پنجاب وچ پنجاب دی سرکاری تے تعلیمی زبان پنجابی کرن۔ پنجابی ادب تے پنجابی ثقافت نوں وادھا دین توں علاوہ پنجابی قوم پرستی دا کم وی ھو ریہیا اے۔ اپنی زبان ' ادب ' ثقافت لئی کم کرنا قوم دے سماجی مسئلے دا اک حصہ اے۔ جد کہ قوم پرستی اے وے کہ؛ اپنی قوم دے لوکاں دی سماجی عزت ' معاشی خوشحالی ' سیاسی استحکام ' انتظامی بالادستی لئی جدوجہد کیتی جاوے۔ اپنی قوم دی عزت ' جان ' مال دی حفاظت کرن والا ای پنجابی قوم پرست ھوندا اے تے اپنی قوم دی عزت ' جان ' مال لئی اپنی جان قربان کرن والا قوم دا ھیرو ھوندا اے۔
پنجابی قوم پرستی دا "پبلک" وچ ھون والا کم نظر آریہیا اے۔ پنجابی قوم پرستی دا "پاور پلیئرز" وچ ھون والا کم عام لوکاں نوں نظر نئیں آریہیا اے۔ پنجابی قوم پرستی دا پنجابی قوم پرستاں نوں "پلیٹ فارم" تے کٹھا کرکے پنجابی قوم پرستاں دے سیاسی شعور نوں ودھان تے پنجابی قوم پرستاں نوں پنجابیاں دی قیادت کرن دے قابل بنان والا کم "پنجابی نیشنسلٹ فورم" کر ریہیا اے۔ پی این ایف ھجے تنظیمی مرحلے وچ اے۔ سارے پاکستان وچ 8 زون بنان توں بعد ھجے ضلعے تے تحصیل دی سطح تے تنظیم بنانی اے۔ تنظیم سازی توں بعد پی این ایف عوامی سطح تے کم 2023 توں شروع کرے گا۔
زمین رڑی پئی ھووے تے جھاڑیاں اگ پیندیاں نے۔ کجھ ایہو جیہا ای حال پنجابی قوم پرستی دے میدان وچ وی سی۔ پنجابی قوم پرستی دا کم منظم طور تے شروع ھون توں پہلوں پنجابی قوم پرستی دے میدان وچ جھاڑیاں اگیاں ھوئیاں سن۔ پنجابی قوم پرستی دا کم منظم طور تے شروع ھون توں بعد ھن پنجابی قوم پرستی دے پھل دار درخت تیار ھون لگ پئے نے۔ پنجابی قوم پرستی دے پھل دار درخت تیار ھون دے نال نال ای پنجابی قوم پرستی دے میدان وچ اگیاں جھاڑیاں پنجابی لوکائی نوں چنگیاں نئیں لگ رئیاں۔ ایس لئی پنجابی لوکائی نے اے اگیاں ھوئیاں جھاڑیاں ھن پٹ دینیاں نے۔ ایس کرکے پنجابی قوم پرستی دے میدان وچ پھل دار درخت نظر آیا کرن گے۔ جیہڑے "پنجابی نیشنسلٹ فورم" توں اگن گے۔ انشاء اللہ
پی این ایف 100 پنجابی قوم پرستاں دی قومی تے صوبائی سطح تے سیاسی تربیت کرے گا تے پنجابی قوم دی قیادت کرن لئی تیاری کروائے گا۔ ایس کرکے ای پی این ایف دی ٹیم دی سلیکشن اعلی تعلیم یافتہ تے سیاسی شعور والے پنجابیاں چوں کیتی جاندی اے۔ جدکہ پی این ایف دا کھیل "پاور پلیئرز" دے نال اے۔ نہ کہ "پبلک وچ ھلا گلا" کردے ریہن والے آں نال اے۔ کیونکہ "پبلک" نوں "پاور" توں بغیر سماجی ' معاشی ' انتظامی ' اقتصادی فائدہ نئیں پہنچایا جاسکدا۔ ایس لئی پی این ایف دی ٹیم دی تربیت کرکے "پاور" دلوائی جائے گی تے فے "پنجابی پبلک " دی خدمت کروائی جائے گی۔
پی این ایف دی پالیسی اے کہ؛ ھر پنجابی اپنے پروگرام دے مطابق پنجابی قوم پرستی دا کم کرے۔ اگے پنجابیاں دی مرضی کہ؛ او پنجابی قوم پرستی دا کم کرن والی کیس تنظیم دا ساتھ دیندے نے تے کیہڑی تنظیم "پاور پلیئرز" نال کھیل کھیل کے "پاور" حاصل کرسکدی اے۔ "پنجابی نیشنسلٹ فورم" دے پلیٹ فارم توں تیار ھون والے پنجابی قوم پرست لیڈر قومی تے صوبائی سطح تے علمی دلائل تے سیاسی مھارت دے نال پنجابی قوم دے لوکاں دی سماجی عزت ' معاشی خوشحالی ' انتظامی بالادستی ' اقتصادی ترقی نوں یقینی بنان گے۔ قومی تے صوبائی سطح تے پنجابی قوم دی قیادت کرن والے 100 پنجابی قوم پرست لیڈر پی این ایف دے زونل آرگنائزراں ' سیکشن کوآرڈینیٹراں ' ڈپٹی زونل آرگنائزراں تے ڈسٹرکٹ آرگنائزراں چوں ھون گے۔ ایس لئی پی این ایف دی ٹیم وچ شامل کرن توں پہلوں تعلیمی قابلیت ' سیاسی شعور ' قائدانہ صلاحیت تے پنجابی قوم لئی کم کرن دے جذبے نوں ویکھیا تے پرکھیا جاندا اے۔
No comments:
Post a Comment