پاکستان وچ پنجابیاں دی آبادی 12 کروڑ اے۔ پنجابی پاکستان وچ ھر تھاں ریہندے نے۔ پاکستان وچ پنجابیاں دے ھر تھاں سماجی ' معاشی ' انتظامی ' اقتصادی مسئلے ھر علاقے دی مناسبت نال وکھ وکھ نے۔ ایس لئی پاکستان وچ 12 کروڑ پنجابیاں دی قیادت اک پنجابی تے کی پنجابیاں دی اک تنظیم وی نئیں کر سکدی۔
پاکستان دے 12 کروڑ پنجابیاں دی قیادت کرن لئی بہت سارے پنجابیاں دی لوڑ اے۔ بلکہ علاقے دی مناسبت نال بہت ساریاں پنجابی تنظیماں دی لوڑ اے۔
پنجابی قوم پرستی دا کم کرن والے تے خاص طور تے پنجابی تنظیماں بنان والے پنجابیاں نوں چائی دا اے کہ؛ سوشل میڈیا تے آپس وچ اک دوجے نال نہ لڑیا کرن۔ جے اک دوجے نال اختلاف ھووے تے ان فرینڈ ھو جایا کرن۔
پنجابی قوم پرستی دا کم کرن والے آں نوں چائی دا اے کہ؛ پنجابیاں لئی بنائے گئے سماجی عزت دواں ' انتظامی بالادستی قائم کروان ' معاشی خوشحالی دوان ' اقتصادی ترقی کروان والے اپنے اپنے پروگرام تے پنجابیاں نوں کٹھا کرن۔
جد پنجابیاں دی آں پاکستان وچ وڈیاں وڈیاں تنظیماں بن جان گی آں تے فے پنجابی قوم دے ملکی سطح تے مشترکہ مسئلیاں لئی وڈیاں وڈیاں پنجابی تنظیماں آپس وچ تعاون کرن لئی پروگرام تے پالیسی بنا لین گی آں۔ جد کہ چھوٹیاں چھوٹیاں پنجابی تنظیماں علاقائی تے مقامی سطح تے آپس وچ تعاون کرن لئی پروگرام تے پالیسی بنا لین گی آں۔ ایس طراں پنجابیاں دے ملکی ' علاقائی ' مقامی سطح تے مسئلے حل ھون لگ پین گے۔
No comments:
Post a Comment