MQM ko General Zia Nay Bunaaya Ka Propaganda Kis Nay Aur Kyon Kiya?

Sindhi Muhammad Khan Junejo k prime minister of Pakistan aur PML-J ka central president jub k Sindhi Ghous Ali Shah k chief minister of Sindh aur PML-J Sindh ka provincial president honay k bawajood 1987 mein honay walay local bodies election mein PML-J k bajaay MQM ko Karachi aur Hyderabad say elect karwa kar Karachi aur Hyderabad k Mayors, MQM k banwaay gaay, jis ki wajaah say Karachi aur Hyderabad k local government k departments aur local affairs mein Urdu Speaking Hindustani Muhajir nay total dominating position hasil karna shoro kardi jis say provincial aur federal government k departments ko pressurize aur blackmail karnay k sath sath strikes, jalaao, ghairaao, bhata khori, aghwa, qatal aur gharatgiri ka silsla bhe shoro ho gayaa.

1987 mein chairman joint chiefs of staff committee Muhajir General Akhtar Abdu Rehman tha aur vice chief of army staff, Muhajir General Mirza Aslam Baig tha. MQM  durassal, foreign affairs, military establishment aur civil bureaucracy mein mojood Muhajir “Power Players” ka aik political wing hy. Jub k MQM k local networks KMC, HMC, KDA, HDA, KWSB, KBCA, KSE, Education Department, Health Department, Port and Shipping Authority, Steel Mill, Karachi Airport, Banks, Insurance, Multi National Companies aur Print, Electronic Media mein job karnay waalay Urdu Speaking Hindustani Muhajiron par moshtamal hain.

1985 k Non-Party base par Pakistan ki national aur provincial assemblies k elections ka boycott karnay ki wajah say PPP chon k parliamentary politics say out ho gaee thi aur waisay bhe PPP apnay qiyaam say laykar Sindh k rural areas ki he political party rahi. Sind k urban areas mein PPP nay organize honay mein kabhi dilchuspi na lee aur urban areas par Muhajiron ki political parties Jamaat-e-Islami (JI) aur Jamiat Ulema-e-Pakistan (JUP) ki domination rahi, jin ko na tu rural Sind mein public support hasil thi aur na dosray provinces mein bari public support hasil thi, es liay PPP ko Sindh mein apni parliamentary majority qaim rakhnay k liay Sindh k urban areas mein PPP ko organize karnay ki khaas zarorut bhe na thi.

Laykun, jub 1985 mein Non-Party base par Pakistan ki national aur provincial assemblies k elections k baad, Martial Law khatam kar k, ous waqt k President of Pakistan, General Zia-ul-Haque k plan k matabaq, Pakistan Muslim League-Junejo (PML-J) ka qiyaam ammal mein laaya gayaa tu Sindhi Muhammad Khan Junejo k prime minister of Pakistan aur PML-J ka central president honay, Sindhi Ghous Ali Shah k chief minister of Sindh aur PML-J Sindh ka president honay, Karchi aur Hyderabad say elect honay waalay Muhajir MNA’S, MPA’s aur Senators k PML-J mein shaamal honay jub k PML-J ko Pir Pagaro ki support honay ki wajaah say PML-J Sind k rural areas aur urban areas ki sub say bari political party bun kar saamnay aanay k sath sath, Sind k rural areas aur urban areas ki sub say bari parliamentary majority aur ruling party bun gaee tu PPP ko, jo k pehlay he Sind k sirf rural areas tak mahdood political party thi, PML-J k Sind k rural aur urban areas ki sub say bari, parliamentary majority aur ruling party bun jaanay ki wajaah say Sind mein apni future politics k liay khatra mehsoos honay luga.

Es liay, 1987 mein jub MQM ko ammli toor par Karachi aur Hyderabad say siyaasat k maidaan mein uttaara gayaa tu PPP nay propaganda karna shoro kar diya k MQM ko General Zia nay Sind k urban area par Muhajiron ki siyaasi baalaadusti qaim karwa kar aur Sind k baray baray shehroon par Muhajiron ka mokammal control qaim karwanay k liay bunaaya hy. Ta k PPP aik taraf tu General Zia-ul-Haque k plan k matabaq bunaai jaanay waali political party, Pakistan Muslim League-Junejo (PML-J) k khalaaf Sind k rural areas mein Sindhiyon ki nafrat qaim kar sakay aur dosri taraf Sind k urban areas mein PML-J ko MQM k zariay replace karwa kar PML-J k Sind k rural areas aur urban areas ki sub say bari political party bun jaanay ki haisiyat ko khatam kiya jaay ta k PPP phir say Sind k rural areas ki sub say bari political party bun sakay.

1988 mein General Zia ki haadsaati mout aur Chief of Army Staff, Muhajir General Mirza Aslam Baig k bun jaanay k baad es propaganda ko PPP k sath sath Urdu speaking Hindustani Muhajir bureaucracy, establishment, media, politicians, skilled professionals, social workers, intellectuals, journalists, writers, aur educationalists nay bhe khoob uchaala ta k es taraf kisi ka dhiyaan he na aa'ay k MQM darassal, foreign affairs, military establishment aur civil bureaucracy mein mojood Muhajir “Power Players” ka aik political wing hy. Jub k MQM ka local network KMC, HMC, KDA, HDA, KWSB, KBCA, KSE, Education Department, Health Department, Port and Shipping Authority, Steel Mill, Karachi Airport, Banks, Insurance, Multi National Companies aur Print, Electronic Media mein jobs karnay waalay Urdu Speaking Hindustani Muhajiron par moshtamal hy.