بلھے
نوں سمجھاون آئی آں ' بھیناں تے بھرجائیاں
من لے بلھیا ساڈا کہنا ' چھڈ دے پلّا رائیاں
من لے بلھیا ساڈا کہنا ' چھڈ دے پلّا رائیاں
آل
نبی اولاد علی نوں ' توں کیوں لیکاں لائیاں
بلھے آکھیا !! عشق دی آں ریتاں ' کسے دی سمجھ نہ آئی آں
بلھے آکھیا !! عشق دی آں ریتاں ' کسے دی سمجھ نہ آئی آں
جیہڑا
مے نوں سیّد آکھے ' دوزخ ملن سزائیاں
جیہڑا مے نوں آکھے رائیں ' جنت پینگھاں پائیاں
جیہڑا مے نوں آکھے رائیں ' جنت پینگھاں پائیاں
رائیں
سائیں سبھنیں تھائیں ' رب دی آں بے پروائیاں
سوہنیاں پرے ہٹائیاں ' تے کوجھیاں لے گل لائیاں
سوہنیاں پرے ہٹائیاں ' تے کوجھیاں لے گل لائیاں
جے
توں لوڑیں باغ بہاراں ' چاکر ہوجا رائیاں
بلھے شاہ دی ذات کی پچھنا ایں ' شاکر ہو رضائیاں
بلھے شاہ دی ذات کی پچھنا ایں ' شاکر ہو رضائیاں
No comments:
Post a Comment