punjabi Qoom say jo bhe Social, Economic, Administrative ya Political problems hon, unhain proper forums par discussion kar k baray araam say solve kiya ja sakta hy laykun chon k Sindhiyon, Muhajiron, Balochon aur Pathano ki Qoom Parasti ki bunyaad apni apni Qoom k sath Punjab ki taraf say zulm aur ziyaadti nahi balkay Punjab aur Punjabiyon ko blackmail karna hy es liay yeh Sindhi, Muhajir, Baloch aur Pathan, Punjabiyon k sath proper forums par kabhi bhe issues ko discuss nahi karain gay.

Sindhiyon, Muhajiron, Balochon aur Pathano ki Qoom Parasti say tung aanay k baad lugta tu yeh he hy k ab Punjabiyon nay bhe Qoom Parast bun jaana hy jis k baad Pakistan nay Punjabiyon ki Pakistan mein 60% population honay ki wajah say Punjabistan bun jaana hy.

Muslman Punjabi, Punjabi Qoom Parast bunna tu Indian Punjab k Punjabiyon nay bhe India say alug ho kar Pakistan mein he shamal ho jaana hy jis say Pakistan mein Punjabiyon ki population 80% say ziyaada ho jaani hy.

Indian Punjab aggar Pakistan mein shamal ho jaata hy tu Kashmir ka masla khud he hul ho jaana hy aur Kashmiriyon nay bhe Pakistan mein he nazar aana hy jis say Pakistan mein Punjabiyon ki population 85% say ziyaada ho jaani hy.

Indian Punjab k Punjabiyon aur Kashmiriyon k Pakistan mein shamal honay k baad Punjab he nahi, Sind, Baluchistan aur KPK nay bhe Punjab he bun jaana hy jis mein Muslman Sindhi, Muslman Muhajir, Muslman Baloch, Muslman Pathan minorities bhe hongay, Punjabi bhe bolain gay aur Muslman Punjabiyon ki minatain bhe karain gay k Muslman honay ki wajah say Muslman Punjabi in Muslman Sindhi, Muslman Muhajir, Muslman Baloch, Muslman Pathan ki jaan, Non-Muslim Punjabiyon say choraay.