پی این ایف عوامی سطح تے کم کدوں شروع کرے گا؟

پنجابی نیشنلسٹ فورم دے پاکستان وچ ایس ویلے 8 زونل آرگنائزر تے 2 وومن وونگ زونل آرگنائزراں نے۔ پی این ایف نوں صرف 6 وومن ونگ زونل آرگنائزاں دی لوڑ اے۔ ایس توں بعد پی این ایف دے 8 زونل آرگنائزراں تے 8 وومن وونگ آرگنائزراں دی تعداد پوری ھو جائے گی۔

پی این ایف دے ھر زون وچ 10 ایگزیکٹو کمیٹی دے میمبر ھون گے۔ ایس ویلے پی این ایف دے 56 ایگزیکٹو کمیٹی دے میمبر نے۔ پی این ایف نوں صرف 24 ایگزیکٹو کمیٹی دے میمبراں دی لوڑ اے۔ ایس توں بعد پی این ایف دے 80 ایگزیکٹو کمیٹی دے میمبراں دی تعداد پوری ھو جائے گی۔

پی این ایف دے ھر وومن وونگ وچ 10 ایگزیکٹو کمیٹی دی آں میمبراں ھون گی آں۔ ایس ویلے پی این ایف دی صرف اک ایگزیکٹو کمیٹی دی میمبر اے۔ پی این ایف نوں 79 ایگزیکٹو کمیٹی دی آں میمبراں دی لوڑ اے۔ مارچ 2020 توں ایگزیکٹو کمیٹی دی آں میمبراں بنانا شروع کیتیاں جان گی آں۔ ایس توں بعد پی این ایف دی آں 80 ایگزیکٹو کمیٹی دی آں میمبراں دی تعداد پوری ھو جائے گی۔ جد کہ پی این ایف دے جون 2020 وچ 160 ڈسٹرکٹ آرگنائزر بنائے جان گے۔

پی این ایف نوں پاکستان چوں صرف 8 زونل آرگنائزر۔ 8 وومن وونگ آرگنائزر۔ 80 میمبر ایگزیکٹو کمیٹی۔ 80 میمبر ایگزیکٹو کمیٹی وومن ونگ تے 160 ڈسٹرکٹ آرگنائزر چائی دے نے۔ ایس طراں پی این ایف دی ٹیم وچ صرف 336 پنجابی ھون گے پر پی این ایف پاکستان وچ اک منظم تنظیم ھووے گی۔ اوس توں بعد پی این ایف عوامی سطح تے کم شروع کرے گا۔ ڈسٹرکٹ دے ایگزیکٹو کمیٹی دے میمبر تے تحصیل/ سٹی دے آرگنائزر تے ایگزیکٹو دے میمبر وی بنائے جان گے۔

کسی ناکام تحریک دی سب توں وڈی غلطی اے ھوندی اے کہ؛ او مقصد توں لاعلم لوکاں نوں کٹھا کر لیندی اے۔ تحریک نوں کامیاب بنان لئی پہلے خاص مقصد لئی لوکاں دا ذھن تیار کرو فے انہاں نوں کٹھا کرو۔

پنجابی نیشنلسٹ فورم وچ علمی صلاحیت تے سیاسی شعور والے پنجابیاں نوں زون دی سطح تے اھمیت دتی گئی اے تاکہ پی این ایف دے بنائے گئے پروگرام تے عمل کروان۔ مالی وسائل تے سیاسی شعور والے پنجابیاں نوں ڈسٹرکٹ دی سطح تے اھمیت دتی جاوے گی تاکہ پی این ایف دے بنائے گئے پروگرام تے عمل کران۔ عوامی تعلقات تے سیاسی شعور والے پنجابیاں نوں تحصیل/ سٹی دی سطح تے اھمیت دتی جاوے گی تاکہ پی این ایف دے بنائے گئے پروگرام تے عمل کرن۔