پاکستان تے "پنجابی راج" کداں قائم ھووے؟

مسلمان پنجابیاں وچ سیاسی شعور نئیں اے۔ پاکستان دے بنن توں لے کے مسلمان پنجابی صرف وائی بیجی ' آڑھت ' ڈنگر پالن تے سمبھالن توں علاوہ نوکری تے ٹھیکیداری کرن تک ای محدود رئے۔ سیاست دا کھیل نہ مسلمان پنجابی نے سکھیا تے نہ کھیلیا۔ پاکستان وچ سیاست دا کھیل پٹھان ' بلوچ ' ھندوستانی مھاجر تے عربی نزاد ای کھیلدے رئے۔ ایس لئی پاکستان دے بنن توں لے کے ھن تک پاکستان دی 60% آبادی ھون دے باوجود وی پاکستان تے پنجابیاں اتے پٹھان ' بلوچ ' ھندوستانی مھاجر تے عربی نزاد حکومت کردے رئے نے۔ ھن وی کر رئے نے۔ پنجاب نوں لٹدے تے مسلمان پنجابیاں نوں بلیک میل کردے نے۔ بلکہ مسلمان پنجابیاں دی تذلیل تے توھین وی کردے نے۔ ھر ویلے گالاں دیندے رھندے نے۔ جھوٹی الزام تراشیاں کردے رھندے نے۔

پٹھان ' بلوچ ' ھندوستانی مھاجر تے عربی نزاد کولوں سب توں زیادہ نقصان بلکہ ظلم جنوبی پنجاب ' سندھ ' کراچی ' بلوچستان ' خیبر پختونخوا دے پنجابی نوں ھویا تے ھجے وی ھو رے آ اے۔ ایس لئی ای انہاں وچ سیاسی شعور وی ھے تے پنجابی قوم پرستی وی ھے پر وسطی پنجاب تے شمالی پنجاب دے پنجابی وچ سیاسی شعور نئیں اے تے نہ پنجابی قوم پرستی اے۔ اناں دی سوچ ھجے تک سماجی اے تے انہاں وچ ھجے تک برادری پرستی ای ھے۔

پاکستان وچ پنجابیاں دی سب توں بوھتی آبادی وسطی پنجاب تے شمالی پنجاب وچ اے۔ جنوبی پنجاب ' سندھ ' کراچی ' بلوچستان ' خیبر پختونخوا دا پنجابی جے وسطی پنجاب تے شمالی پنجاب دے پنجابی نال پنجابی قوم پرستی دی بنیاد تے سانجھ کرن دے بجائے وسطی پنجاب تے شمالی پنجاب دے پنجابی کولوں مایوس ھوکے پنجابی قوم پرستی چھڈ کے علاقے پرستی دی بنیاد تے جنوبی پنجاب وچ بلوچاں تے عربی نزاداں دی بالادستی قبول کرکے سرائیکی ' سندھ وچ بلوچاں تے عربی نزاداں دی بالادستی قبول کرکے سندھی ' کراچی وچ ھندوستانی مھاجراں دی بالادستی قبول کرکے کراچی والے ' بلوچستان وچ بلوچاں دی بالادستی قبول کرکے بلوچ ' خیبر پختونخوا وچ پٹھاناں دی بالادستی قبول کرکے پٹھان بن جاووے تے فے ایس نال وی نقصان وسطی پنجاب تے شمالی پنجاب دے پنجابی نوں ھونا اے۔ کیوں کہ فے پاکستان صرف وسطی پنجاب تے شمالی پنجاب رووے گا۔ جنوبی پنجاب ' سندھ ' کراچی ' بلوچستان ' خیبر پختونخوا نے وکھ ھو جانا اے۔ وسطی پنجاب تے شمالی پنجاب دا پنجابی ایس نوں روک نئیں سکے گا۔

پاکستان دی 60٪ آبادی پنجابی اے جدکہ 40٪ آبادی سماٹ ' براھوئی ' ھندکو ' کشمیری ' گلگتی بلتستانی ' چترالی ' سواتی ' کوھستانی ' گجراتی ' راجستھانی ' پٹھان ' بلوچ ' ھندوستانی مھاجر ' عربی نزاد دی اے۔ سماٹ ' براھوئی ' ھندکو ' کشمیری ' گلگتی بلتستانی ' چترالی ' سواتی ' کوھستانی ' گجراتی ' راجستھانی نال پنجابیاں دی واسطے داری ٹھیک اے۔ پٹھان ' بلوچ ' ھندوستانی مھاجر تے عربی نزاد نال واسطے داری ٹھیک نئیں اے۔ وسطی پنجاب تے شمالی پنجاب دے پنجابی نوں چائی دا اے کہ؛ پنجابی قوم پرست بن کے پٹھان ' بلوچ ' ھندوستانی مھاجر تے عربی نزاد نوں " تُن کے رکھن "۔ نئیں تے فے انہاں کول 2 رستے نے۔ اک اے کہ؛ پٹھان ' بلوچ ' ھندوستانی مھاجر تے عربی نزاد دی بالادستی قبول کری رکھے بلکہ جنوبی پنجاب ' سندھ ' کراچی ' بلوچستان ' خیبر پختونخوا دے پاکستان توں وکھ ھون دا انتظار کرے۔ دوجا اے کہ؛ سکھ پنجابی دی بالادستی قبول کرن دی تیاری کرے تے خالصتان دے بنن دا انتظار کرے۔

خالصتان دے بنن توں بعد خالصتان نوں پاکستان وچ شامل کرکے پاکستان تے مسلمان پنجابیاں تے پٹھان ' بلوچ ' ھندوستانی مھاجر تے عربی نزاد دے تھاں سکھ پنجابی حکومت کرسکدے نے۔ ایس نال پٹھان ' بلوچ ' ھندوستانی مھاجر تے عربی نزاد تے "پنجابی راج" قائم ھو جاووے گا۔ پٹھان ' بلوچ ' ھندوستانی مھاجر تے عربی نزاد فے نہ پنجاب وچ لٹ مار کر سکن گے۔ نہ مسلمان پنجابیاں نوں بلیک میل کر سکن گے۔